| e-texts navigator |
| Wylie |
26a1 ཇི་ལྟར་ན་རྟེན་མ་མཆིས་པ་ལགས། ཇི་ལྟར་ན་དཔུང་གཉེན་མ་མཆིས་པ་ལགས། བཀའ་སྩལ་པ། སྟོབས་ཆུང་ང་བྱ་བ་ནི་གནོད་པར་བྱེད་པ་རྣམས་ལ་ལན་མི་བྱའོ།། སྟོབས་དང་ལྡན་པར་བྱ་བ་ནི་ཕན་པ་མི་བྱེད་པ་ནས
26a2 ལ་བཟོད་པས་པན་གདགས་པའོ། ། རྟེན་མེད་པར་བྱ་བ་ན་སོ་སོ་རང་གིས་ཤེས་པས་སོ།། དཔུང་གཉེན་མེད་པར་བྱ་བ་ནི་གཞན་གྱི་དྲིང་མི་འཇོག་པ་སྙེད་ནི་ཚུལ་ལོ།། རིགས་ཀྱི་བུ་དག་དེ་ལྟ་བས་ན་དད་པ་དག་ནི་རྙོག་པ་ཅན་དུ་གྱིས
26a3 ཤིག། རྙོག་པ་ཅན་དགན་དང་བར་གྱིས་ཤིག། རྙོག་པ་མེད་པར་ཡང་གྱིས་ཤིག། རྟག་ཏུ་དད་པར་ཡང་གྱིས་ཤིག། གསོལ་པ། བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ་རྣམས་དང་པད་ནི་རྟོག་པ་ཅན་དུ་བགྱིད་པ
26a4 ལགས། ། ཇི་ལྟར་ན་རྙོག་པ་ཅན་དག་ནི་དང་བར་བགྱིད་པ་ལགས། ཇི་ལྟར་ན་རྙོག་པ་མ་མཆིས་པ་ལགས། ཇི་ལྟར་ན་རྟག་ཏུ་དད་པ་ལགས། བཀའ་སྩལ་པ། དང་བདག་རྙོག་པ་ཅན་དུ་བྱ་བ་ནི་མཉམ་པར་གཞག་པའི་སེམས་ལ
26a5 དགེ་བའི་རྩ་བ་དག་གིས་བསྒོ་བའོ། ། རྙོག་པ་ཅན་དག་དད་པར་བྱ་བ་ནི་ཉོན་མོངས་པ་ལ་བརྙོགས་པའི་སེམས་བྱང་ཆུབ་ཀྱི་སེམས་སུ་དང་བར་བྱ་བའོ།། རྙོག་པ་མེད་པར་བྱ་བ་ནི་ཉོན་མོངས་པ་ཐམས་ཅད་གསལ་བའོ།། རྟག་ཏུ་དད
26a6 པར་བྱ་བ་ནི་སེམས་ཅན་ཐམས་ཅད་ལ་སེམས་དང་བ་སྟེ། དེ་ནི་ཚུལ་ལོ།། རིགས་ཀྱི་བུ་དག་དེ་ལྟ་བས་ན་ལུགས་ལས་བཟློག་པར་འཇུག་པར་ཡང་གྱིས་ཤིག། ལུགས་བཞིན་དུ་ཡང་སློབས་ཤིག། སྤྲིའུ་ཚུགས་ཀྱི་རྒྱུད་ཀྱང་ཤེས།
26a7 བར་གྱིས་ཤིག། གསོལ་པ། བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ་རྣམས་ལུགས་ལས་བཟློག་པར་འཇུག་པ་ལགས། ཇི་ལྟར་ན་ལུགས་བཞིན་དུ་སློབ་པ་ལགས། ཇེ་ལྟར་ན་སྤྱིའུ་ཚུགས་ཀྱི་རྒྱུད་འཚལ
26a8 ལགས། ། བཀའ་སྩལ་པ། ལུགས་ལས་བཟློག་པར་འཇུག་པར་བྱ་བ་ནི་བྱིས་པ་སོ་སོའི་སྐྱེ་བོ་ཐམས་ཅད་ཀྱི་སྤྱོད་པ་ལས་ཕྱིར་ལོག་པའོ།། ལུགས་བཞིན་དུ་བསླབ་པ་ནི་བྱང་ཆུབ་སེམས་དཔའི་བསླབ་པ་ཐམས་ཅད་ལའོ།། སྤྱིའུ
iiif viewer powered by OpenSeadragon
