| e-texts navigator |
| Wylie |
154b1 འཕྲུལ་གསང་བའི་སྲུངས་མར་ཡང་འགྱུར་རོ། ། དེ་བཞིན་གཤེགས་པའི་གསུང་བརྗོད་པར་ཡང་འགྱུར་རོ།། དེ་བཞིན་གཤེགས་པའི་དམིགས་པ་ལ་རྣལ་འབྱོར་པར་ཡང་འགྱུར་རོ།། དེ་བཞིན་གཤེགས་པའི་ཉི་མའི་འོད་ཟེར་དུ་ཡང
154b2 འགྱུར་རོ། ། དེ་བཞིན་གཤེགས་པའི་ཟླ་བའི་དཀྱིལ་འཁོར་གྱི་གཟིར་ཡང་འགྱུར་རོ།། དེ་བཞིན་གཤེགས་པའི་ཏོག་གི་རྩེ་མོའི་མཆོག་ཏུ་ཡང་འགྱུར་རོ།། དེ་བཞིན་གཤེགས་པའི་མཚན་འཛིན་པར་ཡང་འགྱུར་རོ།། དེ་བཞིན་གཤེགས
154b3 པའི་ཕྲིན་ལས་ལ་རྩོམ་པར་ཡང་འགྱུར་རོ། ། དེ་བཞིན་གཤེགས་པའི་རྩལ་གྱི་ཤུགས་སུ་ཡང་འགྱུར་རོ།། དེ་བཞིན་གཤེགས་པའི་མུ་སྟགས་ལ་ངེས་པའི་པད་མ་དཀར་པོར་ཡང་འགྱུར་རོ། དེ་བཞིན་གཤེགས་པའི་དགྱེས་པ་ལ་དཀའ་བར
154b4 ཡང་འགྱུར་རོ། ། དེ་བཞིན་གཤེགས་པའི་མཛོད་ཀྱི་དཀོར་བར་ཡང་འགྱུར་རོ།། དེ་བཞིན་གཤེགས་པ་ལ་རྟག་པ་ཉིད་དུ་མཐོང་བར་ཡང་འགྱུར་རོ།། དེ་བཞིན་གཤེགས་པའི་རྟག་པ་དང་། ཐེར་ཟུག་པ་ཉིད་ཤིན་ཏུ་གསལ་བར་མཐོང་ནས
154b5 བདག་ཉིད་བསྔགས་པ་བརྗོད་པའི་རྒྱལ་པོར་ཡང་འགྱུར་རོ། ། དེ་བཞིན་གཤེགས་པ་ནི་ཐེར་ཟུག་པའི་སྐུ་ཡིན་ནོ་ཞེས་ཐེར་ཟུག་ཏུ་སྨྲ་བར་ཡང་འགྱུར་རོ།། དེ་བཞིན་གཤེགས་པའི་ཞི་བའི་རང་བཞིན་ལ་མངོན་པར་དགའ་བའི་ལྟ་བ
154b6 ཕུན་སུམ་ཚོགས་པར་ཡང་འགྱུར་རོ། ། དེ་བཞིན་གཤེགས་པའི་རྟག་པ་དང་། ཐེར་ཟུག་པ་དང་། བརྟན་པ་དང་། ཞི་བའོ་ཞེས་རྣམ་པ་ཐམས་ཅད་དུ་ཞི་བའི་རྒྱ་མཚོ་ཐམས་ཅད་དུ་ཡང་འགྱུར་རོ།། དེ་བཞིན་གཤེགས་པའི་སྐུ་ནི
154b7 ཆོས་ཀྱི་སྐུ་ཡིན་ནོ་ཞེས་དེ་ཁོ་ན་མཐོང་བར་ཡང་འགྱུར་རོ། ། དེ་བཞིན་གཤེགས་པའི་རྡོ་རྗེའི་སྐུ་ནི་མི་ཕྱེད་པའི་སྐུ་ཡིན་ནོ་ཞེས་ཡང་དག་པ་མཐོང་བར་ཡང་འགྱུར་རོ།། དེ་བཞིན་གཤེགས་པའི་སྐུ་ནི་རུས་པ་མ་ཡིན་ཞིང་ཤ་མ་ཡིན་ལ།
154b8 ཁྲག་མ་ཡིན་ཏེ། རྒྱས་པ་མ་ཡིན་ནོ་ཞེས་སྟོང་པ་ཉིད་དུ་སྨྲ་བར་ཡང་འགྱུར་རོ།། དེ་བཞིན་གཤེགས་པའི་ཆོས་བསྟན་པ་ནི་འབྲས་བུ་ཡོད་པ་ཡིན་ནོ་ཞེས་འབྲས་བུ་ཡོད་པར་སྨྲ་བར་ཡང་འགྱུར་རོ།། དེ་བཞིན་གཤེགས
iiif viewer powered by OpenSeadragon
