| e-texts navigator |
| Wylie |
114a1 པ་དང་། རྐང་པ་མང་པོ་དུག་ཅན་རྣམས་ལས་བསྲུངས་པར་རེ་བར་བྱའོ།། དེ་ལ་མིའི་རྒྱལ་པོ་འཁྲུག་པའི་འཇིགས་པ་མེད་པར་རེ་བར་བྱ་སྟེ། འཇམ་དཔལ་གང་སེམས་ལ་ཐེ་ཙོམ་མེད་པ་དང་། ནེམ་ནུར་མེད་པར་ཆོས་ཀྱི
114a2 རྣམ་གྲངས་འདི་འཛིན་པར་བྱེད། འཆང་བར་བྱེད། ཀློག་པར་བྱེད། ཀུན་ཆུབ་པར་བྱེད། གཞན་ལ་ཡང་རྒྱས་པར་ཡང་དག་པར་སྟོན་པའི་ཆོས་སྨྲ་བ་དེ་ལ་ཡོན་ཏན་བསྔགས་པ་ཉི་ཤུ་པོ་འདི་རྣམས་ཡོད་པར་རེ་བར་བྱའོ།། དེ་ནས
114a3 བཅོམ་ལྡན་འདས་ལ་འཇམ་དཔལ་གཞོན་ནུར་གྱུར་པས་འདི་སྐད་ཅེས་གསོལ་ཏོ། ། བཅོམ་ལྡན་འདས་འདི་ལྟ་སྟེ་དཔེར་ན། སྨན་གྱི་ཤིང་ཐམས་ཅད་ནི་སེམས་ཅན་རྣམས་ཀྱི་རད་ཐམས་ཅད་ཞི་བར་བགྱིད་དོ།། དེ་བཞིན་དུ་ཆོས
114a4 ཀྱི་རྣམ་གྲངས་འདི་ཡང་ནད་ཐམས་ཅད་རབ་ཏུ་ཞི་བར་བགྱིད་པར་ལྟ་བར་བགྱིའོ། ། བཅོམ་ལྡན་འདས་ཀྱིས་བཀའ་སྩལ་པ། དེ་དེ་བཞིན་ནོ།། འཇམ་དཔལ་དེ་དེ་བཞིན་ཏེ། ཁྱོད་ཀྱིས་ཚིག་འདི་ལེགས་པར་སྨྲས་སོ།། ཆོས་ཀྱི་རྣམ
114a5 གྲངས་འདི་ནད་ཐམས་ཅད་རབ་ཏུ་ཞི་བར་བྱེད་པའོ། ། དེ་ཅིའི་ཕྱིར་ཞེ་ན། འཇམ་དཔལ་སྔོན་འདས་པའི་དུས་བསྐལ་པ་གྲངས་མེད་ཅིང་ཤིན་དུ་གྲངས་མེད་པ་དེའི་ཚེ་དེའི་དུས་ན། གང་དེ་བཞིན་གཤེགས་པ་དགྲ་བཅོམ་པ་ཡང་དག་པར
114a6 རྫོགས་པའི་སངས་རྒྱས་སེང་གེའི་སྟབས་སུ་འགྲོ་བ་ཞེས་བྱ་བ་ཞིག་འཇིག་རྟེན་དུ་བྱུང་བར་གྱུར་ཏེ། དེ་སྲོག་ཆགས་སྟོང་ཕྲག་དུ་མ་རྣམས་ལ་རྒྱང་རིང་པོ་ནས་ཆོས་ཀྱི་རྣམ་གྲངས་འདི་བཤད་དོ།། དེའི་ཚེ་འཁོར་དེར་བྱང་ཆུབ་སེམ?
114a7 དཔའ་རྡོ་རྗེའི་རྒྱལ་མཚན་ཞེས་བྱ་བ་འདུས་ཏེ་འདུས་པར་གྱུར་ཏོ། ། དེས་དེ་བཞིན་གཤེགས་པ་དེ་ལས་ཆོས་ཀྱི་རྣམ་གྲངས་འདི་མཉན་ཏོ།། དེ་སེམས་གཡེང་བ་མེད་པ་དང་། ཐེ་ཙོམ་མེད་པ་དང་། ནེམ་ནུར་མེད་པས་ཆོས་ཀྱི་རྣམ
114a8 གྲངས་འདི་ཡོན་ཏན་བསྔགས་པ་དང་བཅས་པར་བཟུང་ཞིང་ཀུན་ཆུབ་པར་བྱས་ཏེ། ཀུན་ཆུབ་པར་བྱས་ནས་ཀྱང་མོས་པའི་མཐུ་དང་ལྡན་པར་གྱུར་ཏེ། གྲོང་དང་གྲོང་ཁྱེར་དང་། ལྗོངས་དང་། ཡུལ་དང་ཡུལ་འཁོར་དང་། ཕོ་བྲང་འཁོར།
iiif viewer powered by OpenSeadragon
