| e-texts navigator |
| Wylie |
122a1 ནཔ་ཛུད་པའི་སེམས་ཀྱིས་ལེགས་སོ་ཞེས་བྱ་བ་འགའ་ཞིག་རྗེས་སུ་འབུལ་ན་ཡང་རིགས་ཀྱི་བུའམ་རིགས་ཀྱི་བུ་མོ་དགེ་བའི་རྩ་བ་ངན་ངོན་དང་ལྡན་པ་མ་ཡིན་ཏེ། དེ་དག་ངས་ཡོངས་སུ་བཟུང་བ་ཡིན་ནོ།། བྱང་ཆུབ་སེམས་དཔའ
122a2 སེམས་དཔའ་ཆེན་པོ་བྱམས་པས་ཀྱང་འགྲོན་དུ་གཉེར་བར་བྱེད་དོ། ། དེ་དག་གིས་ང་ཡི་བྱང་ཆུབ་ཕྲག་པ་ལ་བྱེར་བ་ཡིན་ནོ།། གང་སྙིགས་མ་ལྔ་དག་ལ་བབ་པའི་ཚེ་མདོ་སྡེ་འདི་ལ་མོས་པའི་སེམས་ཅན་དེ་དག་ནི་ངས་ཡོངས་སུ་སྨིན
122a3 པར་བྱས་པ་ཡིན་ཏེ། ཚེ་རབས་གཞན་དུ་ཡང་མི་ཕམ་པས་ཡོངས་སུ་འཛིན་པར་འགྱུར་རོ།། དེའི་སྐྱེ་བའི་རྒྱ་མཚོ་སྐམས་པ་ཡིན་ནོ།། བདུད་ཕམ་པར་བྱས་པ་ཡིན་ནོ།། ཉོན་མོངས་པ་རྣམས་བསལ་བ་ཡིན་ནོ།། ཆོས་ཀྱི་རྔ་ཤིན
122a4 དུ་བརྡུངས་པ་ཡིན་ནོ། ། སྲིད་པ་གསུམ་རྣམ་པར་བཟློག་པ་ཡིན་ནོ།། ཕྱིར་རྒོལ་བ་རྣམས་ལས་ངེས་པར་རྒྱལ་བ་ཡིན་ནོ།། ཉོན་མོངས་པའི་ཚོགས་བཅོམ་པ་ཡིན་ནོ།། རིགས་ཀྱི་བུའམ་རིགས་ཀྱི་བུ་མོ་གང་ལ་ལ་ཞིག་གིས་སྟོང
122a5 གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་གྲངས་མེད་པ་ཕྲག་བཅུའི་རྡུལ་ཕྲ་རབ་ཀྱི་རྡུལ་སྙེད་ཀྱིས་བསྐལ་པར་དེ་བཞིན་གཤེགས་པ་ཐམས་ཅད་ལ་བདེ་བའི་ཡོ་བྱད་ཐམས་ཅད་ཀྱིས་བསྙེན་བཀུར་བྱེད་ཀྱང་། དེ་བཞིན
122a6 གཤེགས་པའི་སྔོན་གྱི་རྣམ་པར་འཕྲུལ་བ་འདི་ཐོས་ནས་དད་པར་མི་བྱེད་ན། དེ་ཉེས་པ་ཆེ་བ་ཡིན་ནོ།། དེ་བཞིན་གཤེགས་པའི་བཀས་རིགས་ཀྱི་བུ་དེ་དེ་བཞིན་གཤེགས་པ་ལ་རིམ་གྲོར་བྱ་བས་རིམ་གྲོར་བྱེད་པ་དང་། རིགས་ཀྱི
122a7 བ་ཨུའམ་རིགས་ཀྱི་བུ་མོ་གང་གཞན་ཞིག་གིས་དེ་བཞིན་གཤེགས་པས་ཡང་དག་པར་བསྟན་པ་འདི་ཐོས་ནས་དད་ཅིང་སེམས་རབ་ཏུ་དང་བས་ལེགས་སོ་ཞེས་བྱ་བ་འབུལ་ན་གང་དེ་བཞིན་གཤེགས་པ་ལ་མཆོད་ཅིང
122a8 བསྙེན་བཀུར་བྱས་པ་དེ་བས་འདི་བསོད་ནམས་ཆེས་ལྷག་པར་བརྒྱ་ཕྲག་སྟོང་སོགས་པར་འགྱུར་རོ། ། དེ་ལྟ་བས་ན་རིགས་ཀྱི་བུ་གང་དག་ངལ་སྐྱབས་སུ་སོང་བ་དེ་དག་གིས་མདོ་སྡེ་འདི་བྲི་བར་བྱ་བཅང་བར་བྱའོ།། དེ་ནས་བྱང
iiif viewer powered by OpenSeadragon
