| e-texts navigator |
| Wylie |
121a1 འཐུང་པོ་དག་མི་ཤེས་པས་གནས་མིགཡོའོ།། དེ་ལྟར་མི་དམུས་ལོང་དེ་ཇི་ལྟར་ཤེས་པ་དེ་བཞིན་དུ་ཆོས་དེ་ཉིད་ལ་མངོན་པར་ཞེན་ཏོ།། རིགས་ཀྱི་བུ་དོན་ཡོངས་སུ་ཚོལ་བར་འདོད་པས་རང་གི་རྒྱུད་ལས་ཡོངས་སུ
121a2 བཙལ་བར་བྱའོ། ། རིགས་ཀྱི་བུ་བྱང་ཆུབ་ཡོངས་སུ་ཚོལ་བར་འདོད་པས་རང་གི་ཉེ་བར་ལེན་པའི་ཕུང་པོ་ལྔ་ལས་བཙལ་བར་བྱའོ།། ཆོས་ཀྱི་རྣམ་གྲངས་འདིའི་དོན་ཇི་ལྟ་བ་བཞིན་བཤད་པ་ན་སྟོང་གསུམ་གྱི་སྟོང་ཆེན་པོའི་འཇིག་རྟེན
121a3 གྱི་ཁམས་ཐམས་ཅད་རྣམ་པ་དྲུག་ཏུ་གཡོས་སོ། ། སྣང་བ་ཆེན་པོས་འཇིག་རྟེན་ཁྱབ་པར་ཤིན་དུ་སྣང་བར་གྱུར་ཏོ།། བཅོམ་ལྡན་འདས་དེ་བཞིན་གཤེགས་པ་ཆོས་འཕགས་ཀྱི་ལྗགས་ཀྱི་དབང་པོ་ཕྱུང་ནས་སྟོང་གསུམ་གྱི་སྟོང་ཆེན
121a4 པོའི་འཇིག་རྟེན་གྱི་ཁམས་ཐམས་ཅད་ལྗགས་ཀྱི་དབང་པོས་ཡང་དག་པར་བཀབ་པར་གྱུར་ཏོ། ། ལྗགས་ཀྱི་དབང་པོ་དེ་ལས་འོད་ཟེར་བྱེ་བ་ཁྲག་ཁྲིག་སྟོང་ཕྲག་དུ་མ་བྱུང་སྟེ། འོད་ཟེར་དེ་དག་གིས་སེམས་ཅན་དམྱལ་བ་ཆེན་པོ་ལ་སོགས
121a5 པ་ནས་སྲིད་པའི་རྩེ་མོའི་བར་གྱི་འཇིག་རྟེན་གྱི་ཁམས་ཐམས་ཅད་སྣང་བར་བྱས་སོ། ། དེ་ནས་བཅོམ་ལྡན་འདས་ཀྱི་ལྗགས་ཀྱི་དབང་པོ་དེ་ཉིད་སླར་བསྡུས་ནས་འཁོར་གྱི་དཀྱིལ་འཁོར་ཐམས་ཅད་ལ་བཀའ་སྩལ་པ། གྲོགས་པོ་དག
121a6 ལྕེ་འདི་ལྟ་བུ་ཡོད་པ་ནི་བརྫུན་མི་ཟེར་སྟེ། གྲོགས་པོ་དག་ངས་གཏམ་ཅུང་ཟད་ཇི་ལྟ་བ་བཞིན་བཤད་པ་དེ་ལྟར་བརྟག་པ་དང་། དེ་ལྟར་དད་པ་དང་། ཡིད་ཆེས་པར་བགྱིས་ཤིག། དེ་ནས་ས་བཅུ་ལ་གནས་པ་དང་། ལྷ་དང་ཀླུ་དང་གནོད
121a7 སྦྱིན་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་ལ་སོགས་པ་དང་། མི་དང་མི་མ་ཡིན་པའི་འཁོར་ཐམས་ཅད་སྟན་ལས་ལངས་ཏེ། ཐལ་མོ་སྦྱར་ནས་ཚིག་འཐུན་པར་འདི་སྐད་ཅེས་གསོལ་ཏོ།།
121a8 བཅོམ་ལྡན་འདས་ཡང་དག་པའི་དོན་བསྟན་པ་བཤད་དུ་གསོལ། བདེ་བར་གཤེགས་པ་བཤད་ཏུ་གསོལ་ཏོ།། སངས་རྒྱས་ཀྱི་མཐུས་སོམ་ཉི་མ་བགྱི་ཞིང་ཐེ་ཙོམ་མི་བགྱིའོ།། དེ་ནས་བཅོམ་ལྡན་འདས་ཀྱིས་ཐམས་ཅད་ད
iiif viewer powered by OpenSeadragon
