| e-texts navigator |
| Wylie |
297b1 ཐམས་ཅད་སྙིང་རྗེ་ཉིད་ལ་ཤིན་ཏུ་གནས་པར་འགྱུར་རོ། ། དག་ཝ་ཀྱང་འཇིག་རྟེན་དུ་དགྲ་བཅོམ་པ་རྣམས་འབྱུང་བར་འགྱུར་རོ།། རང་སངས་རྒྱས་རྣམས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་འཇིག་རྟེན་དུ་འབྱུང་བར
297b2 འགྱུར་རོ། ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་འཇིག་རྟེན་དུ་འབྱུང་བར་འགྱུར་རོ།། རིགས་ཀྱི་བུ་འདི་ཇི་སྙམ་དུ་སེམས། ནམ་མཁའ་མིག་ལ་གནས་སམ། གསོལ་པ། བཅོམ་ལྡན་འདས་དེ་མ
297b3 ལགས་སོ། ། ཅི་མིག་གི་རྣམ་པར་ཤེས་པ་ལ་གནས་སམ། བཅོམ་ལྡན་འདས་དེ་མ་ལགས་སོ།། ཅི་མིག་གི་ཀུན་ཏུ་རེག་པ་ལ་གནས་སམ། བཅོམ་ལྡན་འདས་དེ་མ་ལགས་སོ།། གང་ཡང་ནང་དུ་མིག་གིས་ཀུན་ཏུ་རེག་པའི་རྐྱེན་གྱིས་ཚོར་བ
297b4 གསུམ་འབྱུང་བ་དེ་ལ་ནམ་མཁའ་གནས་སམ། གསོལ་པ། བཅོམ་ལྡན་འདས་དེ་མ་ལགས་སོ།། དེ་བཞིན་དུ་རྣ་བ་དང་། སྣ་དང་། ལྕེ་དང་། ལུས་ལ་ཡང་བརྗོད་པར་བྱའོ།། རིགས་ཀྱི་བུ་འདི་ཇི་སྙམ་དུ་སེམས། ནམ་མཁའ་ཡིད་ལ་གནས་པ
297b5 ནས། ཡིད་ཀྱིས་ཀུན་ཏུ་རེག་པའི་རྐྱེན་གྱིས་ཚོར་བ་གསུམ་འབྱུང་བ་དེ་ལ་ནམ་མཁའ་གནས་སམ། གསོལ་པ། བཅོམ་ལྡན་འདས་དེ་མ་ལགས་སོ།། རིགས་ཀྱི་བུ་འདི་ཇི་སྙམ་དུ་སེམས། སེམས་ཅན་ནམ་མཁའ་ལ་གནས་སམ། གསོལ་བ
297b6 བཅོམ་ལྡན་འདས་དེ་མ་ལགས་སོ། ། རིགས་ཀྱི་བུ་འདི་ཇི་སྙམ་དུ་སེམས། ནམ་མཁའ་སེམས་ཅན་ལ་གནས་སམ། གསོལ་པ། བཅོམ་ལྡན་འདས་དེ་མ་ལགས་སོ།། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་བྱང་ཆུབ་སེམས
297b7 དཔའ་སེམས་དཔའ་ཆེན་པོ་ནམ་མཁའི་སྙིང་པོས་འདི་སྐད་ཅེས་གསོལ་ཏོ། ། བཅོམ་ལྡན་འདས་གཅིག་ལ་གཅིག་མི་རྟེན་ཏོ།། གཅིག་ལ་གཅིག་སྤྱོད་ཡུལ་མ་ལགས་སོ།། བཅོམ་ལྡན་འདས་ཆོས་ཐམས་ཅད་ནི་རྟོགས་པ་མ་མཆིས་པ།
297b8 སྟོང་པ་ཉིད་དོ།། སྒྲོ་མ་གཏགས་པ། ཡང་དག་པའི་མཐའ་དེ་བཞིན་ཉིད་དུ་རྟོགས་པར་བགྱིའོ།། བཅོམ་ལྡན་འདས་ནམ་མཁའི་སྙིང་པོ་འདི་ལྟ་སྟེ། རང་གི་མཚན་ཉིད་ཐ་མི་དད་པ། མི་རྟོག་པ། རྣམ་པར་མི་རྟོག་པ། མི་གཡོ་བ་གསོབ་ལགས་ཏེ།
iiif viewer powered by OpenSeadragon
