| e-texts navigator |
| Wylie |
300a1 ག་སུང་རབ་ཏུ་གཏོགས་པ་ཐམས་ཅད་ཀྱི་དོན་ཀྱང་དེ་ཡིན་ནོ་ཞེས་དེ་དེ་ལྟར་སློབ་ཅིང་དེས་ཚིགས་སུ་བཅད་བདེ་ཁ་ཏོན་དུ་བྱས་ནས་སེམས་ཅན་གང་ཇི་སྙེད་དག་གིས་བདག་གི་རྩ་བ་བཞི་པའི་ཚོགས་སུ་བཅད་པ་འདི
300a2 ཐོས་པ་དེ་ཐམས་ཅད་སངས་རྒྱས་ཀྱི་སྤོབས་པ་ཐོབ་པར་ཤོག་ཤིག། ཅེས་དེ་ལྟར་མ་ཞུམ་པའི་སེམས་ཀྱིས་སྨོན་ལམ་འདེབས་ཏེ། དེ་དགེ་བའི་རྩ་བ་དེས་སེམས་ཅན་ཐམས་ཅད་ཀྱི་ཐོས་པ་མཐའ་མད་པ་དཔེ་མེད་པ། ཟིལ་གྱིས
300a3 གནོན་ཅིང་སངས་རྒྱས་ཀྱི་སྤོབས་པ་ཡང་ལེན་པར་བྱེད་དོ། ། རིགས་ཀྱི་བུ་གཞན་ཡང་བྱང་ཆུབ་སེམས་དཔའ་ཐབས་མཁས་པ་ན་ནམ་ཞིག་གལ་ཏེ་བརྒྱལ་དབུལ་པོར་གྱུར་ན། དེའི་ཚེན་དེ་ཆུང་ངུ་ན་གཞན་གྱི་ལས་ཀྱང་བྱས་ནས་ཟས
300a4 གཟར་བུ་གང་ཐོགས་ཏེ་སེམས་མ་ཞུམ་པས། དགེ་འདུན་ནམ་གང་ཟག་ལ་སྦྱིན་པར་བྱེད་དོ།། བྱིན་ནས་ཀྱང་འདི་ལྟར་སློབ་སྟེ། བཅོམ་ལྡན་འདས་ཀྱིས་སེམས་ཆེ་བའི་ཕྱིར་སྦྱིན་པ་ཆེ་བར་འགྱུར་རོ་ཞེས་གསུངས་ཀྱིས་བདག་གིས་སྦྱིན་པ
300a5 ཆུང་དུ་ཟིན་ཀྱང་ཐམས་ཅད་མཁྱེན་པ་ཉིད་ཀྱི་སེམས་ནི་དཔག་ཏུ་མེད་པའོ་སྙམ་ནས་དེ་ཐམས་ཅད་མཁྱེན་པ་ཉིད་ཀྱི་སེམས་ཀྱིས་ཟས་གཟར་བུ་གང་པོ་སྦྱིན་པར་བྱེད་ཅིང་། དགེ་བའི་རྩ་བ་འདིས་སེམས་ཅན་ཐམས་ཅད་འདི་ལྟ་སྟེ་དཔེར
300a6 ན། ད་ལྟར་གྱི་དེ་བཞིན་གཤེགས་པ་ཕྱག་ན་རིན་ཆེན་བཞིན་དུ་ཤོག་ཤིག་ཅེས་ཟས་གཟར་བུ་གང་པོ་དེ་ཉིད་ཀྱིས་སྦྱིན་པའི་རང་བཞིན་དང་། ཚུལ་ཁྲིམས་ཀྱི་རང་བཞིན་དང་། བསྒོམ་པའི་རང་བཞིན་གྱིས་བསོད་ནམས་བྱ་བའི་དངོས་པོ
300a7 མངོན་པར་བྱེད་དོ། ། རིགས་ཀྱི་བུ་གཞན་ཡང་བྱང་ཆུབ་སེམས་དཔའ་ཐབས་མཁས་པ་ནི་ཉན་ཐོས་དང་། རང་སངས་རྒྱས་རྣམས་དང་ལྷན་ཅིག་ཏུ་གནས་ཀྱང་དེ་དག་ལ་འདོད་པར་མི་བྱེད་དོ།། གལ་ཏེ་ཡང་ཉན་ཐོས་དང་། རང་སངས་རྒྱས
300a8 དག་ལ་བཀུར་སྟི་བྱས་པ་མཐོང་ན་དེ་རྒྱུ་གཉིས་ཀྱིས་བདག་ཉིད་ཁོང་དུ་ཆུད་པར་བྱེད་དོ། ། རྒྱུ་གཉིས་པོ་གང་ཞེ་ན། བྱང་ཆུབ་སེམས་དཔའ་ལས་ནི་སངས་རྒྱས་བཅོམ་ལྡན་འདས་རྣམས་འབྱུང་། སངས་རྒྱས་ལས་ནི་ཉན་ཐོས་དད་ར
iiif viewer powered by OpenSeadragon
