| e-texts navigator |
| Wylie |
189b1 ང་ཚུལ་ཁྲིམས་ཡོངས་སུ་དག་པར་བྱ་བའི་ཕྱིར་ཁྱིམ་ན་གནས་པའི་རྒྱལ་པོར་ཡང་འགྱུར་རོ། ། ཆུང་མ་དང་། བུ་དང་འདྲ་བ་ཡང་མེད་པར་བུ་སྨད་ཀྱང་སྟོན་ལ་རྟག་ཏུ་ཚངས་པར་སྤྱོད་པ་དང་། ཡང་ལྡན་ཞིང་རྟག་ཏུ་དབེན་པ་ན་ཡང་གནས
189b2 ཏེ་རྒྱན་གྱིས་ཀླུབས་ལ་མཚན་ཀྱང་ཡོངས་སུ་གཅོད་དོ། ། དེ་ནས་ཁ་ཟས་ཀྱང་ཟ་ལ་རྟག་ཏུ་བསམ་གཏན་གྱི་ཟས་ཀྱི་ཀྱང་འཚོའོ།། ཡ་མཚན་ཅན་དེ་དག་གི་ང་རྒྱལ་དང་། རྒྱགས་པ་དང་། དྲེགས་པ་གཞོམ་པའི་ཕྱིར་ཡ་མཚན་ཅན་ཐམས
189b3 ཅད་ཀྱི་ནང་དུ་ཡང་རབ་ཏུ་འབྱུང་སྟེ། དེ་ཐམས་ཅད་དུ་མཁན་པོའི་ཐབས་སུ་བཀུར་ཞིང་ལྟས་སུ་ལྟ་བ་ཐམས་ཅད་ངེས་པར་བསྒྲལ་པའི་ཕྱིར་བསམ་པ་ཚུལ་གྱིས་རྟོགས་པར་འགྱུར་ལ། ལྟ་བ་ལ་གནས་པར་ཡང་མི་འགྱུ་རོ།། དུད
189b4 འགྲོ་རྣམས་ངེས་པར་བསྒྲལ་བའི་ཕྱིར་དུད་འགྲོའི་སྐྱེས་གནས་ཐམས་ཅད་དུ་ཡང་སྐྱེ་བར་འགྱུར་ཏེ། ཐམས་ཅད་དུ་ཡང་མཆོག་ཏུ་བཀུར་བར་འགྱུར་རོ།། སྨད་འཚོང་མའི་གནས་ཀུན་དུ་ཡང་སྣང་སྟེ། ཐམས་ཅད་དུ་ཡང་བཀུར་ལ
189b5 སྨད་འཚོང་མའི་གནས་ཐམས་ཅད་དུ་གཡོན་ཅན་གྱི་མཆོག་ཏུ་འགྱུར་རོ། ། འདུལ་བའི་སེམས་ཅན་ལ་ཕན་པར་བྱ་བའི་ཕྱིར་བཞི་མདོ་དང་། སུམ་མདོ་ཐམས་ཅད་དུ་ཡང་སྣང་ངོ་།། འདོད་པའི་ཉེས་པ་བསྟན་པའི་ཕྱིར་སྨད་འཚོང་མའི
189b6 གནས་ཐམས་ཅད་དུ་ཡང་འཇུག་གོ། དྲན་པ་ལ་ཡང་དག་པར་དགོད་པའི་ཕྱིར་མི་གསལ་བ་དང་། གླེན་པའི་གནས་ཐམས་ཅད་དུ་ཡང་འཇུག་པར་བྱེད་དོ།། སེམས་ཅན་ཡན་ལག་མ་ཚང་པ་ཐམས་ཅད་སྐྱོ་བ་ལ་དགོད་པའི་ཕྱིར
189b7 ཡན་ལག་ཐམས་ཅད་དུ་མ་ཚང་བར་ཡང་སྟོན་པར་བྱེད་དོ། ། འཁོར་བ་ལ་སྐྱོབ་བསྐྱེད་པའི་ཕྱིར་ཁམས་བཞི་དང་ལྡན་པར་ཡང་བྱེད་དོ།། ལེ་ལོ་ཅན་དང་། དྲན་པ་ཉམས་པ་རྣམས་དང་། རྒྱགས་པ་དང་། མྱོས་པ་རྣམས་དང་།།
189b8 བརྩོན་འགྲུས་དང་། བསམ་གཏན་དང་། སྐྱོ་བ་ལ་དགོད་པའི་ཕྱིར་ནང་བཞི་བརྒྱ་རྩ་བཞི་དང་ལྡན་པར་ཡང་སྟོན་ཏོ།། བཟོད་པ་ལ་དགོད་པའི་ཕྱིར་གནོད་སེམས་ཅན་ལྟ་བུར་ཡང་འགྱུར་རོ།། རྟག་པའི་འདུ་ཤེས་ཅན་གྱི་སེམས
iiif viewer powered by OpenSeadragon
