| e-texts navigator |
| Wylie |
118b1 ཀྱི་བུ་ལྔ་པོ་མི་འཆི་བ་འདི་ནི་བསྐལ་པ་བཟང་པོའི་སངས་རྒྱས་རྣམས་ལ་བསྙེན་བཀུར་བྱས་ནས། སངས་རྒྱས་ཀྱིས་ཞིང་འདི་ཉིད་དུ་མངོན་པར་རྫོགས་པར་འཚང་རྒྱ་བར་འགྱུར་ཏེ། མངོན་པར་རྫོགས་པར་སངས་རྒྱས་ནས་ཀྱང་མི་འ
118b2 བ་ཞེས་བྱ་བའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སུ་འགྱུར་རོ། ། དེ་ནས་བཅོམ་ལྡན་འདས་ཀྱིས་ལྷ་མོ་མི་འཆི་བ་ལ་བཀའ་སྩལ་བ། མི་འཆི་བ་ཁྱོད་ཀྱིས་རང་གི་སངས་རྒྱས་ཀྱི་ཞིང་སྟོན
118b3 ཅིག། དེ་ནས་ལྷ་མོ་མི་འཆི་བ་གཟུགས་ཐམས་ཅད་ཡོངས་སུ་སྟོན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་པར་གྱུར་ཏེ། ལྷ་མོ་མི་འཆི་བ་གཟུགས་ཐམས་ཅད་ཡོངས་སུ་སྙན་པའི་ཏིང་ངེ་འཛིན་དེ་ལ་སྙོམས
118b4 པར་ཞུགས་མ་ཐག་ཏུ་དེའི་ཚེ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ལག་མཐིལ་ལྟ་བུར་མཉམ་ཞིང་བཻ་དཱུརྱའི་གཞིར་སྣང་བར་གྱུར་ཏེ། རི་ནག་པོ་མེད་ཅིང་ཤིང་ཐ་མལ་བ་མདལ། གནས་གནས
118b5 དག་ན་ཡང་དཔག་བསམ་གྱི་ཤིང་ཤ་སྟག་སྣང་བར་གྱུར་ཏོ། ། གནས་གནས་དག་ན་ཆུ་མིག་དང་། མཚེའུ་དང་། ལྟེང་ཀ་དང་། རྫིང་ཡན་ལག་བརྒྱད་དང་ལྡན་པའི་ཆུས་ཡོངས་སུ་གང་བ་དག་སྡང་བར་གྱུར་ཏོ།། མི
118b6 ཕལ་བ་མེད་པར་སྣང་བར་གྱུར་ཏོ། ། དེ་ན་བུད་མེད་ཀྱི་སྒྲ་ཡང་མི་གྲག་པར་འགྱུར་ཏོ།། གནས་དང་གནས་དག་ན་པད་མ་ཤིང་རྟའི་འཁོར་ལོ་ཙམ་དག་སྣང་བར་གྱུར་ཏེ། པད་མ་དེ་དག་ལ་ཡང་བྱང་ཆུབ་སེམས་དཔའི
118b7 གཟུགས་སྐྱིལ་མོ་ཀྲུང་དུ་འཁོད་པ་ཤ་སྟག་སྣང་བར་གྱུར་ཏོ། ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མི་འཆི་བ་དེ་ཡང་བྱང་ཆུབ་སེམས་དཔའ་དེ་དག་ལ
118b8 ཆོས་སྟོན་པར་སྣང་སྟེ། བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་པ་བྱེ་བ་ཁྲག་ཁྲིག་བརྒྱ་སྟོང་དུ་མས་ཡོངས་སུ་བསྐོར་ཅིང་བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་དུ་མས་མདུན་དུ་བདར་ཏེ། འདི་ལྟ
iiif viewer powered by OpenSeadragon
