| e-texts navigator |
| Wylie |
9b1 རྣམས་མི་སྟེན་ཏོ། ། སེམས་ལ་དྲན་པ་ལེགས་གནས་ན།། སྐྱོན་མང་ཞི་བའི་གནས་ཐོབ་པོ།། སེམས་ཀྱི་སྐྱོན་རྣམས་མི་ཤེས་ན།། སེམས་ལ་ཡོད་པའི་སྐྱོན་མི་རྟོགས།། སེམས་ལ་དྲན་པ་མི་གནས་ན།། སྡུག་བསྔལ་བཟོད
9b2 དཀའ་གནས་འཐོབ་པོ། ། དགེ་བའི་ཆོས་རྣམས་སྟེན་བྱེད་ཅིང་།། མི་དགེ་ཆོས་རྣམས་མི་སྟེན་པ།། ཆོས་རྣམས་ལ་ནི་མཁས་པའི་མི།། སྐྱོན་མེད་ཞི་བའི་གནས་འཐོབ་པོ།། དགེ་བའི་ཆོས་རྣམས་མི་སྟེན་ཅིང་།། མི་དགེའི་ཆོས
9b3 རྣམས་སྟེན་བྱེད་པ། ། ཆོས་རྣམས་ལ་ནི་མི་མཁས་མི།། སྡུག་བསྔལ་བཟོད་དཀའ་གནས་འཐོབ་བོ།། དེ་ནས་མི་མཇེད་ཀྱི་བདག་པོ་ཚངས་པས་ལྷའི་མེ་ཏོག་མན་ད་ར་པ་དག་མངོན་པར་སྤྲུལ་ཏེ། བཅོམ་ལྡན་འདས་ལ
9b4 མངོན་པར་གཏོར་ཏོ། ། མངོན་པར་གཏོར་ནས་ཀྱང་བཅོམ་ལྡན་འདས་ཀྱིས་བཀའ་སྩལ་པ་ལ་མངོན་པར་དགའ་ཞིང་རྗེས་སུ་ཡི་རང་ནས། བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ་བཅོམ་ལྡན་འདས་ཀྱི་ཐད་ནས
9b5 སོང་ངོ་། ། དེ་ནས་བཅོམ་ལྡན་འདས་ཀྱིས་ནམ་ནངས་པར་མཁྱེན་ནས་དགེ་སློང་གི་དགེ་འདུན་གྱི་གུང་ལ་གདན་བཤམས་པ་ལ་བཞུགས་སོ།། བཞུགས་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ
9b6 སློང་དག་མ་དང་འདིར་མི་ཉལ་ཙམ་གྱི་ནམ་གྱི་གུང་ཐུན་ལ་ང་གཅིག་པུ་དབེན་པར་འདུག་སྟེ་ནང་དུ་ཡང་དག་བཞག་ན། མི་མཇེད་ཀྱི་བདག་པོ་ཚངས་པས་ཐམས་ཅད་དང་ལྡན་པའི་ཚལ་ཆེན་པོ་འོད་ཀྱིས་སྣང་བར་བྱས་ནས་པ
9b7 ག་ལ་བ་དེར་འོངས་ཏེ་ཕྱིན་ནས་ང་ལ་མངོན་པར་བསྟོད་དེ། ལན་གསུམ་བསྐོར་བ་བྱས་ནས་ཕྱོགས་གཅིག་ཏུ་འདུག་གོ། ཕྱོགས་གཅིག་ཏུ་འདུག་ནས་མི་མཇེད་ཀྱི་བདག་པོ་ཚངས་པས་ངལ་འདི་སྐད་ཅེས་གསོལ་ཏོ།།
9b8 གལ་ཏེ་གུས་ནས་ཞུ་བ་ལུང་བསྟན་པའི་སླད་དུ་བཅོམ་ལྡན་འདས་ཀྱིས་བདག་ལ་སྐབས་དབྱེ་བར་གནང་ན། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་བདག
iiif viewer powered by OpenSeadragon
