| e-texts navigator |
| Wylie |
295a1 སེམས་ཅན་ཐམས་ཅད་ལ་བྱམས་པའི་སེམས་ཉེ་བར་གཞག་ཏེ། འདི་སྐད་ཅེས་བརྗོད་དོ།། དགོངས་ཤིག། དགོངས་ཤིག། ནམ་མཁའི་སྙིང་པོ་ཐུགས་རྗེ་ཆེན་པོ་བརྙེས་པ། བདག་ལ་དྲན་པ་དང་། ཏིང་ངེ
295a2 འཛིན་གྱི་རྣལ་འབྱོར་སྩོལ་ཅིག། འདི་ལྟ་སྟེ། ཨུ་མུ་ར་ཎ་ཥེ། བ་ཀྵ་མ་ནི་ལེ། ས་མུ་དྲ་ཨ་བ་ད་རེ་ན། ན་ཡ་ན་ཡ། མ་ཧཱ་ཀཱ་རུ་ཎི་ཀཱ། ཨ་ནུ་བ་མཛ་མ་བྷསྨི་ཏི། ཨ་ཀྲ་ཛམ་བྷ་མྲི་ཏི། བཛྲ་ཛམ་བྷ་སྨི་ཏི། ཀོ་ཤ་སྨི་ཏི། ཨ་ནུ་པ་མ
295a3 སྨྲྀ་ཏི། བཱ་ཏ་ཀོ་ཊི་སྭཱ་ཧཱ།། དེ་ལ་དྲན་པ་དང་ཏིང་ངེ་འཛིན་ལ་འཇུག་པ་སྦྱིན་པར་བྱེད་དོ།། གང་ཡང་སངས་རྒྱས་ཀྱི་བཀའ་ཡང་རུང་། ཉན་ཐོས་ཀྱིས་བཤད་པ་ཡང་རུང་སྟེ། བསྟན་བཅོས་སྣ་ཚོགས་ཀློག་པར་འདོད་ན།
295a4 དེས་ཁྲུས་བྱས་ཏེ་སྐྱེ་རེང་བྱུང་བའི་ཚེ་བྱང་ཆུབ་སེམས་དཔའ་ནམ་མཁའི་སྙིང་པོ་ལ་ཕྱག་བྱའོ།། མཆོད་པ་ཅི་ནུས་ཀྱིས་བྱའོ།། སེམས་ཅན་ཐམས་ཅད་ལ་བྱམས་པའི་སེམས་སུ་བྱའོ།། འདི་སྐད་ཀྱང་བརྗོད་པར་བྱའོ།། །
295a5 དགོངས་ཤིག། དགོངས་ཤིག། མཁས་པ་ཆེན་པོ་སེམས་ཅན་ཐམས་ཅད་ཀྱི་ནང་ན་བསམ་གྱིས་མི་ཁྱབ་པའི་རིགས་ཀྱི་བུ་ནམ་མཁའི་སྙིང་པོ་གང་ཟག་གི་མཆོག། དྲན་པ་དང་། ཏིང་ངེ་འཛིན་གྱི་རྣལ་འབྱོར་བདག་ལ་སྩོལ་ཅིག།
295a6 འདི་ལྟ་སྟེ། ཨཱི་ནཱི་ལ་ཛ། བི་ཥ་ན་དུ་ཥ་ཛ། བི་ཡ་བན་ཛ། པི་པཀྵི་ས་མེ། བཱ་ཤ་ལ་ཛ་སི། སྠཱན་ཤ་ར་བེ། ཤསྟྲ་ཀཎྜེ། ཧུ་མ་ཧུ་མ། མ་ཧཱ་ཀཱ་རུ་ནི་ཀ་སྭཱ་ཧཱ།། ། གང་རྒྱ་མཚོ་ཆེན་པོར་འཇུག་འདོད་པ་དང་། གང་ཁུང་དུ་འཇུག་འདོད་པ
295a7 གང་བཙུད་དམ་པ་སྤྱོད་པར་འདོད་པར་འགྱུར་བ་དང་། གང་བཙོན་རར་བཅུག་པ་དང་། གང་འཛེའ་བ་དང་བྲལ་བ་དང་། གང་མི་མཛའ་བ་དང་ཕྲད་པ་དང་། གང་དག་མེས་འཇིགས་པ་དང་། ཆུ་དང་། མཚོན་དང་། དུག་དང་། བྱད་དང་།
295a8 སྟག་དང་། སེང་གེ་དང་། དུག་དྲག་པོ་དང་། རྐུན་པོ་དང་། གཡོན་ཅན་བྱས་འཇིགས་པར་འགྱུར་བ་དང་། གང་དམ་དུ་བཅིངས་པ་དང་། གང་ཆད་པས་བཅད་པ་དང་། གང་གསད་པ་ལ་ཐུག་པ་དང་། གང་ནད་ཀྱིས་བཏབ་པ་དང་། ནད
iiif viewer powered by OpenSeadragon
