| e-texts navigator |
| Wylie |
199b1 ཉན་ཐོས་ཡིན་ཏེ། ངའི་ཉན་ཐོས་ངའི་ལུས་ཀྱིས་བྱེད་དང་འདྲ་བ་ལ་བྱས་པ་གཟོབ་སྟེ། ད་ལྟར་གྱི་འོད་སྲུང་ཆེན་པོ་འདི་ཡིན་གྱིས་ལྷ་མོ་ཇི་སྲིད་འཚོའི་བར་དུ་བསྙེན་བཀུར་གྱིས་ཤིག། དེ་ནས་དེའི་ཚེ་འཁོར་ཆེན་པོའི་ནང་ནས། ལྷའི་བུ
199b2 དབྱུག་མཆོག་ཅེས་བྱ་བ་འཁོར་དང་ལྡན་པས་བཅོམ་ལྡན་འདས་ལ་མཆོད་པའི་ལས་བྱས་ནས་ཚིགས་སུ་བཅད་པ་འདི་སྨྲས་སོ། ། པྲ་ཙེ་ཙམ་གྱིས་རྒྱ་མཚོ་ཀུན།། བས་པར་གཏུག་ཏུ་རུས་ལགས་ཀྱི།། གཟུགས་མང་མངའ་བའི་ཡོན་ཏན
199b3 མཚོ། ། ཅིག་ཙམ་གྱིས་ནི་བརྗོད་མི་ནུས།། བསྟན་པ་འདི་བཤད་པ་ན་ལྷའི་བུ་བརྒྱ་སྟོང་ཕྲག་མང་པོ་དག་གིས་ཐོས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ།། དེ་ནས་དེའི་ཚེ་བཅོམ་ལྡན་འདས་ཀྱིས་སློབ་དཔོན
199b4 ལུང་སྟོན་པ་བྲམ་ཟེ་ཀཻཎྜི་ནྱ་ལ་འདི་སྐད་ཅེས་བཀའ་སྩལ་ཏོ། ། སློབ་དཔོན་ལུང་སྟོན་པ་ཀཽཎྜི་ནྱ་ཁྱོད་ཀྱིས་རྙེད་པ་ལེགས་པར་རྙེད་པས་མངོན་པར་དད་པར་གྱིས་ཤིག། མ་འོངས་པའི་དུས་ན་སེམས་ཅན་རྣམས་བསྲུང་བའི་ཕྱིར་ཁྱོད་ལས
199b5 གླེངས་ཏེ་སྲུངས་ཡི་མཚན་མ་རྣམས་བཤད་དོ། ། སློབ་དཔོན་ལུང་སྟོན་པ་ཀཽརྟི་ནྱ་སངས་རྒྱས་ཀྱི་ཞིང་འདི་ནས་ལྷོ་ཕྱོགས་འཇིག་རྟེན་གྱི་ཁམས་གང་གཱའི་ཀླུང་བཅུའི་བྱེ་མ་སྙེད་འདས་པ་ན་འཇིག་རྟེན་གྱི་ཁམས་མངོན་པར་དད་པ་ཞེས་བྱ་བ
199b6 ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པ་སངས་རྒྱས་བློ་གྲོས་མི་ཟད་པ་ཞེས་བྱ་བ་ད་ལྟར་འཚོ་ཞིང་བཞེས་ཏེ་ཆོས་ཀྱང་སྟོན་ཏོ།། སློབ་དཔོན་ལུང་སྟོན་པ་ཀཽཎྜི་ནྱ་སངས་རྒྱས་ཀྱི་ཞིང་འདི་ན་ལྷོ་ཕྱོག་སུ་འཇིག
199b7 རྟེན་གྱི་ཁམས་གང་གཱའི་ཀླུང་ཉི་ཤུའི་བྱེ་མ་སྙེད་འདས་པ་ན་འཇིག་རྟེན་གྱི་ཁམས་ཐམས་ཅད་མཉམ་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་རྒྱལ་མཚན་ཞེས་བྱ་བ་ད་ལྟར་མཚོ
199b8 ཞིང་གཞེས་ཏེ་ཆོས་ཀྱང་སྟོན་ཏོ། ། སློབ་དཔོན་ལུང་སྟོན་པ་ཀོཎྜི་ནྱ་སངས་རྒྱས་ཀྱི་ཞིང་འདི་ནས་ལྷོ་ཕྱོག་སུ་འཇིག་རྟེན་གྱི་ཁམས་གང་གཱའི་ཀླུང་སུམ་ཅུའི་བྱེ་མ་སྙེད་འདས་པ་ན་འཇིག་རྟེན་གྱི་ཁམས་ཡིད་བདེ་བ་ཞེས་བྱ་བ་ཡོད་དེ་དེ་ན་དེ་བཞི་ནི་གཤེགས་པ་དགྲ་བཅོམ
iiif viewer powered by OpenSeadragon
