| e-texts navigator |
| Wylie |
190a1 ཅན་རྣམས་ལ་རྟག་པའི་ཉེས་པ་ཡང་དག་པར་བསྟན་པའི་ཕྱིར་བསྐལ་པ་ཐམས་ཅད་དུ་ཡང་འབྱུང་ངོ་། ། ཁྱེའུ་དག་ཡོངས་སུ་སྨིན་པར་བྱ་བའི་ཕྱིར་ཡི་གེ་སློབ་པའི་འབྲིང་ཁ་བ་ཐམས་ཅད་དུ་འགྲོ་བར་བྱེད་དོ།། བུ་མོ་དག་པ
190a2 ཡོངས་སུ་སྨིན་པར་བྱ་བའི་ཕྱིར་ཀླུ་དབྱངས་ཀྱི་ཁང་པ་ཐམས་ཅད་དུ་ཡང་འགྲོ་བར་བྱེད་དོ། ། འཇིག་རྟེན་དང་འཐུན་པར་བྱ་བའི་ཕྱིར་རྒན་པོ་དང་། ཐོར་བུ་དང་། བར་མ་རྣམས་ཀྱི་གྲོགས་ཀྱང་བྱེད་དོ།། སེམས་ཅན་ཡོངས་སུ་སྨིན་པ
190a3 བྱ་བའི་ཕྱིར་བྲན་པོ་དང་། བྲན་མོ་དང་། གཞན་གྱིས་བཀོལ་བར་ཡང་འགྲེའོ།། སེམས་ཅན་ཡོངས་སུ་སྨིན་པར་བྱ་བའི་ཕྱིར་ནང་པ་དང་། རྒས་པ་དང་། ཤི་བ་ལྟ་བུར་བདག་ཉིད་སྣ་ཚོགས་སུ་ཡང་སྟོན་ཏོ།། སེམས་ཅན་ཡོངས
190a4 སུ་སྨིན་པར་བྱ་བའི་ཕྱིར་རིན་པོ་ཆེ་དང་། ནོར་བུ་ཐམས་ཅད་ཀྱི་སྣོང་ལྟ་བུར་ཡང་འགྱུར་རོ།། རིག་བྱེད་ཀྱིས་ཚོགས་པར་འཛིན་པའི་སེམས་ཅན་རྣམས་སྐྱོན་ཡང་དག་པར་སྙན་པར་བྱ་བའི་ཕྱིར་གསང་ཚིག་དང་རིག་བྱེད་ཐམས་ཅད་ལ
190a5 མཁས་པར་ཡང་བྱེད་དོ། ། བྱ་སྐད་ཀྱི་བརྡའ་ཐམས་ཅད་ལ་ཞེན་པའི་སེམས་ཅན་རྣམས་ཀྱི་ལྟེ་བ་བཅད་པའི་ཕྱིར་བྱ་སྐད་ཀྱི་བརྡ་ཐམས་ཅད་སྟོན་པར་བྱེད་དོ།། སྨན་གྱི་སྡེ་ཚན་དང་རྩ་དང་ལྡན་པར་རྣམ་པར་འཕྲུལ་པའི་ཕྱིར་ཤིང
190a6 ལྗོན་པ་དང་། འཁྲི་ཤིང་དང་། འབྲས་བུ་དང་། མེ་ཏོག་དང་། སྨན་ནོ་ཅོག་ལྟ་བུར་ཡང་བདག་ཉིད་བྱིན་གྱིས་རློབ་པར་བྱེད་དོ།། འཚོན་མ་ཐམས་ཅད་ལ་ཡང་བརྩོན་ལ་ཆགས་པ་དང་ལོངས་སྤྱོད་ལ་མངོན་པར་ཞེན་པ་ཡང་མེད་དོ།།
190a7 ཐེག་པ་དམན་པ་རྣམ་པར་གཙང་བའི་ཕྱིར་བསྒྲགས་པའི་ཆོས་ཀྱི་འབེལ་བའི་གཏམ་ཐམས་ཅད་ཀྱང་ལེགས་པར་སྟོན་པར་བྱེད་དོ།། སེམས་ཅན་ཐམས་ཅད་བསྲུང་བ་དང་། ཡོངས་སུ་བསྐྱང་བའི་ཕྱིར་རྒྱལ་པོའི་བྱ་བ་ལ
190a8 ཡང་འཇུག་པར་བྱེད་དོ། ། ཚོང་དཔོན་གྱི་ཆོས་ལུགས་ཀྱིས་དགའ་བར་བྱ་བའི་ཕྱིར་ཚོང་དཔོན་གྱི་ནང་དུ་ཡང་ཚོང་དཔོན་དུ་བཀུར་བར་འགྱུར་རོ།། ཁྱིམ་གྱི་སྐྱོན་ཐམས་ཅད་ཡོངས་སུ་གཅད་པའི་ཕྱིར་ཁྱིམ་གྱི་ནང་དུ་ཡང
iiif viewer powered by OpenSeadragon
