| e-texts navigator |
| Wylie |
235a1 འཁོར་འབྱོར་ཅིང་རྒྱས་ལ་ཡུལ་གྱི་མི་རྣམས་ཤིན་དུ་ལེགས་པར་འཁོར་བ་དང་། འབྲུ་ཤིན་དུ་ཚོགས་པར་མཐོང་ནས་བདག་ཉིད་ཀྱི་བུ་མོ་མིང་ལོ་ཏོག་འབྱོར་མ་ཞེས་ཡོན་ཏན་དང་འཐུན་པའི་མིང་འདོགས་སོ།།
235a2 ནས་རིམས་ཀྱིས་རྒྱལ་པོ་དཔལ་འཕེལ་རང་གི་བསོད་ནམས་ཟད་ནས་འཆི་བའི་དུས་བྱེད་པར་འགྱུར་རོ།། དེ་ནས་གྲོང་ཁྱེར་དང་། གྲོང་རྡལ་དང་། ཡུལ་གྱི་མི་རྣམས་འདུས་ཏེ། གཞོན་ནུས་རྒྱལ་པོ་ནུས་པ་འགའ་ཡང་མེད
235a3 ཀྱིས་ལྷ་མོ་ལོ་ཏོག་འབྱོར་མ་འདི་ཉིད་རྒྱལ་པོར་དབང་བསྐུར་ལ་རྒྱལ་པོའི་ཕོ་བྲང་དུ་དེ་འདྲ་བའི་གཞོན་ནུ་འགའ་ཞིག་མིང་ཁྱེར་ཙམ་དུ་བཞག་སྟེ། དེ་ལྟར་བྱས་ནས་ལེགས་སོ་སྙམ་མོ།། དེ་ནས་ལྷ་མོ་དེ་དང་། རྒྱལ་བུ
235a4 གཞོན་ནུ་དེ་རྒྱལ་པོ་བྱེད་དུ་བཅུག་སྟེ། ཕོ་འུང་ཏི་མོ་འུད་ཏི་བཞིན་དུ་སྙད་གཏགས་ནས་བདག་ཉིད་ཀྱི་ཡུལ་དུ་བདག་ཉིད་ཀྱིས་བུད་མེད་ཀྱི་གཟུགས་ཀྱིས་རྒྱལ་སྲིད་ཆེན་པོ་ཡོངས་སུ་སྤྱད་དེ། མུ་སྟེགས་ཅན་ངན་པའི་སྡེ།།
235a5 མངོན་པར་འདུལ་བར་བྱེད་ཅིང་འཛམ་བུའི་གླིང་གི་ས་གཞི་ཐམས་ཅད་དེ་བཞིན་གཤེགས་པའི་མཆོད་རྟེན་གྱི་མངོན་མཚན་ཅན་དུ་བྱས་ནས། བཀུར་སྟིར་བྱེད། བླ་མར་བྱེད། རིམ་གྲོར་བྱེད། མཆོད་པར་བྱེད་དེ། རིན
235a6 པོ་ཆེ་ཐམས་ཅད་ཀྱི་གདུགས་ཆེན་པོ་དང་། རིན་པོ་ཆེ་ཐམས་ཅད་ཀྱི་བ་དན་རྣམས་དང་། རིན་པོ་ཆེ་ཐམས་ཅད་ཀྱི་རྣམ་པར་རྒྱལ་བའི་བ་དན་རྣམས་དང་། སྤོས་ཐམས་ཅད་ཀྱིས་བསྒོས་པའི་ཙན་དན་གྱི་ཕྱེ་མ་དང་། སྤོས།
235a7 དང་། མེ་ཏོག་ཐམས་ཅད་དང་། རྔ་བརྟ་ཧ་དང་། ཁར་རྔ་དང་། རྫ་རྔ་དང་། བི་བང་དང་། གླིང་བུ་དང་། སིལ་སྙན་བརྒྱ་ཕྲག་ཐམས་ཅད་ཀྱིས་མཆོད་པ་བྱས་ནས་འཛམ་བུའི་གླིང་ཐམས་ཅད་བསྐོར་ཏེ། དགེ་སློང་ཚུལ
235a8 ཁྲིམས་དང་ལྡན་པ་དང་། ཡོན་ཏན་དང་ལྡན་པ་རྣམས་ལ་ཆོས་གོས་དང་། བསོད་སྙོམས་དང་མལ་སྟན་དང་། ན་བའི་གསོས་སྨན་དང་། ཡོ་བྱད་རྣམས་དང་ལྡན་པར་བྱ་སྟེ། ཕ་རོལ་དུ་ཕྱིན་པ་བཅུའི་སྤྱད་པ་སྤྱོད
iiif viewer powered by OpenSeadragon
