| e-texts navigator |
| Wylie |
24b1 པར་ཞུགས་པར་ཡང་གྱིས་ཤིག། གསོལ་པ། བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ་རྣམས་མཉམ་པར་གཞག་པ་ལགས། ཇི་ལྟར་ན་སེམས་རྣམ་པར་གཡེང་པར་བགྱིད་པ་ལགས། ཇི་ལྟར་ན་སེམས
24b2 མི་གནས་པ་ལགས། ཇི་ལྟར་ན་རྟག་ཏུ་སྙོམས་པར་ཞུགས་པ་ལགས། བཀའ་སྩལ་པ། མཉམ་པར་གཞག་པ་ནི་བྱང་ཆུབ་ཀྱི་སེམས་ཀྱིས་སོ།། སེམས་རྣམ་པར་གཡེད་པར་བྱ་བ་ནི་ཉན་ཐོས་ཀྱི་སེམས་ལས་སོ།།
24b3 མི་གནས་པ་ནི་དེ་ལ་མ་ཆགས་པའི་ཕྱིར་རོ།། རྟག་ཏུ་སྙོམས་པར་ཞུགས་པ་ནི་སེམས་ཅན་ཐམས་ཅད་ལ་སེམས་མཉམ་པའི་ཕྱིར་ཏེ་དེ་ནི་ཚུལ་ལོ།། རིགས་ཀྱི་བུ་དག་དེ་ལྟ་བས་ན་བསྲེག་པར་བྱ་བ་ནི་བསྲེགས་ཤིག། ཚིག
24b4 པ་ནི་བསྐྱེད་ཅིག། སྐྱེས་པ་ནི་ཐོད་ཅག། རྣམ་པར་ཕྱེ་བ་ནི་བསྡུས་ཤིག། གསོལ་བ། བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ་རྣམས་བསྲེག་པར་བགྱི་བ་བསྲེག་པ་ལགས། ཇི་ལྟར་ན་ཚིག་པ་རྣམས་སྐྱེད
24b5 པ་ལགས། ཇི་ལྟར་ན་སྐྱེས་པ་རྣམས་གཏོང་བ་ལགས། ཇི་ལྟར་ན་རྣམ་པར་ཕྱེ་བ་རྣམས་སྡུད་པ་ལགས། བཀའ་སྩལ་པ། བསྲེག་པར་བྱ་བ་སྲེག་པ་ནི་ཉོན་མོངས་པ་ཐམས་ཅད་ཤེས་རབ་ཀྱི་མེས་བསྲེག་པའོ།། ཚིག
24b6 པ་བསྐྱེད་པ་ནི་ཐབས་ཀྱིས་ཕུང་པོ་དང་། ། ཁམས་དང་། སྐྱེ་མཆེད་རྣམས་ཟུང་བའོ།། སྐྱེས་ནས་གཏོང་བ་ནི་སེམས་ཅན་ཐམས་ཅད་ཀྱི་བྱ་བ་ཅི་ཡོད་པ་ལ་སྙིང་ལས་སུ་བྱ་བའོ།། རྣམ་པར་ཕྱེ་བས་བསྡུ་བ་ཞེས་བྱ་བ་ནི་ཡོངས་སུ
24b7 བསྔོ་བའི་ཚིག་བླ་དགས་ཏེ་དེ་ནི་ཚུལ་ལོ། ། རིགས་ཀྱི་བུ་དག་དེ་ལྟ་བས་ན་དུས་མ་ཡིན་པ་ནི་དུས་སུ་ཤེས་པར་གྱིས་ཤིག། དུས་ནི་དུས་མ་ཡིན་པར་ཤེས་པར་གྱིས་ཤིག། དུས་དང་དུས་མ་ཡིན་པ་ལ་མཁས་པར་ཡང་གྱིས
24b8 ཤིག། གསོལ་པ། བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ་རྣམས་དུས་མ་ལགས་པ་ལ་དུས་འཚལ་བ་ལགས། ཇི་ལྟར་ན་དུས་ལ་མ་ལགས་པར་འཚལ་བ་ལགས། ཇི་ལྟར་ན་དུས་དང་དུས་མ་ལགས
iiif viewer powered by OpenSeadragon
