| e-texts navigator |
| Wylie |
110a1 ལས་འདའ་བར་འདུ་ཤེས་པ་དང་། ཇི་ཙམ་དུ་སེམས་ཀྱི་སྦྱོར་བ་དང་། སྤྱོད་པ་དང་། ཤེས་པ་དང་། གཡོ་བ་དང་སྤྲོས་པ་དེ་དག་ཐམས་ཅད་མེད་པའོ།། ཤཱ་རིའི་བུ་དེ་བས་ན་ཚུལ་དེ་ལྟ་བུར་ཡང་དག་པ་མ་ཡིན་པར
110a2 འཛིན་པ་དེ་དག་ལས་ཡོངས་སུ་གྲོལ་བ་དེ་དག་ནི་ཤེས་པའོ། ། ཤཱ་རིའི་བུ་རྣམ་གྲངས་དེས་གང་གིས་འདུ་ཤེས་མེད་པ་ཡོངས་སུ་རྫོགས་པར་བྱས་པ་དེ་དག་མྱུར་དུ་མི་སྐྱེ་བའི་ཆོས་ལ་བཟོད་པ་ཐོབ་པར་འགྱུར་རོ།། དགོངས་ཏེ་གསུངས
110a3 པའི་བསྟན་པའི་ཚེ། བྱང་ཆུབ་སེམས་དཔའ་བཞི་ཁྲི་ཉིས་སྟོང་གིས་མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་ཏོ།། དགེ་བསྙེན་དྲུག་སྟོང་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ།། ལྷའི་བུ་སུམ་ཁྲི་དྲུག
110a4 སྟོང་རྣམས་ཀྱིས་ཡེ་ཤེས་མངོན་པར་རྟོགས་པར་གྱུར་ཏོ། ། དགེ་སློང་ལྷག་པའི་ང་རྒྱལ་ཅན་དྲུག་བཅུ་པོ་དདག་རྣམས་ཀྱང་ཉེ་བར་ལོན་པ་མེད་པར་ཟག་པ་རྣམས་ལས་སེམས་རྣམ་པར་གྲོལ་ལོ།།
110a5 དེ་དག་སེམས་རྣམ་པར་གྲོལ་ནས་མགྲིན་གཅིག་ཏུ་ཚིག་སྨྲས་པ། བཅོམ་ལྡན་འདས་བདག་ཅག་ནི་དེང་སླན་ཆད་སྟོན་པ་དྲུག་རྣམས་ཀྱི་རྗེས་སུ་རབ་ཏུ་བྱུང་ངོ་།། དེང་སླན་ཆད་བདག་ཅག་གི་སྟོན་པ་སངས་རྒྱས་མ་ལགས། ཆོས
110a6 ལ་མི་རྟེན། དགེ་འདུན་ལ་མི་རྟེན་ཏོ།། དེང་སླན་ཆད་བདག་ཅག་བྱ་བ་མ་མཆིས་པར་སྭཱ།། རྒྱུམ་མཆིས་པར་སྨྲབ། ལས་མ་མཆིས་པར་སྡུག་རྣམ་པར་སྨིན་པ་མ་མཆིས་པར་སྨྲ་བ། འདུལ་བ་མ་ལགས་པར་སྨྲ་བའོ།། དེའི་ཚེ་འཁོར་དེ་ན་སྲོག་ཆགས
110a7 སྟེང་ཕྲག་མང་པོ་རྣམས་འདི་སྙམ་དུ་གྱུར་ཏེ། འདི་ལྟར་དགེ་སློང་འདི་དག་འདི་ལྟ་བུ་ཡང་དག་པ་མ་ཡིན་པའི་ཚིག་སྨྲ་བ་ལས་ན། བཅོམ་ལྡན་འདས་ཀྱིས་བསླབ་པ་ཕུལ་ནས་མུ་སྟེགས་ཅན་གྱི་མཚན་མ་འཛིན་པར་མི་འགྱུར
110a8 རབ་སྙམ་དུ་གྱུར་ཏོ། ། དེ་ནས་ཚེ་དང་ལྡན་པ་ཤཱ་རིའི་བུའི་སེམས་ཀྱིས་འཁོར་དེ་དག་གི་སེམས་ཀྱི་རྟོག་པ་ཤེས་ནས་དགེ་སློང་དེ་དག་ལ་སྨྲས་པ། ཚེ་དང་ལྡན་པ་དག་ཅི་ལས་བསམས་ཏེ། དེང་ཕན་ཆད་བདག་ཅག་སྟོན་པ་དྲུ།
iiif viewer powered by OpenSeadragon
