| e-texts navigator |
| Wylie |
16b1 བམད་པ་ཐོབ་བོ། ། དེ་ནས་བྱང་ཆུབ་སེམས་དཔའ་ཆོས་ཀྱི་རྒྱལ་པོས་ས་ལ་གཏུགས་ཏེ་ཕྱག་འཚུལ་ནས་ལངས་ཏེ། དེའི་གཞི་ནས་མྱ་ངན་ལས་འདས་པ་ཆེན་པོར་ཞུགས་ནས། སྟོང་པས་གྲོལ་ཐར་པ་གོ་སྟེ། ཆགས་པ
16b2 མེད་པའི་ས་ལས་རྐང་པ་བཏེག་པ་དང་། རྐང་པ་བོར་བ་ཀུན་ཀྱང་གཙང་གདང་བ་བསྐྲད་དེ། ཐལ་མོ་སྦྱར་ནས། སངས་རྒྱས་ལ་ཕྱག་འཚལ་ཏེ་སོང་ངོ་།། ཆོས་ཀྱི་རྒྱལ་པོའི་ཡི་གེ་བམ་པོ་གཅིག་སྟེ་རྫོགས་སྷོ།།
16b3 རྒྱ་གར་སྐད་དུ། ཨརྱ་དྷརྨ་ཎ་ར་ན་མ་མ་ཧཱ་ཡཱན་སུ་ཏྲ། བོད་སྐད་དུ། འཕགས་པ་ཆོས་ཀྱི་ཚུལ་ཞེས་བྱ་བ་ཐེག་པ་ཆེན་པོའི་མདོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། འདི
16b4 སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་ན་སྨྱུག་མ་ལས་བྱས་པའི་འཁོར་གྱི་ཁྱམས་ན་བཞུགས་ཏེ། དེའི་ཚེ་སྨྱུག་མ་ལས་བྱས་པའི་འཁོར་གྱི་ཁྱམས་སུ
16b5 འདུས་ཤིང་འཁོད་པའི་བྱང་ཆུབ་སེམས་དཔའ་རབ་ཏུ་མང་པོ་དག་འདི་སྙམ་དུ་སེམས་ཏེ། བདག་ཅག་གིས་ཇི་ལྟར་གནས་པར་བྱ། ཇི་ལྟར་སྒྲུབ་པར་བྱ། ཇི་ལྟར་རྣལ་འབྱོར་དུ་བྱ། ཇི་ལྟར་སེམས་ཅན་རྣམས་ཡོངས
16b6 སུ་སྨིན་པར་བྱསྙམ་པ་དང་། དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་རབ་ཏུ་མང་པོ་དེ་དག་གི་བསམ་པ་མཁྱེན་ནས་སྨིག་མོ་ལས་བྱས་པའི་འཁོར་གྱི་ཁྱམས་གྲལ་བ་དར་གཤེགས་ཏེ། བྱོན་ནས
16b7 གདན་བཏིང་བ་ལ་བཞུགས་སོ། ། བཞུགས་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་རབ་ཏུ་མང་པོ་དེ་དག་ལ་འདི་སྐད་ཅེས་བཀའ་སྩལ་ཏོ།། རིགས་ཀྱི་བུ་ལེགས་སོ་ལེགས་སོ།། ཁྱེད་ཀྱིས་རྟོག་པ་ནི་བཟང
16b8 ངོ། ། ཡིད་ཀྱི་དྲི་བ་ནི་མཛེས་སོ།། སྤོབས་པ་ནི་དགེའོ།། ཡིད་ལ་བྱ་བ་ནི་ཚུལ་བཞིན་ནོ།། རིགས་ཀྱི་བུ་དག་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས
iiif viewer powered by OpenSeadragon
