| e-texts navigator |
| Wylie |
298a1 མྱུ་གུ་མ་མཆིས་པ། ས་བོན་མ་མཆིས་པ། འབྲས་བུ་མ་མཆིས་པ། རྣམ་པར་སྨིན་པ་མ་མཆིས་པ། ཡི་གེ་མ་མཆིས་པ། རློམས་སེམས་མ་མཆིས་པ་ལགས་སོ།། བཅོམ་ལྡན་འདས་དེ་བཞིན་དུ་བྱང་ཆུབ་སེམས་དཔའ
298a2 སེམས་དཔའ་ཆེན་པོས་ཆོས་ཐམས་ཅད་ལ་དེ་ལྟར་རྟོགས་ན་མི་སྐྱེ་བའི་ཆོས་ལ་བཟོད་པ་ཐོབ་པར་འགྱུར་རོ། ། འདི་ལྟ་སྟེ། བཅོམ་ལྡན་འདས། བྱ་བ་རཱ་ཛྲ། མན་ཏ་ཀྵ་ཡ། ཛིན་ཛ་ཡ། ཛ་ན་ནི་མ་མུ་ནི་ཧར། ཨ་ན་ཡ་བ་ལ། གུ་ཎ་གདྷཱ། ནི
298a3 ཡ་མ་སུ་རཱི་ནཱ་ཡ། པུ་བ་ཤ། ཤ་ཏ་ཤ་ག། ཤ་མ་ཤ་ན། ཏ་ཐ་ཀ་མ། ཤ་མཾ་གུ། མཱ་ཏུ་ཤི།། ཤ་མ་ཙེ་ཏ་ནཱ་ཡ། ཀླེ་ཤཱན་ཏ་སཾ་ཤོ་ཥ་ཎེ་སྭཱ་ཧཱ།། བཅོམ་ལྡན་འདས་ཀྱིས་བཀའ་སྩལ་པ། ལེགས་སོ། ལེགས་སོ།། རིགས་ཀྱི་བུ་ཁྱོད་ཀྱིས་མིག
298a4 ལས་རྒྱལ་བར་བྱེད་པ་སེང་གེའི་འགྲོས་ཀྱི་ཕྱིར་བསྒྱིངས་པའི་གཟུགས་འདིས་སེམས་ཅན་དག་འཆི་བའི་ཚེ། ཐ་མའི་རྣམ་པར་ཤེས་པ་ཉོན་མོངས་པའི་སྒྲིབ་པ་དང་། ལས་ཀྱི་སྒྲིབ་པ་དང་། ཆོས་ཀྱི་སྒྲིབ་པ་ཡོད་པ་སྤྲུག་པ་དང་། སངས་རྒྱས
298a5 ཀྱི་ཞིང་ཡོངས་སུ་དག་པར་གཏོང་ནུས་སོ། ། ཁྱོད་ནི་འཇིག་རྟེན་གྱི་ཁམས་དཔག་ཏུ་མེད། གྲངས་མེད་པར་འགྲོ་བ་དང་། སེམས་ཅན་རྣམས་ལ་སྙིང་རྗེའི་དབང་གིས་གྲོད་དང་། གྲོང་ཁྱེར་དང་། གྲོང་རྡལ་དང་། ལྗོངས་དང་། ཡུལ་འཁོར་དང་།
298a6 རྒྱལ་པོའི་ཕོ་བྲང་དུ་གཟུགས་དང་། ཆ་ལུགས་དང་། སྤྱོད་ལམ་སྣ་ཚོགས་ཀྱིས་ཐེག་པ་ཆེན་པོའི་མདོ་སྡེ་སྣ་ཚོགས་འཆད་པ་དང་། སེམས་ཅན་ཡོངས་སུ་སྨིན་པར་བྱ་བ་དང་། རྒྱལ་རིགས་གདོལ་པ་ནས་དགེ་སྦྱོང་རྡོལ་བིའི་བར་དུ་སྡིག
298a7 པའི་ཆོས་ལས་སྤོང་བ་དང་། ཐམས་ཅད་དགེ་བའི་ཆོས་ལ་གཞག་པར་ནུས་སོ།། བཅོམ་ལྡན་འདས་ཀྱིས་འདི་བསྟན་པའི་ཚེ། ལྷ་དང་མིའི་སྐྱེ་དགུ་དཔག་ཏུ་མེད་གྲངས་མེད་པ་དག་གིས་ཏིང་ངེ་འཛིན་དང་། གཟུངས་དང་། བཟོད་པ་སྣ་ཚོགས
298a8 ཐོབ་པར་གྱུར་ཏོ། ། གཞན་དག་ཀྱང་ས་བཅུ་ལ་ཡེ་ཤེས་སྐྱེས་པར་གྱུར་ཏོ།། སྲོག་ཆགས་ཁྲི་ནི་མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་ཏོ།། སེམས་ཅན་དག་གི་གང་དག་བརྩོད་འགྱུར་བ།། དེ་དག་གི་ནི་བཞི་འི་རྩ་བ་སྤོངས།། མྱུར་དུ
iiif viewer powered by OpenSeadragon
