| e-texts navigator |
| Wylie |
120b1 ཅེས་གསོལ་ཏོ། ། བཅོམ་ལྡན་འདས་གལ་ཏེ་ཆོས་ཐམས་ཅད་བསྟན་དུ་མ་མཆིས་པ་ལགས་ན་ཆོས་དེ་དག་ཐམས་ཅད་ལ་སྐྲག་པས་བསྟན་པར་འགྱུར་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཇི་སྐད་སྨྲས
120b2 པ་དེ་བཞིན་ཏེ། ལྐུག་པ་འབའ་ཤིག་གིས་མ་ཡིན་གྱི། སེམས་ཅན་ཐམས་ཅད་ཀྱང་མི་ཤེས་བཞིན་དུ་ཆོས་སྟོན་པར་བྱེད་དོ།། གསོལ་པ། བཅོམ་ལྡན་འདས་ཇི་ལྟར་སེམས་ཅན་ཐམས་ཅད་མ་འཚལ་བཞིན་དུ་ཆོས་སྟོན་པ་དེ
120b3 ཤང་དུ་གསོལ། བདེ་བར་གཤེགས་པ་བཤད་ཏུ་གསོལ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་ལུས་འད་གསལ་ལ་འདི་སྐད་ཅེས་བཀའ་སྩལ་ཏོ།། རིགས་ཀྱི་བུ་འདི་ལྟ་སྟེ་དཔེར་ན། དམུས
120b4 ལོང་དག་ཉི་མ་ཤར་ཀྱང་གཟུགས་མཐོང་བར་མི་འགྱུར་ཞིང་ཉི་མའི་འོད་ཅི་འདྲ་བ་ཡང་མི་ཤེས་ཏེ། ཇི་ལྟར་གཞན་དག་གིས་ཉི་མའི་མཚན་ཉིད་འདི་ལྟ་བུ་ཞིག་ཡིན་ནོ་ཞེས་བསྟན་པ་དང་། དེ་ལྟར་གཞན་གྱི་སྒྲ་ལས་ཉི་མ་ཡིན་པར
120b5 མངོན་པར་ཞེན་ཏོ། ། རིགས་ཀྱི་བུ་དེ་བཞིན་དུ་ཆོས་ཐམས་ཅད་ནང་དུ་འདུས་ཤིང་དབྱིངས་ཀྱི་ནང་དུ་འདུས་ཏེ། དབྱིངས་མེད་ཅིང་ཡི་གེ་མེད་པ། ཡི་གེ་དང་བྲལ་བ། ཆོས་ཐམས་ཅད་བརྗོད་དུ་མེད་པ་ཡིན་ན་རྐྱེན་གྱི་དབང་གིས་སྒྲ
120b6 འབྱུང་བར་འགྱུར་རོ། ། རིགས་ཀྱི་བུ་འདི་ལྟ་སྟེ་དཔེར་ན། རི་བྲག་དང་སྒྲ་ལ་བརྟེན་ནས་བྲག་ཆའི་སྒྲ་འབྱུང་ཡང་རིགས་ཀྱི་བུ་རི་བྲག་གི་སྒྲ་ནི་སྟོང་པ་ཡིན་ནོ།། རིགས་ཀྱི་བུ་དེ་བཞིན་དུ་རྐྱེན་ལ་བརྟེན་ནས་ཡི་གེའི་སྒྲ་འབྱུང་བར་འགྱུར་ཏེ།
120b7 ཡི་གེའི་སྒྲ་ནི་སྟོང་པ་ཡིན་ནོ།། རིགས་ཀྱི་བུ་སེམས་ཅན་གང་དག་བརྗོད་པ་དེ་ཐམས་ཅད་སོ་སོ་ཡང་དག་པར་རིག་པའི་ནང་དུ་འདུས་པར་བལྟ་སྟེ། ཚིག་གིས་བརྗོད་པ་གང་ཡིན་པ་དེ་ནི་ཆོས་སོ་སོ་ཡང་དག་པར་རིག་པ་ཡིན་པར་བལྟ
120b8 བདང་། ཚིག་གིས་བརྗོད་པ་གང་ཡིན་པ་དེ་ནི་དོན་སོ་སོ་ཡང་དག་པར་རིག་པ་ཡིན་པར་ལྟ་བར་བྱའོ།། དེ་ལྟ་བས་ན་རིགས་ཀྱི་བུ་ཁྱོད་ཀྱིས་སེམས་ཅན་གྱི་གང་ཅུང་ཟད་གཡོ་བ་དེ་ཐམས་ཅད་ཆོས་ཀྱི་སྡོམ་བཞིར་འདུས་པར་ལྟ་བར་བྱ་སྟེ།
iiif viewer powered by OpenSeadragon
