| e-texts navigator |
| Wylie |
174a1 འདས་ཀྱིས་བཀའ་སྩལ་པ། སྤྲིན་ཆེན་སྙིང་པོ་སྤྲིན་ཆེན་པོའི་མདོ་ལ་སྲིད་པར་སྐྱེ་བས་རབ་ཏུ་དགའ་བའི་རྒྱལ་བ་ཞེས་བྱ་བའི་ཆོས་ཀྱི་སྒོ་དང་། སྲིད་པར་སྐྱེ་བ་ལ་འདོད་ཅིང་བློ་གྲོས་དད་པ་ཞེས་བྱ་བ་དང་། སྲིད་པར་སྐྱེ
174a2 བལ་སྲེད་པ་ཞེས་བྱ་བ་དང་། སྲིད་པར་སྐྱེ་བ་ལ་བརྩམ་པ་མེད་པ་ཞེས་བྱ་བ་དང་། སྲིད་པར་སྐྱེ་བ་ལ་རབ་ཏུ་དད་པ་ཞེས་བྱ་བ་དང་། སྲིད་པར་སྐྱེ་བར་སྨོན་པ་ལ་མཁས་པ་ཞེས་བྱ་བ་དང་། སྲིད་པར་སྐྱེ་བའི་བསྔགས་པརྗོད
174a3 པ་ཞེས་བྱ་བ་དང་། སྲིད་པར་སྐྱེ་བ་ལ་དམིགས་པའི་རྒྱལ་པོ་ཞེས་བྱ་བ་དང་། སྲིད་པར་སྐྱེ་བ་ལ་མཁས་པའི་དབང་ཕྱུག་རྒྱལ་པོ་ཞེས་བྱ་བ་དང་། སྲིད་པར་སྐྱེ་བ་ན་མི་དགེ་བའི་ཕྱོགས་ཀྱི་ཆོས་རྣམས་ཀྱི་མགོས
174a4 པར་གནས་ཤིང་འཇུག་པ་གསད་པའི་བཀོད་པའི་རྒྱལ་པོ་ཞེས་བྱ་བའི་ཆོས་ཀྱི་སྒོ་ཡོད་དེ། བཅུ་པོ་དེ་དག་ནི་སྲིད་པར་སྐྱེ་བས་རྩེ་བའི་རྣམ་པ་འཇུག་ཅིང་གནས་པ་བགྲོད་པའི་གསང་བ་བཀོད་པའི་རྒྱལ་པོ་ཞེས་བྱ་བའི་ཆོས།།
174a5 ཀྱི་སྒོ་ཡིན་ནོ།། དེ་ནས་དེའི་ཚེ་ལྷ་མོ་རྒྱ་ཆེར་དགའ་བ་ཞེས་བྱ་བས་བཅོམ་ལྡན་འདས་ལ་མཆོད་པའི་ལས་བྱས་ནས། ཚིགས་སུ་བཅད་པ་འདི་དག་སྨྲས་སོ།། མ་སྐྱེས་ཁྱོད་ལ་ཕྱག་འཚལ་ལོ།། དེ་བཞིན་གཤེགས་པ
174a6 ཐབས་ཀྱི་སྐུ། ། སྲིད་པར་སྐྱེ་བ་སྣ་ཚོགས་པ།། དྲི་མེད་ཐམས་ཅད་ཐུབ་པས་བསྟན།། དཔའ་བོ་ཆེན་པོ་རྟག་པའི་སྐུ།། སྲིད་སྐྱེའི་རིགས་དེ་རྒྱ་མཚོ་མངའ།། གོས་པ་མེད་པའི་དེ་བཞིན་གཤེགས།། འཁོར་བ་དག་ནི་དག་པར
174a7 བཞེད། ། སྲིད་པར་སྐྱེ་བའི་གླེང་གཞིའི་ལེའུ་ཞེས་བྱ་སྟེ་ལྔ་པའོ།། སྤྲིན་ཆེན་སྙིང་པོས་གསོལ་བ། འཁོར་བའི་ཉོན་མོངས་པའི་ཞིང་གི་ལས་ཀྱིས་ཐོབ་པར་བགྱི་བའི་སྐད་དུ། སེམས་ཀྱིས་ཡང་དག་པར
174a8 ལེན་པའི་རྣམ་པར་གྲོལ་བའི་སྨོན་ལམ་གསང་བའི་ཆོས་ཀྱི་སྒོ་བཅུ་བཅོམ་ལྡན་འདས་ཀྱིས་རྒྱས་པར་བཤད་དུ་གསོལ། ། དེ་བཞིན་གཤེགས་པས་བཤད་དུ་གསོལ།། བཅོམ་ལྡན་འདས་ཀྱིས་བཀའ་སྩལ་པ།
iiif viewer powered by OpenSeadragon
