| e-texts navigator |
| Wylie |
111a1 ཅག་ཏུ་མེད་པར་སྨྲའོ། ། སྦས་པ། ཅི་ལས་བསམས་ཏེ་དང་པན་ཆད་བདག་ཅག་རྣམ་པར་སྨིན་པ་མེད་པར་སླ་ནས་དེ་སྐད་ཟེར། དེ་དག་གིས་སྨྲས་པ། དེ་པན་ཅད་བདག་ཅག་གིས་གདན་ལས་ཀྱང་མ
111a2 ལས་ཀྱི་རྣམ་པར་སྨིན་པ་མེད་ཅིང་། ཆོས་ཐམས་ཅད་ཤིན་དུ་ཡོངས་སུ་མྱ་ངན་ལས་འདས་པར་ཡོངས་སུ་ཤེས་སོ།། དེའི་ཕྱིར་བདག་ཅག་དང་ཕན་ཆད་ལས་ཀྱི་རྣམ་པར་སྨིན་པ་མེད་པར་སླའོ།། སྨྲས་པ། ཚེ་དང་ལྡན་པ་དག
111a3 ཅི་ལས་བསམས་ཏེ་དེང་ཕན་ཆད་བདག་ཅག་འདུལ་བ་མ་ཡིན་པར་སྨྲའོ་ཞེས་དེ་སྐད་ཟེར། དེ་དག་གིས་སྨྲས་པ། ཚེ་དང་ལྡན་པ་ཤཱ་རིའི་བུ་དེང་ཕན་ཆད་བདག་ཅག་གིས་གང་ན་འདུལ་བ་ཡང་མེད། གསུང་ཡང་མེད་དུས་བ་མ་ཡིན་པ་ཡང་མེད
111a4 ཅིང་ཆོས་ཐམས་ཅད་ཤིན་དུ་དུལ་བར་ཡོངས་སུ་ཤེས་ཏེ། དེའི་ཕྱིར་བདག་ཅག་དེང་ཕན་ཆད་འདུལ་བ་མ་ཡིན་པར་སྨྲའོ།། དེ་ནས་དགེ་སློང་དེ་དག་གི་ལྷག་པའི་ང་རྒྱལ་བསྟན་པ་འདི་ལྟ་བུ་ཐོས་ནས་དགེ་སློང་སུམ་སྟོང
111a5 དྲུག་བརྒྱ་རྣམས་ཉེ་བར་ལེན་པ་མེད་པར་ཟག་པ་ལས་སེམས་རབ་ཏུ་རྣམ་པར་གྲོལ་ལོ། ། དེ་ནས་བཅོམ་ལྡན་འདས་ཀྱིས་དགེ་སློང་དེ་དག་ལ་ལེགས་སོ་ཞེས་བྱ་བ་བྱིན་ཏེ། དགེ་སློང་དག་གང་ན་ཆོས་གང་ཡང་རྟོགས་པ་མེད
111a6 པ་དེ་ནི་ཡང་དག་པ་ཐོབ་པ་ཡིན་གྱིས་ལེགས་སོ་ལེགས་སོ། ། དེ་ནས་བཅོམ་ལྡན་འདས་ལ་འཇམ་དཔལ་གཞོན་ནུར་གྱུར་པས་འདི་སྐད་ཅེས་གསོལ་ཏོ།། བཅོམ་ལྡན་འདས་རྟོགས་པ་རྟོགས་པ་ཞེས་བགྱི་བའི་རྟོགས་པ
111a7 དེཆོས་གང་གི་ཚིག་བླ་དགས་ལགས། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་རྟོགས་པ་རྟོགས་པ་ཞེས་བྱ་བ་དེ་ནི་སྐྱེ་བ་མེད་པའི་ཆོས་ལ་བཟོད་པའི་ཚིག་བླ་དགས་སོ།། གསོལ་པ། སྐྱེ་བ་མ་མཆིས
111a8 པའི་ཆོས་ལ་བཟོད་པ་ཐོབ་པར་འཚལ་བའི་བྱང་ཆུབ་སེམས་དཔས་ཇི་ལྟར་བསླབ་པར་བགྱི། ཇི་ལྟར་སྤྱད་པརབ་གྱི་ཇི་ལྟར་རྣམ་ཁྱོར་དུ་འཇུག་པར་བགྱི། དེ་ནས་བཅོམ་ལྡན་འདས་ཀྱིས་འཇམ་དཔལ་གཞོན་ནུར་གྱུར་པ་མི་སྐྱེ་བའི་ཆོས་ལ་བཟོད
iiif viewer powered by OpenSeadragon
