| e-texts navigator |
| Wylie |
299b1 ཕྱོགས་བཅུན་གང་སྤོས་ཀྱི་ཤིང་ཡང་བ་རླུང་གིས་ཁྱེར་བ་ཡོངས་སུ་མ་བླངས་པ་བདག་པོ་མེད་པ་དེ་དག་ཀྱང་སངས་རྒྱས་ཐམས་ཅད་ལ་འབུལ་ཞིང་དགེ་བའི་རྩ་བ་དེ་ཡང་ཐམས་ཅད་མཁྱེན་པ་ཉིད་དུ་བསྔོ་བར་བྱེད་དོ།། རིགས་ཀྱི་བུ་གཞན
299b2 ཡང་བྱང་ཆུབ་སེམས་དཔའ་ཐབས་མཁས་པས་ནི་ཕྱོགས་བཅུན་སེམས་ཅན་གང་ཇི་སྙེད་བདེ་བའི་ཚོར་བ་མྱོང་བ་དེ་ཐམས་ཅད་ལ་བསམས་ཏེ། རྗེས་སུ་ཡི་རང་བར་བྱེད་དོ།། རྗེས་སུ་ཡིད་རང་ནས། ཐམས་ཅད་མཁྱེན་པ་ཉིད་དུ་བསྔོ་བྱེད
299b3 རོ། ། གང་ཡང་ཕྱོགས་བཅུ་ན་སེམས་ཅན་སྡུག་བསྔལ་བའི་ཚོར་བ་མྱོང་བ་དེ་ཐམས་ཅད་ནི་འཆགས་སུ་འཇུག་སྟེ། གང་སེམས་ཅན་དེ་དག་གི་སྡུག་བསྔལ་ནི་བདག་ལ་ཤོག་ཤིག་དེ་དག་ནི་བདེ་བར་གྱུར་ཅིག་ཅེས་དེ་ལྟ་བུའི་གོ་ཅ་གྱོན་ཞིང་དགེ།
299b4 བའི་རྩ་བ་དེ་ཡང་བྱང་ཆུབ་ཏུ་བསྔོབར་བྱེད་དོ།། རིགས་ཀྱི་བུ་གཞན་ཡང་བྱང་ཆུབ་སེམས་དཔའ་ཐབས་མཁས་པ་ནི་དེ་བཞིན་གཤེགས་པ་གཅིག་ལ་ཕྱག་འཚལ་ན་དེ་བཞིན་གཤེགས་པ་ཐམས་ཅད་ལ་ཕྱག་འཚལ་བ་དེ་ལྟར་འཛིན་ཏེ།
299b5 དེ་ནི་འདི་ལྟར་སློབ་པོ།། སངས་རྒྱས་ཐམས་ཅད་ཀྱི་ཆོས་ཀྱི་དབྱིངས་གཅིག་གོ། ཚུལ་ཁྲིམས་གཅིག་གོ། ཏིང་ངེ་འཛིན་གཅིག་གོ། ཤེས་རབ་གཅིག་གོ། དགོངས་པ་གཅིག་གོ། རྣམ་པར་གྲོལ་བ་གཅིག་གོ།། རྣམ་པར་གྲོལ་བའི་ཡེ་ཤེས
299b6 མཐོང་བ་གཅིག་གོ། ། ཞེས་དེ་ལྟར་བསློབ་ཅིང་དེ་ལྟར་དེ་བཞིན་གཤེགས་པ་གཅིག་ལ་ཕྱག་འཚལ་ན་དེ་བཞིན་གཤེགས་པ་ཐམས་ཅད་ལ་ཕྱག་འཚལ་བར་འཛིན་ཏོ།། དེ་ཐབས་མཁས་པ་དེ་སངས་རྒྱས་གཅིག་ལ་བཀུར་སྟི་བྱས་ནས།
299b7 སངས་རྒྱས་ཐམས་ཅད་ལ་བཀུར་སྟི་བྱེད་དོ།། ཕྱོགས་བཅུའི་སངས་རྒྱས་དེ་དག་ལ་མཆོད་པར་འགྱུར་བ་ཇི་སྙེད་ཡོད་པ་དེ་དག་ཐམས་ཅད་ཀྱང་ཡོངས་སུ་ལེན་ཏོ།། རིགས་ཀྱི་བུ་གཞན་ཡང་བྱང་ཆུབ་སེམས་དཔའ་ཐབས་མཁས་པ་ནི་ནམ
299b8 ཞིག་ཤེས་རབ་རྨོངས་པ་ཅན་དུ་རེང་ན་ཡང་དེ་ནི་བདག་ལ་ཡེ་མི་བསོད་ཀྱི་གཟེང་བསྟོད་པར་བྱེད་དོ། ། ཆུང་ངུ་ན་རྩ་བ་བཞི་པའི་ཚིགས་སུ་བཅད་པ་གཅིག་ལ་ཏོན་དུ་འདོན་ན་ཡང་རྩ་བ་བཞི་པའི་ཚིགས་སུ་བཅད་པ་གཅིག་གིས་དོན་གང་ཡིན་པ
iiif viewer powered by OpenSeadragon
