| e-texts navigator |
| Wylie |
151a1 མཚར་རྨད་དུ་བྱུང་བ་ལགས།། ལུས་བདེ་ཡིད་དང་འཐད་པ་ཡི།། སེར་བུ་དང་ཀྱང་ལྡང་བར་གྱུར།། བར་སྣང་མཁའ་ལས་འབྲུག་སྒྲ་སྒྲོགས།། གློག་མེད་ཐམས་ཅད་རྣམ་པར་འགྱུ།། རིན་ཆེན་གང་བའི་ཆུ་རྒྱུན་འབབ།།
151a2 དེ་དག་ཚུལ་གྱི་ཆར་འབབ་ཅིང་།། སེམས་ཅན་མི་གནོད་འཐུན་པར་བསིལ།། སྲོག་ཆགས་ཕྲ་མོ་སྡིག་སྦྲུལ་སྤྲད།། དེ་རིང་རབ་དགའ་མགུ་ཞིང་རྩེ།། ལེབརྒན་རྩི་དང་ས་ལ་དང་།། ཨ་ཏི་མུག་ཏ་ཏི་ལ་ཀ། བུན་ནག་དང་ཀཽ་ཏ་དང་།
151a3 ཀུ་རུ་བ་ཀ་ཀེ་ས་ར།། དྲི་ཞིམ་པ་དང་ནག་དང་།། ཨ་ཀ་རུ་དང་དོང་ཀ་ཡིས།། འོད་མའི་ཚལ་ནི་དེ་རིང་དུ།། ཤིན་དུ་སྣང་ཞིང་མཆིས་པར་བགྱིས།། བཀུ་ལ་དང་ཙམ་པ་ཀ། ཐང་ཤིང་བྲ་ཡ་ཀུ་ཡི་ཤིང་།། གསེང་ཕྲོམ་དང་ནི་ཉ
151a4 དང་། ། སྒྲོན་ཤིང་དང་ནི་ཡོངས་འདུད།། ཤིང་ལྗོན་ཚོགས་ཀྱིས་འོད་མའི་ཚལ།། དེ་རིང་སྣང་ཞིང་མཆིས་པར་བགྱིས།། ཨ་སྨཱ་ཏ་ལ་ཀ་བིང་ཐ།། བ་ནས་དང་ཙན་དན་དམར།། བ་མགལ་ཤིང་ནི་དྲི་ཞིམ་གྱིས།། འོད་མའི་ཚལ་ནི་དང
151a5 སྣང་བགྱིས། ། སྲ་རྩི་ཤིང་མཆོག་པ་རང་ག། ཨང་ཙུ་ཀ་དང་ཀེ་ས་རི།། མྱ་ངན་འཚང་དང་ཙམ་པ་ཀ། དམར་སེར་གྱིས་ནི་འོད་མའི་ཚལ།། དེ་རིང་འབར་ཞིང་མཆིས་པར་གྱིས།། རྒྱ་ཤུག་འཛམ་བུ་ཀ་མ་པ་རི།། སྐྱུ་རུ་བེལ་བ་སེའུ
151a6 ཤིང་ནགས། ། ཏེན་དུ་ཀ་དང་བཀས།། དངར་ཞིང་ཞིམ་པའི་ཤིང་ལྗོན་དང་།། འབྲ་ཀེའི་ཤིང་མང་རྒུན་ཤིང་ཚོགས།། བལ་བུ་དང་ནི་ས་བརྟོལ་མང་།། མ་ནི་ཀ་ར་དོང་ཀ་དང་།། ཤིང་ལྗོན་ཚོགས་ཀྱིས་འོད་མའི་ཚིལ།། དེ་རིང
151a7 སྣང་ཞིང་མཆིས་པར་བགྱིས། ། ཨ་གཱ་རུ་ཡི་ཤིང་དག་དང་།། ཏ་མ་ལ་མང་བ་རབ་མཛེས་དང་།། གུར་ཀུམ་དང་ནི་ཕུར་མོ་དང་།། ས་བོན་ཚོགས་ནི་མང་པོ་དང་།། གོ་ཤིང་ཤ་དང་ཙན་དན་དམར།། ཧ་རི་ཙིན་དན་དུ་མ་དང་།། ཤིང
151a8 ལྗོན་ཚོགས་ཀྱིས་འོད་མའི་ཚལ། ། དེ་རིང་སྣང་ཞིང་མཆིས་པར་བགྱིས།། སྐྱེད་མོས་ཚལ་དང་ནགས་ཚལ་དང་།། རྫིང་བུ་མཚོ་མངས་དག་ན་ཡང་།། དུས་ཚིགས་ཀུན་གྱི་ཨུད་པ་ལ་ཚོགས།། མེ་ཏོག་རྒྱས་པས་འོད་མའི
iiif viewer powered by OpenSeadragon
