| e-texts navigator |
| Wylie |
24a1 འོད་བར་ཡང་གྱིས་ཤིག། ཡིད་དུ་མ་འོང་བར་ཡང་གྱིས་ཤིག། སྨད་དུ་མེད་པར་ཡང་གྱིས་ཤིག། སྨང་དུ་ཡོད་པར་ཡང་གྱིས་ཤིག། གསོལ་པ། བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ་རྣམས
24a2 ཡིད་དུ་འོང་བ་ལགས། ཇི་ལྟར་ན་ཡིད་དུ་མ་འོང་བ་ལགས། ཇི་ལྟར་ན་སྨད་དུ་མ་མཆིས་པ་ལགས། ཇི་ལྟར་ན་སྨད་དུ་མཆིས་པ་ལགས། བཀའ་སྩལ་པ། ཡིད་དུ་འོང་བ་ཞེས་བྱ་བ་ནི་ཡོན་ཏན་གྱིས་ཕྱུག་པའི་ཕྱིར་སངས
24a3 རྒྱས་ཐམས་ཅད་ཀྱིས་ཐུགས་སུ་བྱོན་པའོ། ། ཡིད་དུ་མི་འོང་བ་ནི་མངོན་པར་ཤེས་པ་ཐམས་ཅད་ཀྱིས་རྣམ་པར་འཕྲུལ་པའི་ཕྱིར་བདུད་ཐམས་ཅད་ཀྱི་ཡིད་དུ་མི་འོང་བའོ།། སྨད་དུ་མེད་པ་ནི་ལུས་དང་། ངག་དང་ཡིད་ཡོངས་སུ
24a4 དག་པའི་ཕྱིར་རོ། ། སླད་དུ་ཡོད་པ་ནི་མི་དགེ་བའི་ཆོས་ཐམས་ཅད་ལ་སྨོད་པའི་ཕྱིར་ཏེ། དེ་ནི་ཚུལ་ལོ།། རིགས་ཀྱི་བུ་དག་དེ་ལྟ་བས་ན། རྨ་བྱུང་བ་རྣམས་ལ་རྨ་མ་འབྱིན་ཅིག། རྨ་མ་བྱུང་བ་རྣམས་ལ་རྨ་ཕྱུང་ཤིག། ཡེ་ཤེས
24a5 ཚོལ་ཅིག། ཡེ་ཤེས་ཀྱི་བྱ་བ་རྣམས་ལ་དགའ་བར་མ་བྱེད་ཅིག། གསོལ་པ། བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ་རྣམས་རྨ་བྱུང་བ་རྣམས་ལ་རྨ་མི་འབྱིན་པ་ལགས། ཇི་ལྟར་ན་རྨ་མ་བྱུང་བ་རྣམས་ལ
24a6 མ་འབྱིན་པ་ལགས། ཇི་ལྟར་ན་ཡེ་ཤེས་ཚོལ་བ་ལགས་ཇི་ལྟར་ན་ཡེ་ཤེས་ཀྱི་བགྱི་བ་རྣམས་ལ་མི་དགའ་བ་ལགས། བཀའ་སྩལ་པ། རྨ་བྱུང་བ་རྣམས་ཤེས་བྱ་བ་ནི་ཉན་ཐོས་དང་རང་སངས་རྒྱས་ཀྱི་ས་སྟེ་དེ་ལ
24a7 རྣབྱུང་བར་མི་བྱའོ། ། རྨ་མ་བྱུང་བ་རྣམས་ཞེས་བྱ་བ་ནི་སོ་སོའི་སྐྱེ་བོ་ཐམས་ཅད་དེ། དེ་དག་ནི་རྨ་བྱུད་བར་བྱའོ།། ཡེ་ཤེས་བཙལ་བར་བྱ་བ་ནི་ཟད་པ་དང་མ་སྐྱེ་བ་ཤེས་པའོ།། ཡེ་ཤེས་ཀྱི་བྱ་བ་ལ་དགའ་བར་མི་བྱ་བ་ནི་འདུས་མ
24a8 བྱས་སུ་ལྟུང་བར་མི་བྱ་བ་སྟེ་དེ་ནི་ཚུལ་ལོ། ། རིགས་ཀྱི་བུ་དག་དེ་ལྟ་བས་ན་མཉམ་པར་གཞག་པར་ཡང་གྱིས་ཤིག། སེམས་རྣམ་པར་གཡེང་བར་ཡང་གྱིས་ཤིག། སེམས་མི་གནས་པར་ཡང་གྱིས་ཤིག། རྟག་ཏུ་སྙོམ
iiif viewer powered by OpenSeadragon
