| e-texts navigator |
| Wylie |
25b1 ཀྱི་བུ་དག་དེ་ལྟ་བས་ན་རྨ་བྱུང་བར་ཡང་གྱིས་ཤིག། མ་སྤྲོས་པར་ཡང་གྱིས་ཤིག། རྨ་བྱུང་བ་རྣམས་ནི་མོས་པར་ཡང་གྱིས་ཤིག། རྨ་མ་བྱུང་བ་རྣམས་ནི་རྨད་བྱུང་ཅིག། གསོལ་པ། བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ
25b2 རྣམས་རྨའི་བྱིན་པ་ལགས། ཇི་ལྟར་ནམ་སྨས་པ་ལགས། ཇི་ལྟར་ན་རྨ་བྱུང་བ་རྣམས་གསོ་བ་ལགས། ཇི་ལྟར་ན་རྨ་མ་བྱུང་བ་རྣམ་ཐ་མི་འབྱིན་པ་ལགས། བཀའ་སྩལ་པ། རྨ་མ་བྱུང་བ་ནི་ཡན་ལག་དང་ཉིང་ལག་ཡོངས་སུ་གཏད་པའི
25b3 ཕྱིར་རོ། ། མ་སྨས་པར་བྱ་བ་ནི་སེམས་ཀྱིས་སོ།། རྨ་བྱུང་བ་རྣམས་གསོ་བ་ནི་ལྟུང་བ་བྱུང་བ་རྣམས་ཆོས་བཞིན་དུ་བཅོས་པའོ།། རྨ་མ་བྱུང་བ་རྨ་མི་དབྱུང་བ་ནི་སྲོག་གི་ཕྱིར་ཡང་བསླབ་པ་ལས་འགལ་བར་མི་བྱ་བ་སྟེ་དེ་ནི་ཚུལ་ལོ།།
25b4 རིགས་ཀྱི་བུ་དག་དེ་ལྟ་བས་ན་ཉེ་བར་འཚེར་མེད་པར་ཡང་གྱིས་ཤིག། སེམས་ཅན་ཐམས་ཅད་ཉེ་བར་འཚོ་བར་ཡང་གྱིས་ཤིག། མི་བསགས་པ་རྣམས་ཀྱང་སོགས་ཤིག། བསགས་པ་རྣམས་ཀྱང་ཆུད་མ་གཟོན་ཅིག། གསོལ་པ།
25b5 བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ་རྣམས་ཉེ་བར་འཚོ་བ་མ་མཆིས་པ་ལགས། ཇི་ལྟར་ན་སེམས་ཅན་ཐམས་ཅད་ཉེ་བར་འཚོ་བ་ལགས། ཇི་ལྟར་ན་བསགས་པ་སྩོགས་པ་ལགས། ཇི་ལྟར་ན་བསགས་པ་ཆུད་མི
25b6 གཟོན་པ་ལགས། བཀའ་སྩལ་པ། ཉེ་བར་འཚེ་བ་མེད་པ་ནི་བདུད་དང་མུ་སྟེགས་ཅན་ཐམས་ཅད་ཀྱིས་གླགས་མི་རྙེད་པའོ།། སེམས་ཅན་ཐམས་ཅད་ཉེ་བར་འཚོ་བ་ནི་དཔག་བསམ་གྱི་ཤིང་ལྟ་བུའོ།། མི་བསགས་པ་བསགྲ
25b7 པ་ནི་དགེ་བའི་རྩ་བསྐྱེད་པའི་ཕྱིར་རོ། ། བསགས་པ་ཆུད་མི་གཟོན་པ་ནི་དགེ་བའི་སེམས་སྐྱེས་སོ།། ཅིག་བྱང་ཆུབ་ཏུ་ཡོངས་སུ་བསྔོ་བ་སྟེ་དེ་ནི་ཚུལ་ལོ།། རིགས་ཀྱི་བུ་དག་དེ་ལྟ་བས་ན་སྟོབས་ཆུད་པར་ཡང་གྱིས་ཤིག། སྟོབས་དང་ལྡན
25b8 པར་ཡང་གྱིས་ཤིག། རྟེན་མེད་པར་ཡང་གྱིས་ཤིག། དཔུང་གཉེན་མེད་པར་ཡང་གྱིས་ཤིག། གསོལ་པ། བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ་རྣམས་སྟོབས་ཆུད་པ་ལགས། ཇི་ལྟར་ན་སྟོབས་དང་ལྡན་པ་ལ་གྲ
iiif viewer powered by OpenSeadragon
