| e-texts navigator |
| Wylie |
152b1 མགོན་ཡང་ཁྱོད། ། གཉེན་མེད་རྣམས་ལ་རབ་གཉེན་པ།། བརྟན་པའི་གནས་ན་བཞུགས་པ་སྟེ།། དེ་བས་མི་གཡོ་བརྟན་པ་ལགས།། ཀུན་གྱི་རྟེན་ཆེན་གྱུར་པ་སྟེ།། སྨན་པ་ཐེར་ཟུག་བདག་ཉིད་ཆེ།། ནད་ཀྱིས་ཐེབས་པའི་སེམས་ཅན་རྣམ།།
152b2 ལེགས་སྤྱོད་ཆེ་བའི་བདག་ཉིད་ཅན།། བཅོམ་ལྡན་ལྔ་ཁྱོད་བསམ་མི་ཁྱབ།། དེ་བཞིན་གཤེགས་པ་ཐབས་ཀྱི་སྐུ།། ལྷ་ཡི་ལྟེ་སྟེ་ལྷ་ཆེན་པོ།། འཇིག་རྟེན་ཀུན་དང་འཐུན་པར་འཇུག། དཔའ་བ་ཆེན་པོ་གསང་བའི་གསང་།། གསང་བའི་ཆོས
152b3 ནིརབ་སྟོན་པ། ། ཏིང་འཛིན་གཟུངས་ཀྱི་རྒྱལ་པོ་སྟེ།། དེ་བཞིན་གཤེགས་པ་དེད་དཔོན་ལགས།། བྱང་ཆུབ་སེམས་དཔའ་གཟིའ་ཆེན་གྱིས།། མཚུངས་མེད་དཔག་གིས་མི་ལང་བ།། རྟག་པའི་ཟླ་བ་ཡོངས་སུ་བསྐོར།། དཔེ་མེད་བསྐལ་པ
152b4 བྱེ་མར་མཛེས། ། ཁྱོད་ཀྱི་ཡོན་ཏན་བགྲང་ལས་འདས།། རིན་ཆེན་འབྱུང་གནས་དེ་བཞིན་གཤེགས།། དཔལ་ཆེན་གཟི་བརྗིད་རྟག་པ་སྟེ།། བསམ་ཡས་སྟོབས་ཀྱི་རྒྱ་མཚོ་ལ་གས།། སེམས་ཅན་ཀུན་ཕན་བསམ་མི་ཁྱབ།། ཀུན་ལ་བྱམ
152b5 ཤིང་ཐུགས་རྩེབ། ། ཐུབ་སྲས་སྦ་གཅན་ཟིན་བཞིན་དུ།། སེམས་ཅན་ཀུན་སྙོམས་བྱམས་པར་དགོངས།། དེ་རིང་མཉམ་གྱུར་མཉམ་པར་གཟིགས།། མཐུ་ཆེ་སྟོབས་ཀྱང་ཆེ་བ་ལགས།། མི་ཤེས་སྲིད་པའི་མཚོ་ཆེན་ལས།། དེད་ཁྱོད་བདག
152b6 ནི་བསྒྲལ་དུ་གསོལ། ། བདག་ཅག་ཀུན་གྱིས་བཟོད་པ་གསོལ།། དེ་བཞིན་གཤེགས་པས་བཟོད་པར་མཛོད།། དམ་ཆོས་འདུ་སྟོན་ཐོས་ནས་ནི།། དེ་བཞིན་གཤེགས་པའི་ཆེ་བ་རྟོགས།། མ་འཚལ་བ་ནི་ཀྱེ་རེ་མཚར།། བདག་གིས་ཡུན་རིང
152b7 མི་སྙན་བགྱིས། ། དེ་བཞིན་གཤེགས་རྟག་མ་འཚལ་བའི།། སེམས་ཅན་རྣམས་ནི་ངན་འགྲོར་མཆི།། མ་འཚལ་བ་ནི་ཀྱེ་རེ་མཚར།། བདག་གིས་ཡུན་རིང་འཁོར་བ་བགྱིས།། ཡོངས་སུ་མྱ་ངན་འདའ་སྙམ་མཛད།། སེམས་ཅན་མར་མེའི་ནད
152b8 དག་ཏུ། ཕྱེ་མ་ལ་བ་ནི་མཆོད་པ་བཞིན།། བཅོམ་ལྡན་དམ་ཆོས་དེ་བཞིན་དུ།། ཡོངས་སུ་མྱ་ངན་འདའ་འགྱུར་སྙམ།། དེ་ལྟར་སེམས་པར་བགྱིད་པ་ཡི།། ལྟར་བཅས་འཇིག་རྟེན་འཁོར་བར་འགྱུར།། དེར་བ་དག་ཡང་དག་མཚན་མཐོང
iiif viewer powered by OpenSeadragon
