| e-texts navigator |
| Wylie |
191a1 པས་སྐྱེ་བོ་རབ་ཏུ་དགའ་བར་བྱས་ཀྱང་ངོ་མོས་པ་ཇི་ལྟ་བ་བཞིན་དུ་ཆོས་བསྟན་པ་ལ་མཁས་པ་མ་ཡིན་ཏེ། དེ་སྐྱེ་བོར་དག་ལ་ཆོས་ཐམས་ཅད་ནི་སྟོང་པའོ།། ཞེས་སྟོང་པ་ཉིད་ཀྱིས་འདོམས་ཤིང་སྟོང་པ་ཉིད་ཀྱིས་རྗེས་སུ་སྟོན་ཏེ།
191a2 གང་དེས་ཆོས་ཐམས་ཅད་སྟོང་པའོ།། ཞེས་བསྟན་པ་འདི་ནི་དེ་བཞིན་གཤེགས་པའི་བཀའ་ཁོ་ན་ཡིན་ནོ།། གང་འཚེ་བ་ཡོངས་སུ་དག་པ་ངེས་བཤད་པ་དེ་ནི་སྐྱོན་ཆགས་པ་སྟེ།། དགེ་སློང་དེ་འཚེ་བ་ཡོངས་སུ་དག་པ་མ་ཡིན་ནཅི
191a3 ཕྱིར་མིང་འཚོ་བ་ཡོངས་སུ་དག་པ་ཞེས་བྱ། དེ་ནི་འཚོ་བ་ཡོངས་སུ་དག་པ་མ་ཡིན་ཏེ། དེ་ཅིའི་ཕྱི་རི་ཞེ་ན། མེ་ཏོག་ཡོངས་སུ་ལེན་ཅིང་བླངས་ནས་ཡོངས་སུ་སྤྱོད་དོ།། སྤོས་དང་བྱུག་པ་ཡོངས་སུ་ལེན་ཅིང་བླངས་ནས་ཡོངས་སུ་སྤྱོད་དོ།། དེ་ནི་ཤེས
191a4 པ་མ་ཡིན་ཏེ་བྱིས་པའོ། ། ང་ནི་ཚངས་པར་སྤྱད་ནས་ཡུན་རིང་བ་ཡིན་གྱི་དེ་ནི་གསར་བྱ་སྟེ། བསྙེན་པར་རྫོགས་ནས་རིང་པོར་མལོན་པ་ཡིན་གྱིས་དེ་ལྟར་ཡིད་ཆེས་པར་མ་བྱེད་ཅིག་ཅེས་ཟེར་རོ།། དགེ་སློང་དེ་ནི་བགཡོད་པ་ཡིན།། དགེ་སློང་འཚོབ
191a5 ཡོངས་སུ་དག་པ་དེ་ལ་སྐྱེ་བོ་དེ་དག་རབ་ཏུ་དད་པས་དེ་ལྟར་དེས་སྐྱེ་བོ་དེ་དག་ལ་དབྱེན་བྱས་ན་དབྱེ་བར་མི་ནུས་སོ། ། དེ་ནས་དགེ་སློང་ཆོས་དེ་འཆི་བའི་དུས་བྱས་པར་གྱུར་ཏེ་འཆི་བའི་དུས་བྱས་ནས་འདི་ལྟར་དེ་བཞིན་གཤེགས་པ་ལ་བསྐུར་བ་བཏབ་པ
191a6 དང་། འདི་ལྟར་ཆོས་སྤངས་པས་བསྐལ་པ་བདུན་བཅུར་སེམས་ཅན་དམྱལ་བར་སྐྱེས་སོ།། དེ་བསྐལ་པ་བདུན་བཅུ་པོ་དེ་དག་འདས་ནས་བསྐལ་པ་དྲུག་བཅུར་བྱང་ཆུབ་ཀྱི་སེམས་བརྗེད་དོ།། བསྐལ་པ་དྲུག་བཅུ་པོ་དེ་དག་འདས་ནས་དེ
191a7 བཞིན་གཤེགས་པ་ཀུན་ནས་སྤོས་རིན་པོ་ཆེའི་འོད་ཀྱི་གསུང་རབ་ལ་དེ་བཞིན་གཤེགས་པ་དེས་བྱང་ཆུབ་ཏུ་སེམས་བསླང་དུ་བཅུག་ནས་དེས་བྱང་ཆུབ་དུ་སེམས་བསྐྱེད་དོ། ། ཚེ་རབས་དགུ་ཁྲིར་དུད་འགྲོའི་སྐྱེས་གནས་སུ་སྐྱེས་སོ།།
191a8 རབས་དྲུག་ཁྲིར་མི་དབུལ་པོ་རྣམས་ཀྱི་ནང་དུ་སྐྱེས་ཏེ། ཐམས་ཅད་དུ་ཡང་ལྕེ་མེད་པར་གྱུར་ཏོ།། དགེ་སློང་འཚོ་བ་ཡོངས་སུ་དག་པ་དེ་སངས་རྒྱས་ཁྲག་ཁྲིག་ཕྲག་ལྔའི་གན་ན་ཆོས་སྨྲ་བར་གྱུར་ཏེ། ཐམས་ཅད་དུ་ཡང་མངོན་པར་ཤེས་པ
iiif viewer powered by OpenSeadragon
