| e-texts navigator |
| Wylie |
112a1 ཏུ་རིང་། བྱིས་པ་ཕན་ཚུན་སྤྱོད་པ་དག། གཅག་ལ་གཅིག་ནི་སྨོད་བྱེད་པ།། འདི་ནི་ཚུལ་ཁྲིམས་ལྡན་མ་ཡིན།། ཚུལ་ཁྲིམས་མི་ལྡན་འདི་མི་སྲུན།། ཆོས་རྣམས་རྨི་ལམ་ལྟ་བུ་སྟེ།། འདུས་བྱས་ཐམས་ཅད་ཡང
112a2 ངག་མིན། ། སྔ་མ་བཞིན་དུ་སྐྱེ་མཐོང་ནས།། མཁས་པ་སྙིང་པོར་མི་འཛིན་ཏོ།། བདེན་པར་འདི་ལ་ཚུལ་ཁྲིམས་མེད།། ཚུལ་ཁྲིམས་མི་ལྡན་བདེན་པར་མེད།། ཆོས་རྣས་བརྟེན་ཏེ་བྱུང་བས་ན།། འདི་ལ་བདག་ནི་ཡོད་མ་ཡིན།། བསྐལ
112a3 པ་བྱེ་བ་སྟོང་དག་ཏུ། ། སྙོམ་ལས་མེད་པར་སྦྱིན་པ་བྱིན།། ཚུལ་ཁྲིམས་དག་ནི་མཆོག་བསྲུང་ཀྱང་།། འདྲེན་པས་ད་ནི་ལུང་མ་བསྟན།། གང་ཚད་ནི་འདུ་ཤེས་བྲལ།། སྦྱིན་པའི་འདུ་ཤེས་མ་ལུས་དང་།། རྣམ་པར་རྟོག་པ་ཀུན་སྤངས་པ།། དེ་ཚེ
112a4 བྱང་ཆུབ་ལུང་བསྟན་ཏོ། ། སྦྱིན་པས་ལོངས་སྤྱོད་འགྱུར་བར་བསྟན།། ཚུལ་ཁྲིམས་ཀྱིས་ནི་མཐོ་རིས་བསྟན།། གང་ན་ཆུད་ཟད་མི་དམིགས་པ།། དེ་ནི་བྱང་ཆུབ་བླ་མེད་དོ།། བྱིས་པ་དམིགས་པར་གནས་པ་དག། མི་སྐྱེ་འདུས་མ་བྱས་པ་ཡིན།
112a5 བཟོད་པ་བདག་གིས་ཐོབ་པ་ཞེས།། མི་མཁས་པ་དག་རྟོག་པར་བྱེད།། ཆོས་རྣམས་སྐྱེ་བ་མེད་པ་ལ།། གང་དག་སྐྱེ་བར་སེམས་པ་ནི།། བསྐལ་པ་བྱེ་བ་སྟོང་དུ་ཡང་།། དེ་ཡི་བཟོད་པ་རྙེད་པར་དཀའ།། ཆོས་རྣམས་མིང་གིས་ལུང་བསྟན་ཏེ།།
112a6 ཆོས་རྣམས་ལ་ནི་བྱེད་པ་མེད།། རྩ་བ་མེད་ཅིང་གནས་མེད་དེ།། ཐམས་ཅད་ནམ་མཁའི་མཚན་ཉིད་དོ།། སངས་རྒྱས་བྱེ་བ་མང་པོ་ཡིས།། འདོད་ཆགས་ཞེ་སྡང་སྤང་བའི་ཕྱིར།། ཆོས་མཆོག་དག་ཀྱང་བཤད་མོད་ཀྱི།། ཆོས་རྣམས་ཟད
112a7 པའང་ཡོད་མེད་དོ། ། གལ་ཏེ་ཆོས་དེ་ཡང་དག་ན།། ཐམས་ཅད་ཡང་དག་ཟད་པར་འགྱུར།། གང་ཕྱིར་དེ་དག་ཡང་དག་མིན།། དེ་བས་མཐའ་ནི་མི་སྙེད་དོ།། འདོད་ཆགས་ཞེ་སྡང་མཐའ་ཡས་ཏེ།། གཏི་མུག་གི་ནི་མཐའ་ཡང་མེད།། ང
112a8 ངག་གི་ནི་མཐའ་མེད་པ། ། དེ་དག་གི་ནི་རྩ་བ་མེད།། ས་བོན་མྱུ་གུ་མེད་ན་ནི།། འདབ་མ་འབྲས་བུ་ག་ལ་འབྱུང་།། འདབ་མ་མེད་པ་གང་ཡིན་པ།། དེ་ལ་མེ་ཏོག་ཡོད་མ་ཡིན།། ཆོས་རྣམས་སྐྱེ་བ་མེད་པ་ལ།། སེམས་ཅན་ས་བོན་མི་རྙེད་དོ།།
iiif viewer powered by OpenSeadragon
