| e-texts navigator |
| Wylie |
281b1 ལེགས་པར་བརྒྱན་པའི་ཁང་པ་བརྩེགས་པ་རྒྱ་མཚོ་སྤྲིན་རྣམས་ཀྱིས་ནམ་མཁའི་དཀྱིལ་ཀུན་དུ་ཁེབས་པར་བྱིན་གྱིས་བརླབས་ནས། ཕྱོགས་བཅུ་ཀུན་དུ་འོད་ཟེར་སྣང་བའི་སྙིང་པོ་ཅན། བཀོད་པ་ཐམས་ཅད་ཡང་དག་པར་འདུ་བའི་ཁང
281b2 པ་བརྩེགས་པ་རྒྱ་མཚོ་སྤྲིན་རྣམས་དང་། རིན་པོ་ཆེ་ཐམས་ཅད་ཀྱི་རྡུལ་གྱིས་རབ་ཏུ་བརྒྱན་པ་བཀོད་པ་དུ་མ་ཀུན་དུ་སྟོན་པའི་ཁང་པ་བརྩེགས་པ་རྒྱ་མཚོ་སྤྲིན་རྣམས་དང་། བཀོད་པ་ཐམས་ཅད་ཀྱིས་རབ་ཏུ་བརྒྱན་པ་ཀུན་དུ་རྒྱས
281b3 པར་འགེངས་པའི་ཁང་པ་བརྩེགས་པ་རྒྱ་མཚོ་སྤྲིན་རྣམས་དང་སྒོ་ཀུན་དུ་མེ་ཏོག་གི་རྟ་བབས་དྲིལ་བུའི་དྲ་བ་སྦྱངས་པ་རྒྱ་མཚོ་སྤྲིན་རྣམས་ཀྱིས་ནམ་མཁའི་དཀྱིལ་ཀུན་དུ་ཁེབས་པར་བྱིན་གྱིས་བརླབས་ཏེ། སངས་རྒྱས་དང་།
281b4 བྱང་ཆུབ་སེམས་དཔའ་རྒྱ་མཚོ་ཐམས་ཅད་ལ་སྟི་སྟང་དུ་བྱའོ།། བླ་མར་བྱའོ་རི་མོར་བྱའོ།། མཆོད་པར་བྱའོ།། གསེར་དང་། རིན་པོ་ཆེ་སྣ་ཚོགས་ཀྱི་ཚོང་ཚོང་དང་། ཕྲེང་བ་དང་། རིན་པོ་ཆེའི་མགུལ་གདུབ་ཀྱི་སྙིང་པོ་ཅན་གྱི་སེང་གེ
281b5 ཁྲིརྒྱ་མཚོ་སྤྲིན་རྣམས་དང་། མེ་ཏོག་ལྟར་སྣང་བ་སྣ་ཚོགས་ཀྱི་སྙིང་པོ་ཅན་གྱི་སེང་གེའི་ཁྲི་རྒྱ་མཚོ་སྤྲིན་རྣམས་དང་། ཨན་ད་རྙིལ་དང་། འཛམ་བུའི་ཆུ་བོའི་གསེར་གྱི་པ་དམ་སྣ་ཚོགས་ཀྱི་སྙིང་པོ་ཅན་གྱི་སེང་གེའི་ཁྲི་རྒྱ་མཚོ
281b6 སྤྲིན་རྣམས་དང་། ནོར་བུ་རིན་པོ་ཆེའི་སྒྲོན་མའི་པད་མའི་སྙིང་པོ་ཅན་གྱི་སེང་གེའི་ཁྲི་རྒྱ་མཚོ་སྤྲིན་རྣམས་དང་། ནོར་བུ་རིན་པོ་ཆེ་སྣད་གསལ་རྒྱལ་མཚན་གྱི་པད་མ་སྣ་ཚོགས་ཀྱི་སྙིང་པོ་ཅན་གྱི་སེང་གེའི་ཁྲི་རྒྱ་མཚོ་སྤྲིན
281b7 རྣམས་དང་། རིན་པོ་ཆེས་བརྒྱན་པ་པད་མ་སྣ་ཚོགས་ཀྱི་སྙིང་པོ་ཅན་གྱི་སེང་གེའི་ཁྲི་རྒྱ་མཚོ་སྤྲིན་རྣམས་དང་། ཨ་ནད་རྙིལ་མཛེས་པར་འབར་བའི་འོད་གསེར་ལྡན་གྱི་པད་མའི་སྙིང་པོ་ཅན་གྱི་སེང་གེའི་ཁྲི་རྒྱ་མཚོ་སྤྱན
281b8 རྣམས་དང་། འོད་ཟེར་འབར་བ་ཟད་མི་ཤེས་པའི་གཟི་བརྗིད་དང་ལྡན་པའི་པད་མའི་སྙིང་པོ་ཅན་གྱི་སེང་གེའི་ཁྲི་རྒྱ་མཚོ་སྤྲིན་རྣམས་དང་། རིན་པོ་ཆེ་འབར་བ་ཐམས་ཅད་བྱུང་བའི་པད་མའི་སྙིང་པོ་ཅན་གྱི་སེང་གེའི་ཁྲི་རྒྱ་མཚོ
iiif viewer powered by OpenSeadragon
