| e-texts navigator |
| Wylie |
105a1 ལོང་བ་འདྲེན་མེད་པའི། ། ཡོངས་སུ་འདྲེན་པར་བདག་གྱུར་ཅིག། ལུས་ཅན་རྣམས་ལ་སྐྱོབ་པ་དང་།། དཔུང་གཉེན་གླིང་དང་སྐྱབས་གྱུར་ཅིག། རིགས་ཀྱི་བུ་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་སྦྱིན་པའི་ཕ་རོལ་དུ་ཕྱིན་པ་ལ་མངོན
105a2 པར་བརྩོན་པར་བྱེད་པ་ཡིན་ནོ། ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རོའི་ཕུག་དང་། ཟོ་མ་དང་རིའི་སུལ་དང་གསེབ་དང་། སྨན་ལྗོངས་ནི་སེང་གེའི་མཆོག་རྣམ་པར་བསྒྱིངས་ཤིང་ང་རོ་རྣམ་པར་སྒྲོགས་པ་ལྟ་བུའི་མིའི་དབང་པོའི་གཙུག་གི
105a3 ནོར་བུས་བཅོམ་ལྡན་འདས་ལས་སྦྱིན་པའི་ཕ་རོལ་ཏུ་ཕྱིན་པའི་རྣམ་པར་དབྱེ་བས་བཤད་པ་ཐོས་ནས་ཚི་མ་ཞིང་མགུལ་ཡིད་རངས་ཏེ་རབ་ཏུ་དགའ་ཞིང་བདེ་བ་དང་ཡིད་བདེ་བ་སྐྱེས་ནས་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་པུས་མ། གཡས་པའི་ལྷར་པད་མའི་སྙིང་པོ་ལ་བཙུགས་ཏེ།
105a4 བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་ཚིགས་སུ་བཅད་པའི་དབྱངས་ཀྱིས་ལེགས་སོ་ཞེས་བྱ་བ་གསོལ་ཏོ།། སྦྱིན་མཛད་ལེགས་སོ་རྟག་ཏུ་ཡབ་འདྲ
105a5 ཁྱོད་ལེགས་སོ། ། སྦྱིན་མཛད་ལེགས་སོ་གསུང་མཛད་བདེ་གཤེགས་ཁྱོད་ལེགས་སོ།། གཉེན་གྱུར་ལེགས་སོ་སྟོན་པར་གྱུར་པ་ལེགས།། གཅིག་པ་འདི་ན་དམྱལ་བ་སྐྱོབ་པ་ཁྱོད་ལེགས་སོ།། ཐུ་བོ་ལེགས་སོ་ལྷ་མི་རྣམས་ནང་བགྲེས་པ་ལེགས།།
105a6 མཆོད་གནས་ལེགས་སོ་མི་རྣམས་ནང་ན་དཔའ་བོ་ལེགས།། གསུངས་པ་ལེགས་སོ་བདག་ཉིད་ཆེན་པོར་རབ་དུལ་ལེགས།། མི་རྣམས་ཉོན་མོངས་ནད་སེལ་སྨན་པའི་རྒྱལ་པོ་ལེགས།། གྲོལ་བ་ལེགས་སོ་སྲིད་པ་གསུམ་ལས་རྣམ་གྲོལ་ལེགས།། སྨན
105a7 པ་ལེགས་སོ་པ་ན་བཞེད་དམ་པ་སྦྱིན་མཛད་ལེགས། ། དཔལ་ཡོན་ཅན་ལེགས་བཀྲ་ཤིས་སྙོམས་པའི་ཐུགས་མངའ་ལེགས།། སྐལ་ལྡན་ཟླ་བ་ཉ་འདྲ་དྲི་མེད་ཞལ་མངའ་ལེགས།། བློ་ལྡན་མཐོན་ཏིང་སྤྱན་ཡངས་རིང་བ་ལེགས།། དཔལ་ལྡན་ཤངས་འཚམ་ཆ་བྱད
105a8 རྨད་དུ་བྱུང་བ་ལེགས། ། སྨྲ་མཁས་སྙན་ཤལ་གསེར་གྱི་འཕྱང་ཐག་འདྲ་བ་ལེགས།། མཆེ་བ་ཁ་བ་དུང་འདྲ་ལེགས་ལ་ཕྱག་འཚལ་ལོ།། གཙོ་བོ་བགྲེས་པ་མགོན་པོ་ཁྱོད་ཀྱིས་དེ་རིང་དུ།། མི་རྣམས་སྦྱིན་པ་དབྱེ་བ་ལེགས་པར་གསུངས་པ་ལེགས།། སླར་ཞིང་ཚུལ
iiif viewer powered by OpenSeadragon
