| e-texts navigator |
| Wylie |
189a1 རྣམས་སུ་ནི་ཚངས་པའི་གཟུགས་ལྟ་བུར་སྣང་སྟེ། ལྟ་བ་ལ་གནས་པར་ཡང་མི་འགྱུར་རོ།། དབང་ཕྱུག་ཅན་པོ་ལ་དད་པའི་སེམས་ཅན་རྣམས་ཀྱི་ས་བ་གཅད་པའི་ཕྱིར་དབང་ཕྱུག་ཆེན་པའི་གནས་རྣམས་སུན་དབང་ཕྱུག་ཆེན
189a2 པོའི་གཟུགས་ལྟ་བུར་སྣང་སྟེ། ལྟ་བ་ལ་གནས་པར་ཡང་མི་འགྱུར་རོ།། གཞོན་ནུ་ལ་དད་པའི་སེམས་ཅན་རྣམས་ཀྱི་ལྟ་བ་གཅད་པའི་ཕྱིར་གཞོན་ནུའི་གནས་རྣམས་སུ་ནི་གཞོན་ནུའི་གཟུགས་ལྟ་བུར་སྣང་སྟེ། ལྟ་བ་ལ་གནས་པར
189a3 ཡང་མི་འགྱུར་རོ། ། ཀཱ་ཏྱཱའི་བུའི་སྡིག་པ་དང་། འཚོ་བ་མི་ཟད་པ་ལ་དད་པའི་སེམས་ཅན་རྣམས་ཀྱི་ལྟ་བ་གཅོད་པ་དང་། སྲོག་གཅོད་པ་བཟློག་པའི་ཕྱིར།། ཀཱ་ཏཱའི་བུའི་གནས་རྣམས་སུ་ནི་ཀཱ་ཏཱའི་བུའི་གཟུགས་ལྟ་བུར་སྣང་སྟེ། ལྟ་བ
189a4 ལ་གནས་པར་ཡང་མི་འགྱུར་རོ། ། སེམས་ཅན་རྣམས་སྡིག་པ་ལས་བཟློག་པའི་ཕྱིར་འབྱུང་པོའི་གནས་རྣམས་སུ་ནི་འབྱུང་པོའི་གཟུགས་དེ་ལྟ་བུར་སྣང་ཞིང་ལྟ་བ་ཅན་ཐམས་ཅད་ཀྱི་ལྷའི་གནས་དང་། ལྟད་མོ་ཅན་དང་། དགེ་མཚན་ལྟ
189a5 བའི་གནས་རྣམས་སུ་ལྟ་བ་ཅན་གྱི་གཟུགས་ལྟ་བུར་སྣང་སྟེ། ལྟ་བ་ལ་གནས་པར་ཡང་མི་འགྱུར་རོ།། ཤ་ཟ་དང་གསོད་པ་ལས་བཟློག་པའི་ཕྱིར་ཕག་འཚོད་པའི་གནས་སུ་བགེགས་ཀྱི་མཚན་མའི་ཚུལ་སྟོན་ཅིང་ཤ་འཚོད་པ
189a6 ལྟ་བུར་ཡང་སྣང་ངོ་། ། སེམས་ཅན་ཡོངས་སུ་སྨིན་པར་བྱ་བའི་ཕྱིར་རིགས་ཀྱིས་ཆད་འཚོད་པའི་ནང་དུ་ཆང་འཐུང་བ་ལྟ་བུར་ཡང་སྣང་ཞིང་ཆང་གི་ཉེས་དམིགས་ཡང་དག་པར་བསྟན་པའི་ཕྱིར་རིགས་ཀྱི་གཙོ་བོ་ལྟ་བུར་འགྱུར་ཞིང
189a7 སེམས་ཅན་རྣམས་ལ་ཆང་གི་སྦྱིན་པ་བྱེད་དེ། ཆད་ལ་ཆགས་པར་ཡང་མི་འགྱུར་རོ།། དེ་བཞིན་དུ་ལས་ཆེན་པོ་བཅུ་དྲུག་གི་ཉེས་དམིགས་ཡང་དག་པར་བསྟན་པའི་ཕྱིར་ལས་ཆེན་པོ་བཅུ་དྲུག་བྱེད་པའི་རིགས་རྣམས་སུ་སྐྱེས་ནས་ལས
189a8 ཆེན་པོ་བཅུ་དྲུག་བྱེད་པ་ལྟ་བུར་ཡང་སྣང་སྟེ། ལས་ལ་ཆགས་པར་ཡང་མི་འགྱུར་རོ།། སེམས་ཅན་ཡོངས་སུ་སྨིན་པར་བྱ་བའི་ཕྱིར་བརྒྱན་པོ་དང་རྩེད་མོ་ལ་མཁས་སོ།། སེམས་ཅན་དབུལ་པོ་ལོངས་སྤྱོད་མི་ཟད་པས་བསྡུ་བ
iiif viewer powered by OpenSeadragon
