| e-texts navigator |
| Wylie |
237b1 ཕུང་པོའི་རི་ལ་འོད་སྲུང་ཆེན་པོ་ལ་སོགས་པ་དགེ་སློང་གི་དགེ་འདུན་ཆེན་པོ་ས་ཡ་ཕྲག་བརྒྱད་དང་། སྐྱེ་དགུའི་བདག་མོ་ཆེན་མོ་ལ་སོགས་པ་དགེ་སློང་མ་ས་ཡ་ཕྲག་དྲུག་དང་ལྔ་འབུམ་དང་། བྱང་ཆུབ་སེམས་དཔའ
237b2 སྤྲིན་ཆེན་སྙིང་པོ་ལ་སོགས་པ་བྱང་ཆུབ་སེམས་དཔའ་ས་ཡ་ཕྲག་དྲུག་དང་། བརྒྱད་འབུམ་དང་། སེང་གེ་ལ་སོགས་པ་ལིང་ཙ་བྱི་གཞོན་ནུས་ཡ་ཕྲག་ལྔ་དང་། བརྒྱད་འབུམ་དང་ཐབས་གཅིག་ཏུ་བཞུགས་སོ།། དེས་རྒྱ་ཆེན་པོ་འཕགས
237b3 སྐྱེས་པོ་ལ་སོགས་པ་རྒྱལ་ཆེན་བཞི་པའི་ལྷའི་བུ་འབུམ་ཕྲག་ཚད་མེད། གྲངས་མེད་པ་དག་བཅོམ་ལྡན་འདས་ག་ལ་བ་དེར་སོང་སྟེ། ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འཁོད་དོ།།
237b4 ལྷའི་བུ་དེ་དག་ཐམས་ཅད་ཀྱང་ཐེག་པ་ཆེན་པོ་ལ་མངོན་དུ་ཕྱོགས་པ་དང་། ཐེག་པ་ཆེན་པོ་ལ་ཡང་དག་པར་ཞུགས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ཤ་སྟག་གོ། ཡང་དེའི་ཚེ་འཕྲུལ་དགའི་ལྷའི་རིས་ནས་ལྷའི
237b5 རྒྱལ་པོ་རབ་འཕྲུལ་དགའ་ལ་སོགས་པ་ལྷའི་བུ་འབུམ་ཕྲག་ཚད་མེད་གྲངས་མེད་པ་དག་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འཁོད
237b6 དོ། ། ལྷའི་བུ་དེ་དག་ཐམས་ཅད་ཀྱང་ཐེག་པ་ཆེན་པོ་ལ་མངོན་དུ་ཕྱོགས་པ་དང་། ཐེག་པ་ཆེན་པོ་ལ་ཡང་དག་པར་ཞུགས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ཤ་སྟག་གོ། ཡང་དེའི་ཚེ་གཞན་འཕྲུལ་དབང་བྱེད་ཀྱི།
237b7 ལྷའི་རིས་ནས་ལྷའི་རྒྱལ་པོ་དབང་བསྐུར་ལ་སོགས་པ་ལྷའི་བུ་འབུམ་ཕྲག་ཚད་མེད་གྲངས་མེད་པ་དག་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱིས་ཞབས་ལ་མགོ་བོས་ཕྱག་འཚལ་ཏེ་ཕྱོགས
237b8 གཅིག་ཏུ་འཁོད་དོ། ། ལྷའི་བུ་དེ་དག་ཐམས་ཅད་ཀྱང་ཐེག་པ་ཆེན་པོ་ལ་མངོན་དུ་ཕྱོགས་པ་དང་། ཐེག་པ་ཆེན་པོ་ལ་ཡང་དག་པར་ཞུགས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ཤ་སྟག་གོ། ཡང་དེའི་ཚེ་ན་ཐར།
iiif viewer powered by OpenSeadragon
