| e-texts navigator |
| Wylie |
112b1 སེམས་ཅན་ས་བོན་མེད་པའི་ཕྱིར།། སྐྱེ་མེད་མྱ་ངན་འདའ་བ་མེད།། ཇི་ལྟར་བུད་མེད་མོ་ཤམ་དག། དེ་ལ་བུ་ནི་ཡོད་མ་ཡིན།། དེ་ལ་བུ་ནི་ཡོད་མིན་ན།། བུ་ཡི་མྱ་ངན་བྱེད་པ་མེད།། ཆོས་རྣམས་ཐམས་ཅད་མ་སྐྱེས་པར།། དེ་ལྟར་རིག་ཅིང
112b2 མཐོང་ནས་ནི། ། འཁོར་བ་དག་ཏུ་འཁོར་བ་ན།། སྡུག་བསྔལ་འཇིགས་པ་དེ་ལ་མེད།། བྱིས་པ་མེད་པས་རྨོངས་པ་དང་།། རྨོངས་པས་ཆོས་ཉིད་མི་ཤེས་ཏེ།། ནམ་མཁའ་ཁུར་དུ་ཐོགས་བྱས་ཏེ།། མི་མཁས་པ་དག་སྐྱོ་བར་འགྱུར།།
112b3 མེད་ཅིང་མཐའ་ཡང་མེད་པ་དང་།། གྲངས་མེད་པ་དང་ཚད་མེད་པར།། གང་གིས་ཆོས་འདི་ཤེས་པ་ནི།། དེ་དག་ལ་ནི་སྐྱོ་བ་མེད།། ཇི་ལྟར་ཐོག་མའི་མཐའ་དག་ནི།། མེད་པ་དག་ཏུ་ངས་བསྟན་པ།། དེ་བཞིན་ཕྱི་མའི་མཐའ་དག་དང་།།
112b4 དབུས་ཀྱང་མཚན་ཉིད་གཅིག་པ་ཡིན།། རྟོག་པའི་མཐའ་ནི་མཐའ་མེད་དེ།། མཐའ་ནི་གསོབ་དང་མེད་པ་ཡིན།། དོན་རྣམས་དེ་ལྟར་ཤེས་བྱས་ན།། དངོས་པོ་གཉིས་སུ་མི་འགྱུར་རོ།། མཐའ་ནི་ནམ་མཁའི་མཚན་ཉིད་དེ།། སེམས
112b5 ཅན་མཐའ་ནི་བསམ་མི་ཁྱབ། ། མཐའ་ནི་མིག་ཡོར་ལྟ་བུ་སྟེ།། དེ་བས་ཡེ་ཤེས་ཤེས་མི་འགྱུར།། རྣམ་པར་རྟོག་ལ་སྤྱོད་པ་ན།། སྡིག་པ་ཇི་ལྟར་ཟད་པར་འགྱུར།། ནམ་ཞིག་སངས་རྒྱས་བདག་འགྱུར་ཞེས།། སེམས་ནི་དེ་ལྟར་འཇུག
112b6 པར་འགྱུར། ། སངས་རྒྱས་དག་ནི་མ་སྐྱེས་པས།། དེ་དག་འབྱུང་བ་གང་ཡང་མེད།། འབྱུང་བ་མེད་པའི་ཆོས་རྣམས་ལ།། བྱིས་པ་རྣམས་ནི་འབྱུང་བར་འདོད།། ནམ་མཁའ་ལ་ནི་རྟེན་པ་དང་།། གནས་དང་གནས་པར་བྱ་མི་ནུས།། ནམ་མཁའ
112b7 ལ་ནི་གནས་མེད་དེ། ། ཐོགས་པ་མེད་ཅིང་དངོས་པོ་མེད།། ཇི་ལྟར་ནམ་མཁའ་དངོས་མེད་པ།། དེ་ལྟར་བྱང་ཆུབ་ཤེས་པར་བྱོས།། ཇི་ལྟར་བྱང་ཆུབ་ཤེས་བྱ་བ།། དེ་ལྟར་སེམས་ཅན་ཤེས་པར་བྱོས།། ནམ་མཁའི་དབྱིངས་དང་བྱང་ཆུབ
112b8 དང་། སེམས་ཅན་ཁམས་རྣམས་དེ་དག་མཉམ།། གང་གིས་དེ་དག་མཉམ་ཤེས་པ།། དེས་བྱང་ཆུབ་དེད་མི་དཀའ།། གང་དག་བྱང་ཆུབ་མི་བརྩོན་ཞིང་།། ཚུལ་བཞིན་དུ་ཡང་སེམས་མི་བྱེད།། ཆོས་རྣམས་ཚོལ་བར་མི་བྱེད་པ།། དེ་ཡིས
iiif viewer powered by OpenSeadragon
