| e-texts navigator |
| Wylie |
104b1 སྦྱིན་པར་བྱེད། འཇིགས་པ་མེད་པར་སྦྱིན་པར་བྱེད། རྒྱ་ཆེ་ཞིང་ཡངས་པར་སྦྱིན་པར་བྱེད་དོ།། དེ་སྦྱིན་པ་དེ་ལྟ་བུར་སྦྱིན་པ་ན་འདི་སྙམ་དུ་འདི་ནི་ཚུལ་ཁྲིམས་དང་ལྡན་པ་ཡིན་གྱིས་བདག་གིས་སྦྱིན་པར་བྱའོ།། འདི་ནི་ཚུལ་ཁྲིམས་འཆལ་བ།
104b2 ཡིན་ནོ།། འདི་ནི་དགེ་བའི་ཆོས་དང་ལྡན་པ་ཡིན་ནོ།། འདི་ནི་དགེ་བའི་ཆོས་མ་ཡིན་པ་དང་ལྡན་པ་ཡིན་ནོ།། འདི་ལ་བྱིན་ན་ནི་འབྲས་བུ་ཆེ་བ་དང་པ་ན་ཡོན་ཆེ་བ་དང་མཐུ་ཆེ་བར་འགྱུར་རོ།། འདི་ལ་བྱིན་ན་ནི་འབྲས་བུ་མི་ཆེ་བ་དང་ཕན་ཡོན་མི
104b3 ཆེ་བ་དང་མཐུ་མི་ཆེ་བར་འགྱུར་རོ་སྙམ་དུ་མི་སེམས་སོ། ། གཞན་ཡང་ཡང་དག་པའི་བློ་དང་ལྡན་གྱི། ཡང་དག་པ་མ་ཡིན་པ་མ་ཡིན་པའི་ཕྱིར་དེ་སྦྱིན་པ་དེ་སྦྱིན་པ་ན་འདི་སྙམ་དུ་སྦྱིན་པ་འདི་དང་། དགེ་བའི་རྩ་བ་དང་ཆོས་ཀྱི་ཕྱིར་སྦྱིན་པ
104b4 ཡོངས་སུ་གཏོང་བ་འདིས་ན་བདག་རྒྱལ་པོར་གྱུར་ཅིག་ཅེ་འམ། རྒྱལ་པོ་གཞན་ནམ་བློན་པོ་ཆེན་པོ་འམ། ལྷ་འམ། ལྷའི་བུའམ། ལྷ་གཞན་གང་ཡང་རུང་བ་ཞིག་ཏུ་གྱུར་ཅིག་ཅེས་སེམས་སྐྱེད་པར་མི་བྱེད་དོ།། འོ་ན་གང་བུ་ནེ་ན། གཞན་དུ་ན་བླ་ན་མེད་པ།
104b5 ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྔ་བར་བྱེད་དེ། དགེ་བའི་རྩ་བ་འདི་དང་ཆོས་ཀྱི་ཕྱིར་ཡོངས་སུ་གཏོང་བ་འདིས་ན་བདག་སེམས་ཅན་མགལ་བ་རྣམས་སྒྲོལ་བ་དང་། མ་གྲོལ་བ་རྣམས་གྲོལ་བར་བྱེད་པ་དང་། དབུགས་མ་ཕྱིན་པ་རྣམས
104b6 དབུགས་འབྱིན་པ་དང་། ཡོངས་སུ་མྱ་ངན་ལས་མ་འདས་པ་རྣམས་ཡོངས་སུ་མྱ་ངན་ལས་ཟློ་བར་བྱེད་པ་དང་། འཇིག་རྟེན་ལོང་བ་འདྲེན་པ་མེད་པ་དང་། སྐྱོབ་པ་མེད་པ་དང་། སྐྱབས་མེད་པ་དང་། གནས་མེད་པ་དང་། གླིང་མེད་པ་དང་། དཔུང་གཉེན་མེད།
104b7 པ་རྣམས་ཀྱི་འདྲེན་པ་དང་། ཡོངས་སུ་འདྲེན་པ་དང་། སྒྲོལ་བ་དང་། སྐྱབས་དང་། གནས་དང་། གླིང་དང་དཔུང་གཉེན་དུ་གྲཝ་ཅིག་ཅེས་ཡོངས་སུ་སྔོ་བར་བྱེད་དོ།། དེ་ལ་འདི་སྐད་ཅེས་བྱ་སྟེ། ཆོས་ཕྱིར་སྦྱིན་པ་འདིས་ན་བདག། འཁོར་བ་ཡི་ནི་རྒྱ་མཚོ་ལས།
104b8 གཞན་མིན་ཐེག་པ་ཆེན་པོ་ཡིས།། སེམས་ཅན་རྣམས་ནི་གྲོལ་གྱུར་ཅིག། སྐྱེ་བོ་ཐམས་ཅད་ཉོན་མོངས་པའི།། འཆིང་བདག་ལས་འགྲོལ་བར་ཤོག། དབུགས་མ་ཕྱིན་པ་དབུགས་འབྱིན་ཅིང་།། མྱ་ངན་འདས་ལམ་སྟོན་གྱུར་ཅིག། འཇིག་རྟེན
iiif viewer powered by OpenSeadragon
