| e-texts navigator |
| Wylie |
177a1 གསེར་གྱི་གློག་གི་འོད་ཀྱི་རྒྱལ་པོ་ཞེས་བྱ་བ་དང་། བཻ་དཱུརྱའི་སྙིང་པོའི་བློ་གྲོས་མི་ཟད་པའི་སྣང་བའི་གློག་གི་འོད་ཅེས་བྱ་བ་དང་། གནས་ལ་མངོན་པར་མོས་པའི་གློག་གི་འོད་ཅེས་བྱ་བ་དང་། ཡོན་ཏན་གྱི་རྒྱ་མཚོ་ཟབ་མོ་བརྟན་པའི་གློག
177a2 གི་འོད་ཅེས་བྱ་བ་དང་། ཡུལ་ཚམ་དུ་འབེབས་པའི་གློག་གི་འོད་ཅེས་བྱ་བ་དང་། བཅུ་པོ་དེ་དག་ནི་སྤྲིན་ཆེན་པོའི་གློག་གི་འོད་སྣང་བའི་སྒོ་ཞེས་བྱ་བའི་ཆོས་ཀྱི་སྒོ་ཡིན་ནོ།། དེ་ནས་དེའི་ཚེ་ལྷ་མོ་མངོན་པར་མཚོ་བར་བྱེད་པ་ཞེས
177a3 བྱ་བས་བཅོམ་ལྡན་འདས་ལ་མཆོད་པའི་ལས་བྱས་སྟེ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་ཚིགས་སུ་བཅད་པ་འདི་སྨྲས་སོ།། གློག་གི་རྒྱལ་པོ་སྐུ་ཚེ་བ།། ནམ་མཁའ་དང་ནི་མཚུངས་འདྲ་སྟེ།
177a4 དེ་བཞིན་གཤེགས་པ་ཐབས་ཀྱི་གཟུགས།། བདག་གིས་ཆུང་ཟད་བརྗོད་མི་ནས།། གློག་གི་འོད་ཀྱི་གླེང་གཞིའི་ལེའུ་ཞེས་བྱ་སྟེ་བཅུ་གཉིས་པའོ།། སྤྲིན་ཆེན་སྙིང་པོས་གསོལ་པ།། སེམས་ཅན་ཐམས་ཅད་ལ་སྨན་པ་དང
177a5 བདེ་བའི་སླད་དུ་བཅོམ་ལྡན་འདས་ཀྱིས་སངས་རྒྱས་ཀྱི་ཉི་མའི་འོད་ཟེར་ཆེན་པོ་མཐའ་ཡས་པ་རབ་ཏུ་དགྱེས་པར་གསོལ། ། སྤྲིན་ཆེན་པོའི་གློག་འགྲུ་བ་དང་ལྡན་པ་ལ་འཇུག་པའི་རྣམ་པ་ཞེས་བགྱི་བའི་ཆོས་ཀྱི་སྒོ་བ
177a6 བཅོམ་ལྡན་འདས་ཀྱིས་བཤད་དུ་གསོལ། ། བཅོམ་ལྡན་འདས་ཀྱིས་བཀའ་སྩལ་པ། རླུང་གི་མཐུ་དང་མཉམ་པའི་ཤུགས་ཀྱི་གློག་གི་འོད་འགྲུ་བའི་རྒྱལ་པོ་ཞེས་བྱ་བ་དང་། ཡེ་ཤེས་ཤིན་དུ་རྣོ་པ་ཞེས་བྱ་བ་དང་།
177a7 ཡེ་ཤེས་མངོན་པར་གཏན་ལ་འབབས་པའི་རྒྱལ་པོ་ཞེས་བྱ་བ་དང་། ལྷན་ཅིག་འཇུག་པའི་ཤུགས་ཀྱིས་སྒྲ་སྤོགས་པའི་རྒྱལ་པོ་ཞེས་བྱ་བ་དང་། རྒྱ་མཚོའི་རླབས་གཡོ་བ་ལ་མཁས་པའི་རྒྱལ་པོ་ཞེས་བྱ་བ་དང་།
177a8 ཆོས་འདོད་ཅིང་རབ་ཏུ་བསྲངས་པ་ཞེས་བྱ་བ་དང་། ནོར་གྱིས་རྒྱལ་བའི་མཚམས་སྦྱོར་བ་ལ་མཁས་པའི་རྒྱལ་པོ་ཞེས་བྱ་བ་དང་། ཆོས་ཀྱི་རྔ་བོ་ཆེ་དུག་གནོན་པའི་སྨན་གྱི་རྒྱལ་པོ་ཞེས་བྱ་བ་དང་། ཤིན་དུ
iiif viewer powered by OpenSeadragon
