| e-texts navigator |
| Wylie |
154a1 འདོད་པས་ནི་སྤྲིན་ཆེན་པོ་རྡོ་རྗེའི་མདོ་གཟུང་བར་བྱའོ། ། གཞན་དག་ལ་ཡང་རྒྱ་ཆེར་བཤད་པར་བྱའོ།། ཤིན་ཏུ་དགའ་བ་ཡང་བསྐྱེད་པར་བྱའོ།། དེ་ལ་མངོན་པར་རྩོན་པ་ཡང་བྱའོ།། སྤྲིན་ཆེན་སྙིང་པོ་སྤྲིན་ཆེན་པོའི་མདོ་ལས
154a2 རྣམ་པར་ཐར་པ་བསམ་གྱིས་མི་ཁྱབ་པ་ལ་གནས་པ། རིན་པོ་ཆེའི་མཛོད་ཀྱི་འབྱུང་གནས། ཆོས་ཀྱི་རྣམ་པར་འཕྲུལ་པའི་རྒྱལ་པོ་ཞེས་བྱ་བའི་ཏིང་ངེ་འཛིན་གྱི་སྒོ་བཞི་བརྒྱ་རྒྱས་པར་ཉོན་ཅིག། སྤྲིན་ཆེན་སྙིང་པོ་སྤྲིན་ཆེན་པོའི་མདོལ།
154a3 ཟབ་མོ་བརྟན་པའི་ཆུའི་རྒྱ་མཚོའི་དུས་ཆོད་ཅེས་བྱ་བའི་ཏིང་ངེ་འཛིན་ཡོད་དོ།། ཏིང་ངེ་འཛིན་དེ་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་ཏིང་ངེ་འཛིན་གྱི་རྒྱ་མཚོར་ཡང་འགྱུར་རོ།། ཏིང་ངེ་འཛིན་ཡང་དག་པར
154a4 སོགས་པར་ཡང་འགྱུར་རོ། ། ཐོས་པའི་རྒྱ་མཚོར་ཡང་འགྱུར་རོ།། ཐོས་པ་ཡང་དག་པར་སོགས་པར་ཡང་འགྱུར་རོ།། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་སོམ་ཉི་མི་ཟ་ཞིང་ཡིད་གཉིས་མེད་དེ་ཐེ་ཙོམ་ཟ་བར་མི་འགྱུར་རོ།།
154a5 མི་ཁོམ་པ་རྣམས་སུ་སྐྱེ་བར་ཡང་མི་འགྱུར་རོ།། ཚེ་རབས་དྲན་པར་ཡང་འགྱུར་རོ།། འཁོར་བའི་ལས་ཀྱི་ཞི་ག་རྒྱ་མཚོ་ལ་སྲེད་པར་ཡང་འགྱུར་རོ།། ཚེ་རབས་ཐམས་ཅད་དུ་ཐ་ན་རྨི་ལམ་ན་ཡང་སངས་རྒྱས་མཐོང་བ་དང་། འབྲལ་བར
154a6 ཡང་མི་འགྱུར་རོ། ། དེ་དག་གི་དགེ་བའི་ཆོས་རྣམས་ལ་བར་ཆད་བྱ་བའི་ཕྱིར་བདུད་སྡིག་ཅན་གླགས་ལྟ་བ་དང་སྐབས་ཚོལ་བས་གླགས་རྙེད་པར་ཡང་མི་འགྱུར་རོ།། ང་རྒྱལ་ཚོམས་པར་ཡང་འགྱུར་རོ།། གཟུངས་ཐོབ་པར
154a7 ཡང་འགྱུར་རོ། ། དེ་བཞིན་གཤེགས་པའི་ལྡེམ་པོ་དག་དཔྱོད་པ་ལ་མཁས་པར་ཡང་འགྱུར་རོ།། ཆོས་ཐམས་ཅད་ཀྱི་གསང་བའི་སྒོར་འཇུག་པར་ཡང་འགྱུར་རོ།། དེ་བཞིན་གཤེགས་པའི་གཏེར་ཡང་དག་པར་སྙན་པར་ཡང་འགྱུར་རོ།།
154a8 དེ་བཞིན་གཤེགས་པའི་ཚུལ་ལ་འཇུག་པར་ཡང་འགྱུར་རོ།། དེ་བཞིན་གཤེགས་པའི་རྒྱ་མཚོའི་ཆུ་སྲིན་དུ་ཡང་འགྱུར་རོ།། དེ་བཞིན་གཤེགས་པའི་གཞུང་ལུགས་ཀྱི་ནང་དུ་ཆུད་པར་ཡང་འགྱུར་རོ།། དེ་བཞིན་གཤེགས་པའི་སྐྱེ
iiif viewer powered by OpenSeadragon
