| e-texts navigator |
| Wylie |
236b1 བར་འགྱུར་རོ། ། དཔེ་མེད་པའི་གྲོང་ཁྱེར་དེར་ར་བ་དང་། ཡང་ཏོག་དང་། བློའི་ཚོགས་དང་། འོ་བས་དཔེ་མེད་པ་དག་འབྱུང་བར་འགྱུར་རོ།། དག་ཅིང་ཉོན་མོངས་པ་ཞི་བར་བྱེད་པའི་ཆུའི་ཀླུང་ནག་པོ་བཟང་པོ་ཞེས་བྱ་བ་ནི་དེའི་ཚེ་གཙང
236b2 མ་བཟང་པོ་ཞེས་བྱ་བར་འགྱུར་དེ། ། འགྲམ་ཕ་རོལ་ཚུར་རོལ་དཔེ་མེད་པའི་ཤིང་ལྗོན་པའི་ཀུན་དགའ་ར་བ་ཉམས་དགའ་བ་དང་ལྡན་པར་འགྱུར་རོ།། འཇིག་རྟེན་གྱི་ཁམས་གཙང་མ་སྤྱོད་པ་དེ་ཡང་འདི་ལྟ་སྟེ་དཔེར་ན་དགའ
236b3 ལྡན་གྱི་ལྷ་རྣམས་ཀྱི་ལོངས་སྤྱོད་དང་། ཡོངས་སུ་སྤྱོད་པ་བཞིན་ཏེ། རི་དང་། རྡོ་དང་། བོང་བ་དང་། གྱོ་མོ་དང་། གསེག་མ་ལ་སོགས་པ་མེད་པར་འགྱུར་ཞིང་མུ་སྟགས་ཅན་གྱི་མིང་ཡང་མེད་པར་འགྱུར་རོ།། ཉན་ཐོས་དང་། རང
236b4 སངས་རྒྱས་ཐམས་ཅད་ཀྱི་མིང་ཡང་མི་གྲག་པར་འགྱུར་རོ། ། སྐྱེས་པ་དང་བུད་མེད་དག་པའི་བྱང་ཆུབ་སེམས་དཔའི་དགེ་འདུན་ཡང་འབྱུང་བར་འགྱུར་རོ།། དེ་ན་ཉན་ཐོས་དང་། རང་སངས་རྒྱས་ཀྱི་ཡེ་ཤེས་པའི་གཏམ་གྱི
236b5 མིང་ཡང་མེད་དེ། ཐེག་པ་ཆེན་པོའི་མདོའི་གཏམ་རྒྱས་པར་སྟོན་པར་འགྱུར་རོ།། བདུད་དང་ཕྱིར་རྒོལ་བ་བཅོམ་པའི་སེམས་ཅན་རྣམས་འབྱུང་བར་འགྱུར་རོ།། དག་ཅིང་བཟོད་པ་ཆེན་པོའི་རྙེད་པ་ཐོབ་པ་དག་འབྱུང་བར
236b6 འགྱུར་རོ། ། ས་བཞི་ཡང་ནོར་བུ་རིན་པོ་ཆེ་ཐམས་ཅད་ལས་གྲུབ་པར་འགྱུར་ཏེ། འཛམ་བུའི་ཆུ་བོ་གསེར་གྱི་མེ་ཏོག་དང་། པད་མ་ཐམས་ཅད་ཀྱིས་སྤྲས་པར་འགྱུར་རོ།། དེ་བཞིན་གཤེགས་པ་དེ་ཡང་ཚེ་དཔག་ཏུ་མེད
236b7 པར་འགྱུར་རོ། ། དེ་བཞིན་དུ་མི་རྣམས་ཀྱི་ཚེ་ཡང་ཚད་མེད་པར་འགྱུར་རོ།། དེ་བཞིན་གཤེགས་པ་དེ་ནི་གྲོང་ཁྱེར་གཙང་མ་ཡང་ལྡན་དུ་བཞུགས་པར་འགྱུར་རོ།། བཅོམ་ལྡན་འདས་དེའི་སྨོན་ལམ་གྱི་ཁྱད་པར་གྱིས་ནམ་འོངས
236b8 པ་ཨའི་སེམས་ཅན་གྱི་ཚོགས་མང་པོ་དག་གིས་དེ་བཞིན་གཤེགས་པ་དེའི་མཚན་ཐོས་པ་ཙམ་གྱིས་རང་གི་ལུས་ལས་ཤི་འཕོས་མ་ཐག་ཏུ་འཇིག་རྟེན་གྱི་ཁམས་གཙང་མ་སྤྱོད་པ་དེར་གྲོང་ཁྱེར་གཙང་མ་བསུང་ལྡན་དུ་སྐྱེ
iiif viewer powered by OpenSeadragon
