| e-texts navigator |
| Wylie |
212b1 གྱི་རྒྱལ་པོ་གསལ་རྒྱལ་ལ་བཀའ་སྩལ་པ། ལྟོས་རྒྱལ་པོ་ཆེན་པོ་སངས་རྒྱས་ཀྱི་ཞིང་འདི་ནས།། བྱང་ཕྱོགས་ལོགས་སུ་གང་གཱའི་ཀླུང་བཞི་བཅུ་རྩ་གཉིས་ཀྱི་བྱེ་མ་སྙེད་ཀྱི་འཇིག་རྟེན་གྱི་ཁམས་འདས་པ་ན། འཇིག་རྟེན་།
212b2 ཁམས་རྟག་པར་རབ་ཏུ་དགའ་བ་སྡུག་ཅིང་མོས་པ་ཞེས་བྱ་བ་དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མོས་པ་རབ་ཏུ་དགའ་བའི་སྙིང་པོ་ནོར་བུ་རིན་པོ་ཆེ་བརྩེགས་པའི་རྒྱལ་པོ་ད
212b3 ལྟར་བཞུགས་ཏེ། འཚོ་ཞིང་གཞེས་པ་དེ་ན་ཉན་ཐོས་དང་། རང་སངས་རྒྱས་ཐམས་ཅད་མེད།། ཐེག་པ་གཅིག་ལས་ཐེག་པ་གཞན་གྱི་མིང་ཡང་མེད། རྒ་བ་དང་། ན་བ་དང་། སྡུག་བསྔལ་ཡང་མེད། བདེ་བ་ཐམས་ཅད་དང་རབ
212b4 ཏུ་ལྡན་པར་གྱུར་ཏེ། སེམས་ཅན་ཚེ་དཔག་ཏུ་མེད་པའི་གཟི་བརྗིད་དང་། ཁ་དོག་དཔག་ཏུ་མེད་པ། འཇིག་རྟེན་ན་དཔེ་དང་། རྒྱུ་དང་བྱེད་པ་མེད་དེ། རྟག་ཏུ་དགའ་ཞིང་མོས་པ་དང་། དཔེ་མེད་པ་དེ་ན། དེ་བཞིན་གཤེགས
212b5 པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མོས་པ་རབ་ཏུ་དགའ་བའི་སྙིང་པོ་རིན་པོ་ཆེའི་ནོར་དུ་རིན་པོ་ཆེ་བརྩེགས་པའི་རྒྱལ་པོ་ད་ལྟར་བཞུགས་ཏེ། འཚོ་ཞིང་གཞེས་པ་དེ་ལ་རྒྱལ་པོ་ཆེན་པོ་ཐལ
212b6 མོ་སྦྱོར་ཏེ་རྗེས་སུ་ཡི་རང་བར་བྱོས་ཤིག། དེ་བཞིན་གཤེགས་པ་དེ་གཞན་མ་ཡིན་ཏེ། འཇམ་དཔལ་གཞོན་ནུར་གྱུར་པ་འདི་ཉིད་ཡིན་ནོ།། འཇམ་དཔལ་གཞོན་ནུར་གྱུར་པ་དང་། སོར་མོའི་ཕྲེང་བ་གཉིས་ཀྱི་མིང་གང
212b7 གིས་ཐོས་སམ། དེ་ལ་རྟག་ཏུ་ཕྱག་འཚལ་ནས། སེམས་ཅན་དེ་དག་གི་ཁྱིམ་ཉིད་དུ་དགའ་བ་ཅན་གྱི་འཇིག་རྟེན་མཐོང་སྟེ། ངན་འགྲོ་རྣམས་བཞིའི་སྒོ་བཅད་པར་འགྱུར་རོ།། དེ་གཉིས་ཀྱི་མིང་ཐོས་ནས་ཕྱི་རོལ་པ
212b8 རྣམས་དང་། ཕས་ཕམ་པ་དང་། མཚམས་མེད་པར་གྱུར་པས་འཕྱ་བ་འམ། སྟེང་པ་འམ། འདྲན་ཏོར་རམ། གཞན་གྱིས་བརླབས་སམ། རྙེད་པ་དང་། བཀུར་བ་དང་། ཚིགས་བཅད་ཀྱི་ཕྱིར་ཡང་རུང་སྟེ།། དེ་དག་གིས
iiif viewer powered by OpenSeadragon
