| e-texts navigator |
| Wylie |
175b1 ཡེ་ཤེས་མངའ་བས་གསེར་གྱི་ངོ་བོ་བཞིན། ། སེམས་ཅན་རྣམས་ལ་ཕན་པ་མཛད་སྐད་དུ།། ཡེ་ཤེས་ཟབ་མོའི་གཏང་ནི་སྟོན་པར་མཛད།། ཡེ་ཤེས་ཟབ་མོ་བརྟན་པ་འཐོབ་པ་ལ་འཇུག་པའི་རྣམ་པའི་གླེང་གཞིའི་ལེའུ
175b2 ཞེས་བྱ་སྟེ་བརྒྱད་པའོ། ། སྤྲིན་ཆེན་སྙིང་པོས་གསོལ་པ། སྤྲིན་ཆེན་པོའི་སྙིང་པོའི་ཆར་གྱི་བརྒྱན་བསམ་གྱིས་མི་ཁྱབ་པའི་བསོད་ནམས་ཀྱི་མཛོད་ཅེས་བགྱི་བའི་ཆོས་ཀྱི་སྒོ་བཅུ་བཅོམ་ལྡན་འདས་ཀྱིས་བཤད་དུ།
175b3 གསོལ།། བཅོམ་ལྡན་འདས་ཀྱིས་བཀའ་སྩལ་པ། བྱམས་པ་ལ་དགའ་བའི་མཛོད་ཅེས་བྱ་བ་དང་། སྙིང་རྗེ་ལ་དགའ་བའི་མཛོད་ཅེས་བྱ་བ་དང་། དགའ་བ་ལ་དགའ་བའི་མཛོད་ཅེས་བྱ་བ་དང་། བཏང་སྙོམས་ལ་དགའ་བའི
175b4 མཛོད་ཅེས་བྱ་བ་དང་། བདེན་པས་ཆུ་འབེབས་པའི་ཆུའི་མཛོད་ཅེས་བྱ་བ་དང་། རྒྱ་མཚོའི་ཉའི་འགྲོ་བར་རྒྱུ་བའི་མཛོད་ཅེས་བྱ་བ་དང་། ཆོས་ཀྱི་སྒོའི་མིང་དང་ལྡན་པའི་མཛོད་ཅེས་བྱ་བ་དང་། རྒྱུན་གྱི་རྒྱལ་པོའི་ལམ་གྱི་མཛོད་ཅེས
175b5 བྱ་བ་དང་། གཞུང་ལུགས་ལ་འཇུག་པའི་མཛོད་ཅེས་བྱ་བ་དང་། མིང་གི་གསང་ཚིག་གསུམ་གྱི་དཀོན་མཆོག་ལ་འཇུག་པའི་མཛོད་ཅེས་བྱ་བ་སྟེ། བཅུ་པོ་དེ་དག་ནི་སྤྲིན་ཆེན་པོའི་སྙིང་པོའི་ཆར་གྱི་རྒྱུན་བསམ་གྱིས་མི
175b6 ཁྱབ་པའི་བསོད་ནམས་ཀྱི་མཛོད་ཅེས་བྱ་བའི་ཆོས་ཀྱི་སྒོ་ཡིན་ནོ། ། དེ་ནས་དེའི་ཚེ་ལྷའི་བུ་ཡེ་ཤེས་ལ་དགའ་བ་ཞེས་བྱ་བས་བཅོམ་ལྡན་འདས་ལ་མཆོད་པ་བྱས་ནས་ཚིགས་སུ་བཅད་པ་འདི་སྨྲས་སོ།། བཅོམ་ལྡན
175b7 སངས་རྒྱས་བསམ་མི་ཁྱབ། ། དེ་བཞིན་གཤེགས་པ་འགག་པ་མེད།། ཀྱེ་མ་སེམས་ཅན་སྨན་སླད་དུ།། ཆོས་རྣམས་སྣ་ཚོགས་སྟོན་པ་མཛད།། རྣམ་པར་ཐར་པའི་བསོད་ནམས་ཀྱི་མཛོད་ཀྱི་གླེང་གཞིའི་ལེའུ་ཞེས
175b8 བྱསྟེ་དགུ་པའོ། ། སྤྲིན་ཆེན་སྙིང་པོས་གསོལ་པ། སྤྲིན་ཆེན་པོའི་ཆར་གྱི་རྒྱུན་བསམ་གྱིས་མི་ཁྱབ་པའི་བསོད་ནམས་ཀྱི་རྣམ་པའི་ལམ་ཞེས་བགྱི་བའི་ཆོས་ཀྱི་སྒོ་བཅུ་བཅོམ་ལྡན་འདས་ཀྱིས་བཤད་དུ
iiif viewer powered by OpenSeadragon
