| e-texts navigator |
| Wylie |
177b1 མཛེས་པས་སོན་པ་སྟོབས་དང་ལྡན་པར་བྱེད་པ་ཞེས་བྱ་བ་དང་། མུན་པ་དང་ཆབ་རོམ་ལ་བུའི་ཉོན་མོངས་པའི་རྩ་བ་རྣམ་པར་སྒྲོགས་པ་ལ་རྣམ་པར་འཕྲུལ་བའི་རྒྱལ་པོ་ཞེས་བྱ་བ་སྟེ།། བཅུ་པོ་དེ་དག་ནི་སྨིན་ཆེན
177b2 གླེག་འགྱུ་བ་དང་ལྡན་པ་ལ་འཇུག་པའི་རྣམ་པར་འཕྲུལ་པ་ཞེས་བྱ་བའི་ཆོས་ཀྱི་སྒོ་ཡིན་ནོ། ། དེ་ནས་དེའི་ཚེ་ལྷ་མོ་ཤུགས་ལྡན་མ་ཞེས་བྱ་བས་བཅོམ་ལྡན་འདས་ལ་མཆོད་པ་བྱས་ནས་ཚིགས་སུ་བཅད་པ་འདི
177b3 དག་སྨྲས་སོ། ། ང་རྒྱལ་མི་མངའ་བསྙེངས་མི་མངའ།། ཐུགས་རྗེར་ལྡན་ཞིང་སྒྲོན་མི་མངའ།། དཔའ་བོ་ཐབས་ལ་མཁས་པ་སྟེ།། འཇིག་རྟེན་ཀུན་དང་འཐུན་པར་འཇུག། དེ་རིང་ཁྱོད་ཀྱི་གཟི་བརྗིད་ཀྱིས།།
177b4 འཇིག་རྟེན་འཐུན་པ་བདག་གིས་བསླབས།། བསམ་གྱིས་མི་ཁྱབ་བསམ་ཡས་ལྷ།། དེ་བཞིན་གཤེགས་པ་མཚུངས་མེད་མཚུངས།། སེམས་ཅན་རྣམས་ལ་སྨན་སླད་དུ།། ཆོས་རྣམས་སྣ་ཚོགས་སྟོན་པ་མཛད།། སྤྲིན་ཆེན
177b5 པོཔོའི་གློག་འགྲུ་བ་དང་ལྡན་ཞིང་མུན་པ་འཇོམས་པའི་གླེང་གཞིའི་ལེའུ་ཞེས་བྱ་སྟེ་བཅུ་གསུམ་པའོ། ། སྤྲིན་ཆེན་སྙིང་པོས་གསོལ་པ། སྤྲིན་ཆེན་པོའི་གློག་གི་སྒྱུ་འཕྲུལ་ཞེས་བགྱི་བའི་ཆོས་ཀྱི་སྒོ་བ་ན་བཅོམ་ལྡན
177b6 འདས་ཀྱིས་བཤད་དུ་གསོལ། ། བཅོམ་ལྡན་འདས་ཀྱིས་བཀའ་སྩལ་པ། རྟག་ཏུ་བརྗོད་པ་ཞེས་བྱ་བ་དང་། སྤྲིན་ཆེན་པོའི་གློག་གི་སྒྱུ་འཕྲུལ་རྟག་ཏུ་མངོན་པར་སྲུང་ཞེས་བྱ་བ་དང་། རྟག་ཏུ་མངོན་པར་དགའ་བ་ཞེས་བྱ་བ
177b7 དང་། རྟག་ཏུ་མངོན་པར་འདོད་པ་ཞེས་བྱ་བ་དང་། མེ་ལ་མངོན་པར་རྩེ་བ་ཞེས་བྱ་བ་དང་། སྐྱེ་གནས་ཐམས་ཅད་དུ་མངོན་པར་འཇུག་པ་ལ་དགའ་བ་ཞེས་བྱ་བ་དང་། རྙེད་པ་དང་བཅས་པའི་འགྲོ་བ་ལ་མགུ་བ་ཞེས་བྱ་བ་དང་། ཆུ
177b8 འབྱེད་དཀར་མོ་ཞེས་བྱ་བ་དང་། འོད་འཕྲོ་བའི་རྒྱལ་པོ་མངོན་དུ་བྱེད་པ་ཞེས་བྱ་བ་དང་། རྟག་ཏུ་མངོན་པར་འཕགས་པ་མངོན་པར་རྒྱས་པའི་ཕྲེང་བ་རྒྱུས་པ་ཞེས་བྱ་བ་སྟེ། བཅུ་པོ་དེ་དག་ནི་སྤྲིན་ཆེན་པོའི་གློག་གི་སྐུ
iiif viewer powered by OpenSeadragon
