| e-texts navigator |
| Wylie |
311a1 ཡང་དག་པ་ཉིད་ལ་རྩེ་གཅིག་ཏུ་བར་ཆད་མེད་ན་བདུད་ཀྱི་སེམས་ཀྱི་ཐག་ཆད་དོ། ། སྐྱེ་བའི་རིགས་ཀྱི་རྩ་བ་ཟད་དེ། ཟབ་མོ་དང་བདེ་བ་ལ་བརྟགས་ན་ཉོན་མོངས་པ་རྟག་པར་འཁྲུག་པའི་གཞི་རྒྱུ་བ་མ་ཟད་པས་རྟོག་པ་སྐྱེས་ཏེ།
311a2 འདུ་བྱེད་ཀྱི་ཕུང་པོའི་ནང་ནས་མི་དེས་ནི་ཚོར་བ་དང་། འདུ་ཤེས་ཀྱི་ཕུང་པོ་འགོག་སྟེ། ཡོད་པ་དང་མེད་པ་གཉིས་ཀའི་མཚན་ཉིད་གཅིག་གིས་གཅིག་བཤིག་སྟེ། ཤི་བའི་འོག་ཏུ་མེད་དོ་ཞེས་ཕྱིན་ཅི་ལོག་གི་སེམས་སྐྱེས་སོ།། ཡང་གཟུགས
311a3 དང་། ཚེར་བ་དང་། འདུ་ཤེས་ཀྱི་ནང་ནས་ཡོད་པ་དང་མེད་པར་མཐོང་སྟེ། འདུ་བྱེད་འགྱུར་བ་དང་། ཆུབ་མེད་པས་ན་མེད་པ་མ་ཡིན་པར་ཡང་རྟོག་གོ།། དེ་བཞིན་དུ་འཁོར་བའི་ཕུང་པོ་ཁམས་ཀྱི་ནང་དང་པལ་བཏགས་ན། བརྒྱད་པོ་ཐམས་ཅད
311a4 ཀྱི་གཟུགས་མེད་དེ། འགོག་པའི་རྐྱེན་གཅིག་ཐོབ་པར་ཟད་དེ། ཤི་བའི་འོག་ཏུ་གཟུགས་ཡོད་པ་དང་མེད་པར་སྤྲོའོ།། ཡང་འདུ་བྱེད་ཐམས་ཅད་ཀྱི་རང་བཞིན་ནི་ལྡང་དུབ་པའི་ཕྱིར་མངོན་པར་ཤེས་པར་སེམས་བསྐྱེད་དེ། རིག་པའི་ཡོད་པ་དང
311a5 མེད་པ་ཐམས་ཅད་ནི་ཡོད་པ་མ་ཡིན་པར་རྟོག་པའི་ཕྱིར་ཡང་དག་པ་དང་། ཡང་དག་པ་མ་ཡིན་པར་འཁྲུལ་ཅིང་ནོར་ཏེ་ཤི་བའི་འོག་ཏུ་ཀུན་མེད་དེ། ཕྱིས་མོས་པ་མེད་པར་འགྱུར་རོ་ཞེས་རྟོག་པའི་ཕྱིར་དེ་ནི་ལམ་དང་མི་མཐུན་པས་མུ་སྟེགས
311a6 ཅན་གྱི་ནང་དུ་ལྷུང་སྟེ། བྱང་ཆུབ་ཀྱི་ངོ་བོ་ཉིད་ནི་ནོར་ཏོ།། དེའི་མིང་ནི་ཕུང་པོ་ལྔའི་ནང་ནས་ཤི་བའི་འོག་ཏུ་ཕྱི་མའི་རབས་ཀུན་མེད་དོ་ཞེས་ཕྱིན་ཅི་ལོག་ཏུ་གཞུང་འཇུགས་པའི་མུ་སྟེགས་ཅན་བརྒྱད་པའོ།། ཡང་རིགས་ཀྱི་བུ་དག་ཏིང་ངེ་འཛིན་རྣམས
311a7 ཀྱི་ནང་ནས་དྲང་པོ་མི་གཡོ་བའི་ཏིང་ངེ་འཛིན་དུ་ཞུགས་ཏེ། བདུད་ཀྱིས་གླགས་མི་ཐོད་པ་ལས། སྐྱེ་བའི་ཕོ་མོ་ལ་བརྟགས་ན་ཐ་མ་སྐྱེ་བ་མེད་དོ་སྙམ་ནས་དེ་ལ་ནོར་པའི་ཕྱིར་མུ་སྟེགས་ཅན་ཆད་པར་ལྟ་བར་གྱུར་ཏོ།། ལུས་འགགས་པའི་འོག་ཏུ
311a8 འདོད་པ་ཡང་འགོག། སྡུག་བསྔལ་ཡང་འགོག། ཤིན་དུ་དགའ་བ་ཡང་འགོག། ཤིན་དུ་བཏང་སྙོམས་ཀྱང་འགོག། ཡན་མན་ནིབ་ཏུ་བཏགས་ན། ཤི་བའི་འོག་ཏུ་སྐྱེ་བ་ཡང་ཅང་མེད་དོ་ཞེས་སྨྲ་སྟེ། བྱང་ཆུབ་ཀྱི་སེམས་ནི་འཚལ་ཏེ།
iiif viewer powered by OpenSeadragon
