| e-texts navigator |
| Wylie |
173b1 པ་མེད་པ་ཞེས་བྱ་བ་དང་། མུན་གནག་ཅིང་ཤིན་དུ་གནག་ལ་རབ་ཏུ་སྣང་བ་ཞེས་བྱ་བ་དང་། རྟུལ་ཞིང་རབ་ཏུ་རྟུལ་ལ་ཤིན་ཏུ་རྣོ་བ་ཞེས་བྱ་བ་དང་། གཅོད་ཅིང་འབྱེད་ལ་ཤིན་དུ་སྙིང་བརྩེ་བ་ཞེས་བྱ་བ་དང་། བརླང་ཞིང་ཤིན་དུ་སྡིག་བྱེད་ལ
173b2 བྱམས་པ་ལ་སོགས་པ་དང་ལྡན་པ་ཞེས་བྱ་བ་དང་། སྦྱིན་པ་ལ་སྨོད་ཅིང་རབ་ཏུ་སྨོད་ལ་སྦྱིན་པ་བསྔགས་པར་བྱེད་པ་ཞེས་བྱ་བ་དང་། སྨད་ཅིང་ཤིན་དུ་སྨད་ལ་སྨད་དུ་མེད་པ་ཞེས་བྱ་བ་དང་།། རྟག་ཏུ་བདགང་སྟོད་ཅིང་གཞན་སྨོད་ལ
173b3 ལས་ཀྱང་རྣམ་པར་དག་པ་ཞེས་བྱ་བ་དང་། ཆགས་ཤིང་རབ་ཏུ་ཆགས་ལ་ཆགས་པ་ཡང་མེད་པ་ཞེས་བྱ་བ་དང་། མི་མཉམ་ཞིང་ཤིན་དུ་མི་མཉམ་ལ་མི་མཉམ་པ་ཡང་མ་ཡིན་པ་ཞེས་བྱ་བ་དང་། སྡུག་བསྔལ་ཞིང་མི་བདེ་ལ་བདེ་བ
173b4 ཞེས་བྱ་བ་དང་། སྟོང་ཞིང་ཤིན་དུ་སྟོང་ལ་སྟོང་པ་མ་ཡིན་པ་ཞེས་བྱ་བ་དང་། མི་རྟག་ཅིང་ཤིན་དུ་མི་ག་ལ་ཤིན་ཏུག་ཤེས་བྱ་བ་དང་། བདག་མེད་པར་གྱུར་ལ་ཤིན་དུ་བདག་ཉིད་དུ་གྱུར་པ་ཞེས་བྱ་བ་དང་། མི་སྡུག་ཅིང་ཤིན་དུ་མི་སྡུག་ལ་ཤིན་དུ་སྡུག
173b5 པ་ཞེས་བྱ་བ་ཡོད་དེ། ཉི་ཤུ་རྩ་གསུམ་པོ་དེ་དག་ནི་ལྡེམ་པོ་དག་གི་བཞིའི་བྱེ་བྲག་ལ་འཇུག་པ་ལ་རྨོངས་པའི་ཚུལ་ཅན་གྱི་ཆོས་ཀྱི་ཐབས་ཀྱི་རྒྱུན་གྱི་རྣམ་པར་ཐར་པའི་སྒོ་ཡིན་ནོ།། དེ་ནས་དེའི་ཚེ་འཁོར་ཆེན་པོའི་ནང་ནས་ལྷའི་བུ
173b6 སྐྱེ་བོ་ཐམས་ཅད་དགའ་བ་ཞེས་བྱ་བས་བཅོམ་ལྡན་འདས་ལ་ལྷའི་མཆོད་པ་ཆེན་པོ་བྱས་ནས་ཚིགས་སུ་གཅད་པ་འདི་སྨྲས་སོ། ། ཀྱེ་མ་དེར་ནི་ཉན་ཐོས་ཀུན།། མྱོས་པར་བྱེད་པའི་རྒྱུ་ཆེན་བྱུང་།། སེམས་ཅན་རྣམས་ལ
173b7 སྨན་སླད་དུ། ། ལྷ་ཆེན་མཐའ་ཡས་གཟུགས་མངའ་བ།། དེ་བཞིན་གཤེགས་པའི་ལྡེམ་པོ་དག། ཐུགས་སུ་ཆུད་ནས་སྟོན་པ་མཛད།། ལྡེམ་པོ་དག་གི་གླེང་གཞིའི་ལེའུ་ཞེས་བྱ་སྟེ་བཞི་པའོ།། སྤྲིན་ཆེན་སྙིང
173b8 པོས་གསོལ་པ། སྲིད་པར་སྐྱེ་བས་རྩ་བའི་རྣམ་པ་ལ་འཇུག་ཅིང་གནས་པ། བགྲོད་པའི་གསང་བ་བཀོད་པའི་རྒྱལ་པོ་ཞེས་བགྱི་བའི་ཆོས་ཀྱི་སྒོ་བཅུ་བཅོམ་ལྡན་འདས་ཀྱིས་རྒྱས་པར་བཤད་དུ་གསོལ། བཅོམ་ལྡན
iiif viewer powered by OpenSeadragon
