| e-texts navigator |
| Wylie |
100b1 དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་བྱེད་པར་གྱུར་ཅིག་ཅེས་སྨོན་ལམ་འདེབས་སོ། ། དེ་ལ་ཚིག་ཕྱི་མ་ཡང་ཡོད་དེ།། བུའི་སྦྱིན་བདེས་ནི་མྱུར་བར་ཡང་།། སེམས་ཅན་རྣམས་ནི་རེའི་དོན་གྱི་ཕྱིར། སེམས་ཅན་ཐམས
100b2 ཅད་བླ་ན་མེད་པ་ཡི། ། བྱང་ཆུབ་དམ་པ་འཚང་རྒྱ་བྱེད་པར་ཤོག། ཆུང་མ་བུ་དང་བུ་མོ་གཏོང་བྱེད་པ།། དེ་ལ་བྱང་ཆུབ་ཟག་མེད་དཀའ་བ་མེད།། བརྩོན་འགྲུས་ལྡན་པ་ཡི་ནི་མི་གང་ལ་འང་།། དཀའ་བ་ཅི་ཡང་མེད་པར་བལྟ་བར་བྱ།། དེ་ལ་ནོར་དང་འབྲུ
100b3 ད་བང་མཛོད་ཡོངས་སུ་གཏོང་བའི་སྦྱིན་པ་ལ་ཇི་ལྟར་མངོན་པར་བརྩོན་པར་བྱེད་ཅེ་ན། རིགས་ཀྱི་བུ་འདི་ལ་བྱང་ཆུབ་སེམས་དཔའ་དེ་འདི་སྙམ་དུ་སེམས་ཏེ། ནོར་དང་། འབྲུ་དང་། བང་མཛོད་ཡོངས་སུ་གཏོང་བའི་སྦྱིན་པ་ཞེས་བྱ་བ་དེ་ནི་བྱང་ཆུབ་སེམས
100b4 དཔའ་རྣམས་ཀྱི་དམ་པའི་ཆོས་ཀྱི་མཛོད་ཡོངས་སུ་རྫོགས་པར་འགྱུར་བའི་ཚིག་བླ་དགས་ཡིན་གྱིས། ། བདག་གིས་ནོར་དང་། འབྲུ་དང་། བང་མཛོད་ཡོངས་སུ་གཏོང་བའི་སྦྱིན་པ་སྦྱིན་པར་བྱ་གོང་མ་ཆག་སྙམ་མོ།། དེ་ནོར་དང་། འབྲུ་དང་། བང་མཛོད་ཡོངས་སུ
100b5 གཏོང་བའི་སྦྱིན་པ་དེ་སྦྱིན་པ་ན། དེ་བཞིན་གཤེགས་པས་གསུངས་པའི་སྨོན་ལམ་བཞིན་དུ། ནོར་དང་། འབྲུ་དང་། བང་མཛོད་ཡོངས་སུ་གཏོང་བའི་སྦྱིན་པ་འདིས་ནི། བདག་སེམས་ཅན་ཐམས་ཅད་ཀྱི་དམ་པའི་ཆོས་ཀྱི་མཛོད་ཡོངས་སུ་རྫོགས་པར་བྱེད
100b6 པར་གྱུར་ཅིག་ཅེས་སྨོན་ལམ་འདེབས་སོ། ། དེ་ལ་འདི་སྐད་ཅེས་བྱསྟེ། ནོར་དང་དབྱིག་རྣམས་གཏོང་བའི་བསོད་ནམས་ནི།། མཐའ་ལས་ལྷག་པ་བདག་ལ་ཅི་ཡོད་པས།། མི་རྣམས་རྒྱུད་ནི་དམ་པའི་ཆོས་མཛོད་ཀྱིས།། རྒྱལ་པོའི་མཛད་ལྟར་མྱང
100b7 དུ་ཧྱས་གྱུར་ཅིག། ནོར་དང་འབྲུ་དང་བང་མཛོད་བུད་མེད་རྣམས།། གཏོང་བའི་བསོད་ནམས་བདག་ལ་ཅི་ཡོད་པ།། དེས་ན་བདག་གིས་བྱང་ཆུབ་མྱུར་འཐོབ་ཅིང་།། དམ་པའི་ཆོས་ཀྱི་མཛོད་ནི་ཐོབ་པར་ཤོག། དེ་ལ་གླིང་བཞི་དང་། འཛམ་བུའི་གླིང་དང་།
100b8 རྒྱལ་སྲིད་དབང་ཕྱུག་ཐམས་ཅད་ཡོངས་སུ་གཏོང་བའི་སྦྱིན་པ་ལ་ཇི་ལྟར་མངོན་པར་བརྩོན་པར་བྱེད་ཅེ་ན། རིགས་ཀྱི་བུ་འདི་ལ་བྱང་ཆུབ་སེམས་དཔའ་དེ་འདི་སྙམ་དུ་སེམས་ཏེ། གླིང་བཞི་དང་། འཛམ་བུའི་གླིང་གི་རྒྱལ་སྲིད་དབང་ཕྱུག
iiif viewer powered by OpenSeadragon
