| e-texts navigator |
| Wylie |
180b1 འཇུག་པའི་ལེའུ་ཞེས་བྱ་སྟེ་ཉི་ཤུ་པའོ། ། །། སྤྲིན་ཆེན་སྙིང་པོས་གསོལ་པ། སེང་གེའི་རྣམ་པར་རྩ་བ་ལ་དམིགས་པ་ཞེས་བྱ་བའི་ཆོས་ཀྱི་སྒོ་བཅུ་བཅོམ་ལྡན་འདས་ཀྱིས་བཤད་དུ་གསོལ། སེང་གེའི
180b2 རྣམ་པར་རྩེ་བ་བསམ་གྱིས་མི་ཁྱབ་པར་རྣམ་པར་རོལ་པར་གསོལ། བཅོམ་ལྡན་འདས་ཀྱིས་བཀའ་སྩལ་པ། རྗེས་སུ་བྱ་བར་དཀའ་བ་དྲི་མ་མེད་པ་ཞེས་བྱ་བའི་ཆོས་ཀྱི་སྒོ་དང་། སྤང་མ་དང་བྲང་བའི་མེ་ཏོག་གོ།།
180b3 དྲི་ཞེས་བྱ་བའི་ཆོས་ཀྱི་སྒོ་དང་། རིན་པོ་ཆེ་རྣམ་པར་སྒྱིངས་པའི་བློ་གྲོས་ཀྱིས་རྣམ་པར་བསྒྱིངས་པའི་བློ་གྲོས་ཀྱི་རྣམ་པར་རྩེ་ཞིང་གཉིད་ཀྱིས་ནོན་པ་ཞེས་བྱ་བའི་ཆོས་ཀྱི་སྒོ་དང་། རིན་པོ་ཆེའི་ལྷུན་པོ་མེངོན་པར་རབ་ཏུ་གཡོ།
180b4 པའི་མཆོག་ཐོབ་པར་དཀའ་བ་ཞེས་བྱ་བའི་ཆོས་ཀྱི་སྒོ་དང་། ཆུ་འབབ་པ་ལྟ་བུར་རྩེ་བའི་རྒྱལ་པོ་ཞེས་བྱ་བའི་ཆོས་ཀྱི་སྒོ་དང་། ས་ཀུན་དུ་རབ་ཏུ་གཡོ་བ་རྒྱ་ཆེར་རྩེ་བ་ལ་དམིགས་པ་ཞེས་བྱ་བའི་ཆོས་ཀྱི་སྒོ་དང་། ལག་པ
180b5 གཡས་གཡོན་གྱི་མཐིལ་གསལ་བར་གཅོད་པ་ལྟ་བུར་མངོན་པར་རྩེ་བ་ཞེས་བྱ་བའི་ཆོས་ཀྱི་སྒོ་དང་། ཉ་བོ་ཆེ་དག་གི་མཇུག་མ་མངོན་པར་རྩེ་བའི་རྒྱལ་པོ་ཞེས་བྱ་བའི་ཆོས་ཀྱི་སྒོ་དང་། ཐོབ་པར་དཀའ་བ་དང་། རྟོགས་པར
180b6 དཀའ་བ་རབ་ཏུ་སྟོན་པ་ལ་མངོན་པར་རྩེ་བ་ཞེས་བྱ་བའི་ཆོས་ཀྱི་སྒོ་དང་། རྒྱན་ཐམས་ཅད་ཀྱི་རྣམ་པ་ལ་རབ་ཏུ་དགའ་ཞིང་མངོན་པར་རྩེ་བ་ལ་དམིགས་པ་ཞེས་བྱ་བའི་ཆོས་ཀྱི་སྒོ་སྟེ། བཅུ་པོ་དེ་དག་ནི་སེང་གེ་རྣམ་པར་རྩེ་བ
180b7 ལ་དམིགས་པ་ཞེས་བྱ་བའི་ཆོས་ཀྱི་སྒོ་ཡིན་ནོ། ། དེ་ནས་དེའི་ཚེ་ལྷའི་བུ་སེང་གེ་དཔའ་བོ་ཞེས་བྱ་བས་བཅོམ་ལྡན་འདས་ལ་མཆོད་པའི་ལས་བྱས་ནས་ཚིགས་སུ་བཅད་པ་འདི་སྨྲས་སོ།། ཀྱེ་མ་བཅོམ་ལྡན་སངས་རྒྱས་དཔེ
180b8 མེད་པ། ། ཡེ་ཤེས་དཔེ་མེད་དག་ལ་རབ་ཏུ་གནས།། སེམས་ཅན་རྣམས་ལ་བདེ་མར་མཛད་སླད་དུ།། ཐབས་ཀྱིས་སེང་གེའི་རྣམ་པར་རོལ་པ་མཛད།། སེང་གེ་རྣམ་པར་རྩེ་བ་ལ་དམིགས་པའི་གླེང་གཞིའི་ལེའུ་ཞེས་བྱ་སྟེ།
iiif viewer powered by OpenSeadragon
