| e-texts navigator |
| Wylie |
276a1 གཏན་བྱེད་དམ། འོན་ཏེ་སེམས་ལ་གནས་ཏེ་བསམ་གཏན་བྱེད། ཤཱ་རིའི་བུས་སྨྲས་པ། འཇམ་དཔལ་འདི་ལྟར་ཚེ་འདི་ལ་བདེ་བར་གནས་པར་བྱ་བ་དང་། བརྗེད་པ་མེད་པར་གནས་པར་བྱ་བའི་ཕྱིར་ཏེ་དེ་ལྟ་བུའི་ཕྱིར་བསམ་གཏན་བྱེད་དོ།། འཇམ
276a2 དཔལ་གྱིས་སྨྲས་པ། བཙུན་པ་ཤཱ་རིའི་བུ་ཆོས་གང་དག་ཚེ་འདི་ལ་བདེ་བར་གནས་པ་འམ། ཚེ་འདི་མ་ཡིན་པ་ལ་བདེ་བར་གནས་པ་འམ། བརྗེད་པ་མེད་པའི་ཆོས་དེ་དག་དམིགས་སམ། ཤཱ་རིའི་བུས་སྨྲས་པ། འཇམ་དཔལ་བདག་གིས་ཆོས
276a3 གང་དག་ཚེ་འདི་ལ་བདེ་བར་གནས་པ་འམ། ཚེ་འདི་མ་ཡིན་པ་ལ་བདེ་བར་གནས་པའི་ཆོས་དེ་དག་ཡང་དག་པར་རྗེས་སུ་མི་མཐོང་ཞིང་མི་དམིགས་མོད་ཀྱི་འོན་ཀྱང་འཇམ་དཔལ་དེ་བཞིན་གཤེགས་པས་ཉན་ཐོས་རྣམས་ལ་རབ་ཏུ་དབེན་པའི་ཆོས
276a4 སུ་གསུངས་པ་གང་ཡིན་པ་དེ་ལ་བདག་རྟེན་ཅིང་གནས་སོ། ། འཇམ་དཔལ་གྱིས་སྨྲས་པ། བཙུན་པ་ཤཱ་རིའི་བུ་གང་དེ་བནན་ཤེགས་པས་ཉན་ཐོས་རྣམས་ལ་རབ་ཏུ་དབེན་པའི་ཆོས་སུ་གསུངས་པ་གང་ཡིན་ན། བཙུན་པ་ཤཱ་རིའི་བུ་གང་ལ་རྟེན་ཅིང་གནས
276a5 ཤཱ་རིའི་བུས་སྨྲས་པ། འཇམ་དཔལ་འདི་ལ་དགེ་སློང་ནི་འདས་པ་ལ་རྟེན་ཅིང་གནས་སོ།། མ་འོངས་པ་ལ་ཏན་ཅང་གནས་སོ།། ད་ལྟར་བྱུང་བ་ལ་རྟེན་ཅིང་གནས་སོ།། དེ་བཞིན་དུ་སྦྱར་ཏེ། སེམས་ཀྱི་བར་ལ་རྟེན་ཅིང་གནས་པར་ཁོང་དུ་ཆུད་པར
276a6 སྟེ། འཇམ་དཔལ་ཆོས་དེ་དག་ནི་དེ་བཞིན་གཤེགས་པས་ཉན་ཐོས་རྣམས་ལ་རབ་ཏུ་དབེན་པར་གསུངས་པ་ཡིན་ཏེ། བདག་ཆོས་དེ་དག་ལ་རྟེན་ཅིང་གནས་སོ།། འཇམ་དཔལ་གྱིས་སྤྲས་པ། བཙུན་པ་ཤཱ་རིའི་བུ་གང་གི་ཕྱིར་འདི་སྐད་ཅེས
276a7 འདས་པ་ལ་རྟེན་ཅིང་གནས། མ་འོངས་པ་ལ་རྟེན་ཅིང་གནས། ད་ལྟར་བྱུང་བ་ལ་རྟེན་ཅིང་རབ་ཏུ་དབེན་པ་ལ་གནས་པ་ནས་དེ་བཞིན་དུ་སྦྱར་ཏེ། སེམས་ཀྱི་བར་ལ་བརྟེན་ཅིང་རབ་ཏུ་དབེན་པ་ལ་གནས་ཤེས་སྨྲ།། བཙུན་པ་ཤཱ་རིའི་བུ་འདི་ལྟ་སྟེ། གང་འདས
276a8 པའི་དེ་བཞིན་ཉིད་དེ་ཡང་ཡོད་པ་མ་ཡིན། མ་འོངས་པའི་དེ་བཞིན་ཉིད་དེ་ཡང་ཡོད་པ་མ་ཡིན། གང་ད་ལྟར་བྱུང་བའི་དེ་བཞིན་ཉིད་དེ་ཡང་ཡོད་པ་མ་ཡིན་ཏེ། དེ་ལྟར་ཆོས་དེ་དག་ནི་ཡོད་པ་མ་ཡིན་ན། ཇི་ལྟར་གནས་བརྟན་ཤཱ་རིའི་བུ་དེ་འདི་སྐད་ཅེས་འདས
iiif viewer powered by OpenSeadragon
