| e-texts navigator |
| Wylie |
8a1 མེད་པ་དེ་ལྟར་ནང་གི་རྣམས་ལ་ཡང་ངོ་། ། མིག་གི་རྣམ་པར་ཤེས་པ་དང་། གཟུགས་རྣམས་ལ་ཡང་ཡང་དག་པའི་ཤེས་རབ་ཀྱིས་ཚུལ་གཅིག་ཏུ་སོ་སོར་རྟོག་གོ།། རྣ་བའི་རྣམ་པར་ཤེས་པ་དང་། སྒྲ་རྣམས་དང་། སྣའི
8a2 རྣམ་པར་ཤེས་པ་དང་། དྲི་རྣམས་དང་། ལྕེའི་རྣམ་པར་ཤེས་པ་དང་། རོ་རྣམས་དང་། ལུས་ཀྱི་རྣམ་པར་ཤེས་པ་དང་། རེག་བྱ་རྣམས་ལ་ཡང་ཡང་དག་པའི་ཤེས་རབ་ཀྱིས་ཚུལ་གཅིག་ཏུ་སོ་སོར་རྟོག་གོ། དེ་སའི་ཁམས་ལ་ནི་སྲ་བ་ཉིད
8a3 དུ་ཡང་རབ་ཏུ་ཤེས་ལ་གཤེར་བ་ཉིད་དང་། ཚ་བ་ཉིད་དང་། ཁོང་སྟོང་ཉིད་དུ་ཡང་རབ་ཏུ་ཤེས་སོ།། ཆུའི་ཁམས་ལ་གཤེར་བ་ཉིད་དུ་ཡང་རབ་ཏུ་ཤེས་ལ། སྲ་བ་ཉིད་དང་། ཚ་བ་ཉིད་དང་། ཁོང་སྟོང་ཉིད་དུ་ཡང་རབ་ཏུ་ཤེས་སོ།། མེའི་ཁམས
8a4 ལ་ཚ་བ་ཉིད་དུ་ཡང་རབ་ཏུ་ཤེས་ལ། སྲ་བ་ཉིད་དང་། གཤེར་པ་ཉིད་དང་། ཁོང་སྟོང་ཉིད་དུ་ཡང་རབ་ཏུ་ཤེས་སོ།། རླུང་གི་ཁམས་ལ་གཡོ་བ་ཉིད་དུ་ཡང་རབ་ཏུ་ཤེས་ལ་ཡང་ཞིང་གཡོ་བ་ཉིད་དུ་ཡང་རབ་ཏུ་ཤེས་སོ།། དེ་ནམ་མཁའི་ཁམས་ལ
8a5 ཁོང་སྟོང་དུ་ཡང་རབ་ཏུ་ཤེས་ལ་ཐམས་ཅད་དུ་ཡང་སོང་བ་ཉིད་དུ་ཡང་རབ་ཏུ་ཤེས་སོ། ། རྣམ་པར་ཤེས་པའི་ཁམས་ལ་སྒྱུ་མ་ལྟ་བུ་ཉིད་དུ་ཡང་རབ་ཏུ་ཤེས་ལ་ཕྱིན་ཅི་ལོག་ཉིད་དུ་ཡང་རབ་ཏུ་ཤེས། ཕྱིན་ཅི་མ་ལོག་པ་ཉིད་དུ་ཡང་རབ་ཏུ
8a6 ཤེས་སོ། ། དེ་མིག་གི་རྣམ་པར་ཤེས་པ་ལ་སྟོང་པ་ཉིད་དང་། གཟུགས་ལ་མི་རྟག་པ་ཉིད་དུ་ཡང་རབ་ཏུ་ཤེས་སོ།། རྣ་བའི་རྣམ་པར་ཤེས་པ་ལ་སྟོང་པ་ཉིད་དང་། སྒྲ་ལ་མི་རྟག་པ་ཉིད་དང་། སྣའི་རྣམ་པར་ཤེས་པ་ལ་སྟོང་པ་ཉིད་དང་། དྲི་ལ་མི
8a7 རྟག་པ་ཉིད་དང་། ལྕེའི་རྣམ་པར་ཤེས་པ་ལ་སྟོང་པ་ཉིད་དང་། རོ་ལ་མི་རྟག་པ་ཉིད་དང་། ལུས་ཀྱི་རྣམ་པར་ཤེས་པ་ལ་སྟོང་པ་ཉིད་དང་། རེག་བྱ་ལ་མི་རྟག་པ་ཉིད་དུ་ཡང་རབ་ཏུ་ཤེས་སོ།། དེ་དེ་ལྟར་ཤེས་རབ་ལ་མཁས་པས་ཤིན་དུ་རྟོགས
8a8 པའི་ཤེས་རབ་དང་ལྡན་ཞིང་ཤེས་རབ་རྣོ་བ་དང་ལྡན་ཏེ། མ་དག་པའི་ཆོས་རྣམས་ཀྱང་རབ་ཏུ་ཤེས། དག་པའི་ཆོས་རྣམས་ཀྱང་རབ་ཏུ་ཤེས། ཉན་ཐོས་ཡང་དག་པར་འགྲུབ་པར་བྱེད་པའི་ཆོས་རྣམས་ཀྱང་རབ་ཏུ་ཤེས། རང་སངས
iiif viewer powered by OpenSeadragon
