| e-texts navigator |
| Wylie |
205b1 ཡོངས་སུ་དག་པར་འགྱུར་ཞིང་སོ་སོར་ཐར་པའི་སྡོམ་པས་བསྡམས་པ་ལ་སྤྱོད་པ་དང་། སྤྱོད་ཡུལ་ཕུན་སུམ་ཚོགས་པ་དང་། ཁ་ན་མ་ཐོ་བ་ཕྲ་རབ་ཙམ་ལ་ཡང་འཇིགས་པར་ལྟ་བར་འགྱུར་རོ།། དགེ་སློང་ངམ། དགེ་སློང་མ
205b2 འམ། དགེ་བསྙེན་ནམ། དགེ་བསྙེན་མ་གང་དག་ངའི་ཉན་ཐོས་མཆོག་ཏུ་དཀའ་བ་བྱེད་པའི་ཚིག་ལ་ཡིད་ཆེས་པ་དེ་དག་ཐམས་ཅད་ཀྱང་སྤྲིན་ཆེན་སྙིང་པོ་དང་འདྲ་བར་བལྟའོ།། མཐོང་ན་དགའ་བ་དྲི་ཟའི་རྒྱལ་པོ་གཞན་ཡང
205b3 སྐྱེ་བོ་དགེ་བསྙེན་གང་དག་གིས་ངའི་ཉན་ཐོས་ཀྱི་ཚིག་ཐོས་ནས་དམ་པའི་ཆོས་ཀྱི་ཕྱོགས་འཛུགས་པར་བྱེད་པའི་སེམས་ཅན་དེ་དག་ཀྱང་ངལ་བྱས་པ་གཟོ་བ་དང་། ང་ལ་དབེན་པ་ཡིན་ཏེ། དམ་པའི་ཆོས་ཀྱི་ཕྱིར་རང་གི
205b4 སྲོག་གི་བསམ་པ་ཡང་བཏང་། ནོར་དང་བཅས་པ་དང་། བུ་དང་བཅས་པ་དང་། ཆུང་མ་དང་བཅས་པ་དང་། བུ་མོ་དང་བཅས་པའི་སྡེ་ཕྱོགས་རྣམས་ཀྱི་སྲོག་གི་བསམ་པ་ཡང་བཏང་ནས་དམིག་ནི་དཔུང་ཆེན་པོའི་གཡུལ་དུ་འཇུག་ཅིང་།
205b5 དམག་གི་དཔུང་ཆེན་པོའི་གཡུལ་ཟད་པར་བྱེད་དོ།། བདུད་ཀྱི་ཕྱོགས་ཀྱི་སྟོབས་འཇོམས་པར་བྱེད་དོ།། བདུད་ཀྱི་སྟོབས་རྣམ་པར་འཇིག་པར་བྱེད་དོ།། ཇི་ལྟ་བུའི་ཐབས་ཀྱིས་ཀྱང་དམ་པའི་ཚེས་འཛུགས་པར་བྱེད་དེ། ངའི་དམ་པའི་ཆོས་ཀྱི
205b6 མཐུ་ཡང་སྐྱེད་པར་འགྱུར་རོ། ། སེམས་ཅན་ཆེན་པོ་དེ་དག་གིས་ནི་རྙེད་པ་ལེགས་པར་རྙེད་པར་འགྱུར་ཏེ། དེ་དག་ནི་བྱང་ཆུབ་སེམས་དཔའ་མི་མཆོག་ཡིན་པར་བལྟ་བར་བྱའོ།། དགེ་སློང་ངམ། དགེ་སློང་མ་དེ་དག་ནི་སྦྱིན་གནས་ཡོངས་སུ
205b7 དག་པར་ཡང་འགྱུར་རོ། ། དགེ་འདུན་ཡོངས་སུ་དག་པར་ཡང་འགྱུར་རོ།། དགེ་བསྙེན་གྱི་སྡེ་ཚན་དང་། དགེ་སྙེན་མའི་སྡེ་ཚན་དེ་དག་ནི་སངས་རྒྱས་འབྱུང་བ་དང་ཕྲད་པར་འགྱུར། དམ་པའི་ཆོས་ལ་ཡང་ནན་ཏན་དུ་སྒྲུབ་པར་འགྱུར་མོད་ཀྱི།།
205b8 འོན་ཀྱང་མཐོང་ན་དགའ་བ་དྲི་ཟའི་རྒྱལ་པོ་ངའི་ཉན་ཐོས་ཀྱི་ཚིག་ལ་ཡིད་ཆེས་པའི་སེམས་ཅན་དེ་དག་ནི་ཉུང་སྟེ། ཤིན་དུ་ཕལ་ཆེར་ནི་མོས་པར་མི་འགྱུར་རོ།། མཐོང་ན་དགའ་བ་དྲི་ཟའི་རྒྱལ་པོ་རྣམ་པ་བཞི་དག་ལྡན་ན་ངའི་ཉན་ཐོས་དེ་བཞིན
iiif viewer powered by OpenSeadragon
