| e-texts navigator |
| Wylie |
113b1 ངག་གསུངས་ནས། འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་བཀའ་སྩལ་ཏོ།། འཇམ་དཔལ་གང་ཆོས་ཀྱི་རྣམ་གྲངས་འདི་ལ་མོས་པར་བྱེད།། ཐེ་ཙོམ་དུ་མི་བྱེད། ནེམ་ནུར་མི་བྱེད། ལུང་སྦྱིན་པར་བྱེད། འཛིན་པར་བྱེད།
113b2 ཀློག་པར་བྱེད། ཀུན་ཆུང་པར་བྱེད། གཞན་ལ་ཡང་རྒྱ་ཆེར་ཡང་དག་པར་སྟོན་པ་དེའི་ཕན་ཡོན་བསྔགས་པ་ཉི་ཤུ་ཡོད་པར་རེ་བར་བྱའོ།། ཉི་ཤུ་གང་ཞེ་ན། ལྷས་བསྲུངས་པར་འགྱུར། ཀླུས་བསྲུངས་པར་འགྱུར། གནོད་སྦྱིན
113b3 གིས་བསྲུངས་པར་འགྱུར། སེམས་གཡེངས་པར་མི་འགྱུར།། ཆོ་བརྗེས་ནས་ཀྱང་ཚེ་རབས་དྲན་པར་འགྱུར། མངོན་པར་ཤེས་པ་ལྔ་ཐོབ་པར་འགྱུར། ཆོ་རྫ་མ་ཐག་ཏུ་བྱང་ཆུབ་སེམས་དཔའ་བྱམས་པ་མཐོང་བར་འགྱུར། དེ།
113b4 ཆོས་ཀྱི་རྣམ་གྲངས་འདི་སེམས་མི་གཡེང་བར་ཡིད་ལ་བྱེད་ཅིང་གཉིད་ཀྱིས་སྙོམ་པ་སེལ་ན། དེའི་རྨི་ལམ་དུ་སངས་རྒྱས་མཐོང་བར་འགྱུར་ཏེ། བྱང་ཆུབ་སེམས་དཔའ་མཐོང་བ་ཡང་རེ་བར་བྱའོ།། དེ་ཆོས་ཀྱི་རྣམ་གྲངས་འདི་ལ་མོས
113b5 ན་རྗེས་སུ་འཐུན་པའི་ཆོས་རྣམས་ལ་བཟོད་པ་རེ་བར་བྱའོ། ། ཆོས་ཀྱི་རྣམ་གྲངས་འདི་སེམས་ན་ཚེ་འདི་ཉིད་ལ་གནོད་སེམས་མེད་པར་རེ་བར་བྱའོ།། དུག་མྱུར་བའི་ནང་ན་འདུག་ན་ཡང་ཆོས་ཀྱི་རྣམ་གྲངས་འདི་ཡིད་ལ་བྱེད་ན་འཇིག
113b6 པ་མེད་པར་རིག་པར་བྱའོ། ། སླར་རྒོལ་བ་ཚར་བཅད་པ་རེ་བར་བྱའོ།། ཀུན་དུ་གང་བའི་ཏིང་ངེ་འཛིན་ཀྱང་ཐོབ་པར་རེ་བར་བྱའོ།། ཆོས་ཀྱི་རྣམ་གྲངས་འདི་རྟོགས་པར་བྱེད་པའི་ཚེ་ལས་ཀྱི་སྒྲིབ་པ་ཐམས་ཅད་བྱང་བར་རེ་བར་བྱའོ།། ཆོས
113b7 ཀྱི་རྣམ་གྲངས་འཆང་བ་ན་ཡང་ཆོས་ཀྱི་སྒོ་བརྒྱ་སྟོང་དུ་མ་ཐོབ་པར་རེ་བར་བྱའོ། ། བྱང་ཆུབ་ཀྱི་སེམས་མི་བརྗེད་པ་དང་། མཐའ་ཡས་འཁྱིལ་བའི་གཟུངས་ཐོབ་པར་ཡང་རེ་བར་བྱའོ།། ཆོས་ཀྱི་རྣམ་གྲངས་འདི་ཡིད་ལ་བྱེད་པ་ན་ཡང
113b8 བདུད་ཀྱིས་བསྐོར་བ་མེད་པར་རེ་བར་བྱའོ། ། སངས་རྒྱས་མངོན་དུ་ཞུགས་པར་ཡང་སྐྱེ་བར་རེ་བར་བྱའོ།། སྨོན་ལམ་ཐམས་ཅད་གྲུབ་པར་ཡང་རེ་བར་བྱའོ།། སྲོག་ཆགས་ཀྱི་རིགས་རྐང་པ་མེད་པ་དང་། རྐང་གཉིས་པ་དང་། རྐང་བཞི
iiif viewer powered by OpenSeadragon
