| e-texts navigator |
| Wylie |
108b1 བསྟན། བཅོམ་ལྡན་འདས་ཀྱིས་བཀའ་སྩལ་པ། ཤཱ་རིའི་བུ་སྐྱེ་བའི་སྤྱོད་ཡུལ་ཅན་གྱི་སེམས་ཅན་བདག་དང་། སེམས་ཅན་དང་། སྲོག་དང་། གང་ཟག་ཏུ་སྨྲ་བ་རྣམས་མོས་པ་བསྐྱེད་པའི་ཕྱིར་མྱ་ངན་འདས་པ་གདགས
108b2 སུ་མེད་པ་ལ་ཡང་དེ་བཞིནི་གཤེགས་པས་ཡོན་ཏན་མཐའ་ཡས་པའི་ཕན་ཡོན་གྱི་བྱེ་བྲག་བསྟན་ཏོ། ། ཤཱ་རིའི་བུ་འོན་ཀྱང་འཕགས་པ་རྣམས་ནི་སྦྱིན་པ་ལ་འཇུག་པར་མི་བལྟའི། འཕགས་པ་རྣམས་འདོད་ཆགས་དང
108b3 བྲལ་བ་དང་། སྦྱིན་པ་ལས་ལྡོག་པར་བལྟའོ།། ཤཱ་རིའི་བུ་འདི་ལྟ་སྟེ་དཔེར་ན། ཤིང་པ་དག་ཞིང་ལ་ནས་ཀྱི་ས་བོན་བཏབ་ཏེ། དེའི་ནས་དེ་ཉིད་ལ་བརྟེན་ནས་སྲེད་དང་། རྩཝ་དང་། དེ་རྣམས་སྐྱེན། ཤཱ་རིའི་བུ་དེ་ཇི་སྙམ་དུ་སེམས།
108b4 སྲེད་དང་རྩཝ་དང་ངོ་དེ་དག་ཞིང་པ་དེའི་ལས་བྱས་པའི་འབྲས་བུ་ཡིན་ནམ། གསོལ་པ། བཅོམ་ལྡན་འདས་མ་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། ཤཱ་རིའི་བུ་འདི་ལྟ་སྟེ་དཔེར་ན། ཞིང་བས་ནས་ཀྱི་ས་བོན་བཏབ་པ
108b5 དེའི་ནས་དེ་དག་ཉིད་ལ་བརྟེན་ནས་སྲེད་པ་རྣམས་འབྱུང་བ་དང་། རྩཝ་དང་ངོ་རྣམས་སྐྱེ་བར་འགྱུར་ཏེ། ནས་ཀྱི་སྙེམ་གཞན་རྣམས་ཀྱང་འབྱུང་ངོ་།། དེ་བཞིན་དུ་འཕགས་པ་རྣམས་ལ་སྦྱིན་པ་བྱིན་པ་ནི་ཚེགས་ཆུང་ངུས་ལོངས་སྤྱོད་ཆེན་པོར
108b6 འགྱུར་ལ། གཞན་ཡང་ཟག་པ་ཟད་པ་སྲེད་པའི་འབྲས་བུ་ཐམས་ཅད་སྐེམས་པར་བྱེད་དོ།། འདི་ལྟ་སྟེ་དཔེར་ན་ནས་འདོད་པ་དག་འདི་ནི་ནས་ཀྱི་ས་བོན་དེའི་འབྲས་བུ་མ་ཡིན། འདི་ནི་ནས་ཀྱི་ས་བོན་དེའི་རྙེད་པ་མ་ཡིན་ནོ་སྙམ་ནས
108b7 སྲེད་པ་མགུ་བར་མི་འགྱུར་ཞིང་། རྩ་དང་ངོས་རངས་པར་མི་འགྱུར་བ་དེ་བཞིན་དུ་འདུས་མ་བྱས་པའི་ཞིང་ལ་སྦྱིན་པ་བྱིན་པ་འདུས་བྱས་ཀྱི་འབྲས་བུ་ཡིན་པར་བསྟན་པར་མི་བྱེད་དོ།། ཤཱ་རིའི་བུ་རྣམ་གྲངས་དེས་གང་ཡང་དག་པར
108b8 ཞུགས་པ་དེ་དག་ལ་བྱིན་པ་འབྲས་བུ་ཆེ་བ་མ་ཡིན། ཕན་ཡོན་ཆེ་བ་མ་ཡིན་ནོ།། གསོལ་པ། བཅོམ་ལྡན་འདས་གང་དག་ལ་སྩལ་ན་འབྲས་བུ་ཆེ་བ་མ་ལགས་ཤིང་། སྨན་ཡོན་ཆེ་བ་མ་ལགས་པ་དེ་དག་ཇི་ལྟར་འཇིག་རྟེན
iiif viewer powered by OpenSeadragon
