| e-texts navigator |
| Wylie |
180a1 དེ་བཞིན་དུ་བྱིས་པ་སོ་སོརའི་སྐྱེ་བོ་རྩོད་པས་ཡང་དག་པ་མ་ཡིན་པའི་ཕྱིན་ཅི་ལོག་གིས་ཕྱིན་ཅི་ལོག་དུ་གྱུར་པ་མ་རིག་པའི་མུན་པས་མིག་ཀུན་ནས་གཡོག་པ། ཐམས་ཅད་མེད་བཞིན་དུ་སྒྲོ་བཏགས་པས་འའ
180a2 བའི་འཇིགས་པས་སྐྲ་གནས་འཁོར་བ་ལས་ངེས་པར་འབྱུང་བ་ཡོངས་སུ་ཚོལ་ལོ། ། དེ་དག་གིས་གང་དུ་འཇིགས་པའི་འདུ་ཤེས་བསྐྱེད་པའི་འཁོར་བ་དེ་ཡང་དོན་དམ་པར་མི་དམིགས་ན་དེ་དག་མྱ་ངན་ལས་འདས་པ་ནི་འཇིགས
180a3 པ་མེད་པའོ། ། ཞེས་ཡོངས་སུ་ཚོལ་བར་བྱེད་དོ།། དགེ་བའི་བཤེས་གཉེན་གྱིས་ཡོངས་སུ་ཟིན་པ་དག་པར་ཞུགས་པ་རྣམས་ནི་འཁོར་བ་དེ་ཉིད་མྱ་ངན་ལས་འདས་པ་ཡིན་པར་ཡང་དག་པ་ཇི་ལྟ་བ་བཞིན་དུ་རབ་དུ་ཤེས་ལ། ཆོས
180a4 ཐམས་ཅད་ཀྱི་སྐྱེ་བ་མེད་པ་ཡང་རབ་ཏུ་ཤེས་ཏེ། དེ་ལྟར་ཡང་དག་པར་ཞུགས་པ་དེ་དག་ནི་ཆོས་གང་ཡང་ལེན་པར་མི་བྱེད། འདོར་བར་མི་བྱེད། སེལ་བར་མི་བྱེད། འཇོག་པར་མི་བྱེད་དོ།། ཆོས་ཀྱི་དབྱིངས་ལ་གནས་ཏེ་གཡོ་བ་མེད
180a5 དེ། ། མི་གཡོ་བས་ན་གནས་སྒོམ་པར་མི་བྱེད། མི་སྒོམ་པས་ན་གནས་མེད་དོ།། གནས་མེད་པས་ན་གཡོ་བ་མེད་དེ། འདི་ནི་དེ་བཞིན་གཤེགས་པ་རྣམས་ཀྱི་ཆོས་ཀྱི་ཚུལ་གཡོ་བ་མེད་པ་སྟེ། དེ་དག་ལ་ནི་གཡོ་བར་བྱ།
180a6 དེ་འཕགས་པར་བྱ་བ་འམ། དོར་བར་བྱ་བ་འམ། བླང་བར་བྱ་བའི་ཆོས་ཅི་ཡང་མི་དམིགས་སོ།། དེ་ཅིའི་ཕྱིར་ཞེ་ན། ཆོས་ཀྱི་ཚུལ་ནི་ནམ་མཁའི་ཚུལ་ཉིད་ཡིན་ལ། ནམ་མཁའ་ལ་ནི་གཡོ་བ་ཡང་མེད། འཕག་པ་ཡང་མེད་པའི
180a7 ཕྱིར་རོ། ། རིགས་ཀྱི་བུ་དེ་ལྟར་ཡང་དག་པར་ཞུགས་པ་ཤེས་པ་དང་ལྡན་པ་ནི་སེམས་ཅན་ཐམས་ཅད་ཀྱིས་ཀྱང་ཤེས་པའི་ཡོངས་སུ་ཤེས་པའི་དེ་ལས་བསྐྱེད་ཅིང་བསྐུལ་བར་མི་ནུས་སོ།། དེ་ཅིའི་ཕྱིར་ཞེ་ན། འདི་ལྟར་དེས་མི
180a8 གཡོ་བའི་ཡེ་ཤེས་ཐོབ་པའི་ཕྱིར་རོ། ། དེ་ནས་ཚེ་དང་ལྡན་པ་ཤཱ་རིའི་བུ་སྟན་ལས་ལངས་ཏེ། བླ་གོས་ཕྲག་པ་གཅིག་དུ་གཟར་ནས་པུས་མོ་གཡས་པའི་ལྷ་ང་ས་ལ་གཙུགས་ཏེ། བཅོམ་ལྡན་འདས་ག་ལ་བདེ་ལོགས་སུ་ཐལ
iiif viewer powered by OpenSeadragon
